Iivesi zeBhayibhile malunga nokufuna

«»

• Nondifuna nindifumane, xa nindifuna ngomxhelo wonke.
  UJEREMIYA 29:13intliziyoumphefumlo
• Niyabona, uNdikhoyo uba nani xa nani ningakuye. Xa nizondelela ukumfuna nomfumana; kodwa ke xa nithe namshiya, naye wonishiya.
  2 YEZIGANEKO 15:2bukusondelaukuthembeka
• Lufuneni kuNdikhoyo uncedo;
  mfunen' aph' akhoyo ngawo onke amaxesha.
  1 YEZIGANEKO 16:11amandlaukusondela
• Wena Thixo, unguThixo wam, ndithe swi nguwe.
  Umphefumlo wam uyakulangazelela.
  Ndihlala ndizula-zula ndikufuna;
  ndinxanele wena oku komhlaba obharhileyo.
  INdumiso 63:1unquloumphefumloumzimba
• Celani nophiwa, funani nofumana, nkqonkqozani novulelwa.
  UMATEWU 7:7ibuyiseloukwamkelaizithembiso
• Zonwabise ngokululamela uNdikhoyo;
  wokunika umnqweno wentliziyo yakho.
  INdumiso 37:4ukuphaintliziyo
• Ndazibika kuNdikhoyo waza wandiva,
  wandikhulula kuko konke ukoyika kwam.
  INdumiso 34:4uloyikoukuphulaphula
• Bathembele ngawe, Ndikhoyo, bonke abakwaziyo;
  kaloku akuzange ubafulathele abo bakufunayo.
  INdumiso 9:10thembelaukuthembeka
• Funani uNdikhoyo esenokufumaneka;
  bhenelani kuye ngoku asekufutshane.
  UISAYA 55:6ukusondela
• Lufuneni kuNdikhoyo uncedo;
  mfuneni aph' akhoyo ngawo onke amaxesha.
  INdumiso 105:4uThixoukusondela
• UNdikhoyo uthi:
  “Ndaba ngazibonakalisa kwathi nya.
  Kanti ndilindele abangandifuni nganto.
  Ndandisithi bokhala kum;
  kwathi kanti bona abakhw' apho.
  Ndandikulungele ukuthi: ‘Yizani, ndim lo.’
  Gxebe kanti sisizwe esingandinquliyo.”
  UISAYA 65:1ukuphulaphulaubizo
• Utsho ke uNdikhoyo kwindlu kaSirayeli ukuthi:
  “Quqelani kum, niphile.”
  UAMOS 5:4ubomi
• Kaloku yena uNyana woLuntu wezela ukufuna kwanokusindisa abantu abalahlekileyo.
  ULUKA 19:10usindisoUYesu
• Ewe, Ndikhoyo, undigoca-gocile, uyandazi.
  Wena undazi ukusuka nokuhlala;
  iingcamango zam uziqonda zingekaveli.
  INdumiso 139:1-2iingcamangoukuqonda
• Banoyolo abo bayithobelayo imfundiso kaNdikhoyo,
  abayilulamelayo ngomxhelo wabo wonke.
  INdumiso 119:2intsikelelointliziyo
• Neengonyama ziyaswela zilambe,
  kodwa abo bamfunayo uNdikhoyo akukho nto intle bayiswelayo.
  INdumiso 34:10uThixo
• Quqelani kokulungileyo, ingekuko okubi,
  khon' ukuze niphile,
  naye uNdikhoyo, uThixo onamandla onke, abe phakathi kwenu,
  njengoko nizingca ngaloo nto.
  UAMOS 5:14ubungcweleibuyiselo
• Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.
  KUMAHEBHERE 11:6ukholouvuyoibuyiselo
• Umntu ofumene umfazi uzuze okulungileyo;
  ewe, ufumene okukholekileyo kuNdikhoyo.
  IZAFOBE 18:22intsikeleloumtshato
• Elokuphetha ndithi njengokuba nimanywe neNkosi nje, yomelelani nincedwa ngamandla ayo.
  KWABASE-EFESE 6:10uThixoamandlausomandla
• Bukwanjalo ukuyola kobulumko:
  ukuba uthe wabufumana lotsho liqiniseke ikamva lakho,
  nethemba lakho linganqanyulwa.
  IZAFOBE 24:14ubulumkoithemba
• Mna ndiya kuxhamla inkululeko,
  kuba ndihamba ngemimiselo yakho.
  INdumiso 119:45inkululekoumthetho
• Ewe, intliziyo yam iyakulangazelela, Thixo,
  nditsho wena Thixo ophilayo.
  Yaz'ba koda kube nini na
  ukuze ndide ndibe nonxibelelwano nawe, Thixo?
  INdumiso 42:2umphefumloukusondela