Iivesi zeBhayibhile malunga nebukhoboka

«»

• UKrestu wasikhulula ukuze sibe ngabantu abakhululekileyo mpela! Ngoko ke yimani ngxishi ningahexi, ningavumi ukuphindela kwidyokhwe yobukhoboka.
  KUMAGALATI 5:1UYesuubomiumhlawuleli
• Wawaphendula uYesu wathi: “Ndithi kuni, inene, bonke abenza isono bangamakhoboka esono.”
  UYOHANE 8:34ukuba likhobokaisono
• UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.
  KWABASEROMA 8:15uloyikoUmoyaabantwana
• Izicaka zifundise ukuthobela abaphathi, zibakholise kwinto yonke. Mazingaphendulani nabo, zingebi nokuba. Koko mazisoloko zinyanisekile, zibonakalisa intembeko, ukuze inconywe imfundiso engoThixo nangoMsindisi ngenxa yokuziphatha kwazo.
  KUTITO 2:9-10umsebenzi
• Kaloku khumbula ukuba nawe ubulikhoboka kwelaseJiputa, ndaza ke mna Ndikhoyo Thixo wakho ndakukhulula ngamandla obungangamsha bam. Yiyo ke le nto ndikuyalela ukuba uwubeke uMhla wokuPhumla.
  UHLAZIYO-MNQOPHISO 5:15isabatha
• Ukuba ke uNyana uthe wanenza nakhululeka, noba ngabakhululekileyo mpela.
  UYOHANE 8:36UYesuumhlawuleliinkululeko
• Umntu osisityebi uyalilawula ihlwempu;
  nalowo ubolekayo likhoboka lalowo ubolekisayo.
  IZAFOBE 22:7imaliityalaubuhlwempu
• Ngoku ke, nikhululwe nje esonweni, naba ngabakaThixo, ninaso isiqhamo esibubungcwele. Le nto ke ikhokelela ebomini obungunaphakade.
  KWABASEROMA 6:22inkululekoumhlawuleliisono
• Naku okona kuzila ndikufunayo:
  Zikhululeni iimbophelelo zengcinezelo;
  niwanyenyise amatyathanga edyokhwe,
  bakhululwe bonke abacinezelwa,
  niyaphule idyokhwe yengcinezelo.
  UISAYA 58:6ukuzila ukutyaummelwane
• Ziphatheni njengabantu abakhululekileyo. Kambe ke inkululeko leyo mayingabi lokhusi lokungcola; koko ziphatheni njengezicaka zikaThixo.
  1 KAPETROS 2:16ubomiinkululekoububi
• Kodwa ke ze kungabi njalo phakathi kwenu. Ofuna ukuba mkhulu phakathi kwenu, makabe ngumkhonzi wenu; nofuna ukuba ngowokuqala kuni, makabe sisicaka senu.
  UMATEWU 20:26-27ukuthobekaukukhonzaummelwane
• Kaloku xa simanywe naye ekufeni kwakhe, simanywe naye nasekuvukeni kwakhe ekufeni. Siyazi ke ukuba isimo sethu esidala sabethelelwa emnqamlezweni noKrestu, khon' ukuze igunya lesono liphuthiswe nasemizimbeni yethu, size singabi salawulwa sisono.
  KWABASEROMA 6:5-6isonouvukoukuba likhoboka
• UMoya weNkosi undongamele,
  ngoko ke indithambisile;
  indalathele ukushumayela iindaba ezimnandi kwabasweleyo.
  Yandithuma ukuvakalisa inkululeko kubathinjwa,
  nokubuyisela ukubona kwabaziimfama,
  ndibandululè bekhululekile abacinezelweyo.
  ULUKA 4:18Umoyaukuvangelainkululeko
• KuKrestu akusekho mJuda nantlanga, akusekho khoboka namntu ukhululekileyo, ndoda nabhinqa. Ninonke ningumntu omnye ngokumanywa noYesu Krestu.
  KUMAGALATI 3:28UYesuuluntuukuqonda
• Abakhutheleyo ngabo abaya kulawula;
  ke wona amavila aphelela kumsebenzi wobukhoboka.
  IZAFOBE 12:24ibuyiseloumsebenzi
• Ngokunjalo nathi sonke, nokuba singamaJuda okanye amaGrike, nokuba singamakhoboka okanye singabakhululekileyo, sabhaptizelwa mzimbeni mnye, nguMoya omnye; futhi sasezwa kwaloo Moya mnye.
  1 KWABASEKORINTE 12:13ubhaptizoUmoyauluntu
• Ndithi kuni, inene, akukho sicaka singaphezu kwenkosi yaso, kungekho nothunyiweyo ongaphezulu kwalowo umthumileyo.
  UYOHANE 13:16ukukhonzaukuthobeka
• Masikhumbule ke kodwa ukuba umthetho awenzelwa bantu balungileyo. Umthetho wenzelwa izaphula-mthetho, nezikrelemnqa, abangcolileyo, nabonayo, abanganquliyo, nabakhohlakeleyo, abo babulala ooyise noonina, izigwinta, nabarheletyayo, abalalana befana ngobuni, abaqweqwedisi, amaxoki, nabafunga bexoka, naye nabani na owenza into echasene nemfundiso yokwenene. Loo mfundiso ke ifumaneka kwezi ndaba zimnandi ndazinikelwayo ukuba ndizivakalise – uncuthu lweendaba zikaThixo onobungangamsha omakadunyiswe.
  1 KUTIMOTI 1:9-11umthethoisonongesondo