Iivesi zeBhayibhile malunga noloyiko

«»

• Ngoko ke ndinawe, sukoyika;
  ndinguThixo wakho, sukuphakuzela.
  Ndiza kukomeleza ndikusize,
  amandla am asindisayo akuxhase akukhusele.
  UISAYA 41:10amandlaukukhathazekaizixhobo
• Ndakuxineka ndikholosa ngawe.
  INdumiso 56:3thembelauThixo
• Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.
  UYOSHUWA 1:9uThixoukhuthazoisibindi
• Sanukuba naxhala; kodwa iintswelo zenu ziseni kuThixo ngomthandazo, nimbongoze ninombulelo. Ke lona uxolo lukaThixo olungaphaya kokuqonda luya kuzalusa iintliziyo neengcinga zenu ningahlukani noKrestu.
  KWABASEFILIPI 4:6-7umbuleloumthandazoukukhathazeka
• Mna ndinguNdikhoyo, uThixo wakho;
  ndokugcina ndikomeleze,
  ndithi kuwe: ‘Sukuphaphazela, ndiza kukunceda.’
  UISAYA 41:13uThixoukuxhomekeka
• Andinadyudyu, kuba uNdikhoyo ungakum;
  okokwakhe yena umntu akanakundenza nto konke.
  INdumiso 118:6ukukhuselwa
• Alukho uloyiko apho kukho uthando, kuba uthando oluyondeleleneyo luyakugxotha ukoyika. Kaloku emntwini owoyikayo uthando alukayondelelani, kuba ukoyika kuhambisana nesohlwayo.
  1 KAYOHANE 4:18uthandoisohlwayo
• Ziphoseni kuye zonke iingxaki zenu; kaloku nguye onalusayo.
  1 KAPETROS 5:7ukukhathazekaubuthathakausizi
• Ngoko ke, nokuba ndihamba kwiingxondorha ezimnyama,
  andinadyudyu.
  Kaloku ungakum, wena Ndikhoyo;
  isagweba sakho nebhunguza lakho lixhadi lam.
  INdumiso 23:4ukhuthazoukufaintshutshiso
• Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.
  2 KUTIMOTI 1:7uthandoukuzibambaamandla
• Ukuxhalela abantu kusenokuba ngumgibe;
  kambe ke othembela kuNdikhoyo ukhuselekile.
  IZAFOBE 29:25thembela
• Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.
  UHLAZIYO-MNQOPHISO 31:6ukuthembekaukukhuselwaisibindi
• InguNdikhoyo nje ondikhanyiselayo,
  inguye nje ondisindisayo, ndingoyika ntoni?
  InguNdikhoyo nje inqaba yam, ndingoyika bani?
  INdumiso 27:1ukhuselekoukukhanya
• Ndazibika kuNdikhoyo waza wandiva,
  wandikhulula kuko konke ukoyika kwam.
  INdumiso 34:4ukuphulaphulaukufuna
• NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.
  UHLAZIYO-MNQOPHISO 31:8ukulandelaukhuthazousizi
• Musani ukukhathazeka; kholosani ngoThixo, nikholose nangam.
  UYOHANE 14:1thembelaukukhathazeka
• UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.
  KWABASEROMA 8:15Umoyaabantwanaubukhoboka
• Andithi, iintaka ezincinci zithengiswa ngambini ngesenti? Kanti akukho nanye kuzo iya kuwa emhlabeni engavumanga uYihlo. Nina ke, kwaneenwele ezi zentloko yenu zibaliwe zonke. Ke musani ukoyika: nixabisekile kuneentaka ezininzi nina!
  UMATEWU 10:29-31ixabisekileUTata
• Masitsho singenadyudyu ke sithi:
  “YiNkosi umncedi wam, andiyi koyika nto!
  Angandenza ntoni umntu?”
  KUMAHEBHERE 13:6thembelaukukhuselwa
• Bambona ehamba phezu kwamanzi olwandle, baza bathi: “Ngumhlola lo!” Batsho bakhala, kuba bambona bonke, babethwa luvalo. Kwangoko ke wathetha nabo, wathi kubo: “Zolani; ndim; musani ukoyika.”
  UMARKO 6:49-50imimangalisoUYesuisibindi
• Musani ukoyika, mhlambi omncinane, kuba kukholekile kuYihlo ukunamkelela kulawulo lwakhe olutsha.
  ULUKA 12:32UTataubukumkani
• Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.
  1 KAPETROS 3:14ubulungisaukubandezeleka
• UThixo olizwi ndilidumisayo
  ndikholosa ngaye ndingenadyudyu.
  Soze andenze nto umntu.
  INdumiso 56:4thembelaILizwi likaThixodumisani
• Eyivile ke le nto uYesu, uphendule wathi: “Sukoyika; kholwa nje wena. Yophiliswa.”
  ULUKA 8:50ukholoukuphilisaimimangaliso
• Bufana nomzali kubantwana
  ububele bukaNdikhoyo kwabamnik' imbeko.
  INdumiso 103:13uthandoUTatauvelwano