Iivesi zeBhayibhile malunga nokupha

«»

• Elowo ke makanikele kangangoko agqibe ngako, engenasikrokro, engaziva enyanzelekile, kuba uThixo uthanda umntu opha ngobubele.
  2 KWABASEKORINTE 9:7 uvuyo intliziyo isisa
• Kodwa kodwa kuxa ndingubani mna, beyintoni bona aba bantu bam, ukuba singade sibe nako ukukwenzela izinwe ngolu hlobo? Kaloku yonke into iphuma kuwe, ngoko ke nangoku sikunika kwaoko kuphuma esandleni sakho.
  1 YEZIGANEKO 29:14 imali ukuxhomekeka
• Xa ufuna ukuviwa ngabo basemagunyeni
  phatha umngena-ndlwini xa uya kubo.
  IZAFOBE 18:16 ibuyiselo
• Umntu ophayo uba nenkqubela;
  ukuba ùyabanceda abanye abantu nawe uya kuncedwa.
  IZAFOBE 11:25 isisa ukutya ukuzingca
• Ukuba ninolangazelelo, uThixo uyawamkela umnikelo wenu. Kaloku uThixo ufuna umntu aphe ngokobungakanani bezinto anazo, ingebubo obezinto angenazo.
  2 KWABASEKORINTE 8:12 ukhuthazo isisa
• Yiphani; nani ke niya kuphiwa nguThixo. Ewe, nophiwa isabelo esihle, esipheleleyo, esigalelwa engubeni yenu. Indlela enabela abanye ngayo, nani niya kwabelwa kwangayo nguThixo.
  ULUKA 6:38 ibuyiselo ukwamkela isisa
• Rhuma ngobuncwane bengeniso yakho, uzimase uNdikhoyo;
  ewe, menzele umnikelo ngolibo lwemveliso yakho.
  IZAFOBE 3:9 imali umbingelelo ukuvuna
• Nohlala nanele ukuze nikwazi ukusoloko ninezinwe, khon' ukuze uThixo abulelwe ngabantu abaninzi ngenxa yezipho zenu abazifumana kuthi.
  2 KWABASEKORINTE 9:11 isisa intsikelelo umbulelo
• Ke uThixo obonelela umhlwayeli ngembewu nangesonka, uya kunibonelela nani ngembewu eniyisweleyo, ayikhulise inivelisele isivuno esihle ngokobubele benu.
  2 KWABASEKORINTE 9:10 ubulungisa ukutya isisa
• Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle.
  2 KWABASEKORINTE 9:8 intsikelelo ukukhathazeka ukulunga
• Musa ukwala nento elungileyo konelungelo ngayo,
  ngakumbi xa kusemandleni akho ukumnceda.
  IZAFOBE 3:27 ukunyaniseka ityala
• “Izishumi ziziseni ziphelele endlwini enguvimba wam ukuze kubekho ukutya endlwini yam. Khanindivavanye kulo mbandela,” utsho uNdikhoyo onamandla onke, “nibone ukuba andiyi kuwavula na amasango ezulu, ndinithululele iintsikelelo, nditsho nangaphezu kokufuna kwenu.”
  UMALAKI 3:10 ukutya intsikelelo ukuvuna
• Ke ngoko, xa sukuba usipha ihlwempu, uze ungemi phezu kwendlu umemeze, njengokuba besenjenjalo abahanahanisi ezindlwini zesikhungo nasezitalatweni, ukuze banconywe ngabantu. Inene, sebewufumene umvuzo wabo.
  UMATEWU 6:2 ukuthobeka ibuyiselo
• Bonke abacela kuwe, baphe. Kothatha izinto zakho uzungabuye uzibize.
  ULUKA 6:30 ityala isisa
• Zonwabise ngokululamela uNdikhoyo;
  wokunika umnqweno wentliziyo yakho.
  INdumiso 37:4 ukufuna intliziyo
• Umntu onjalo ulibala imini yonke kukucinga ngezinto azifunayo;
  kanti ke yena umntu olungileyo unezinwe uyapha.
  IZAFOBE 21:26 ukubawa ukuthanda izinto eziphathekayo iminqweno
• UYesu wathi kuye: “Ukuba ufuna ukufeza konke ngokupheleleyo, hamba uye kuzithengisa zonke izinto onazo, wabele amahlwempu imali leyo; woba nobutyebi ezulwini; uze kum ke, undilandele.”
  UMATEWU 19:21 ngokungenatyala ukuthanda izinto eziphathekayo izulu
• Ewe, nokuba ndinganikisa ngempahla yam yonke, ndide nam ngokwam ndizinikele ukuba nditshiswe, kodwa ke ndingenalo uthando, akuncedi nto konke-konke.
  1 KWABASEKORINTE 13:3 uthando ukubandezeleka ikratshi
• Izikrelemnqa ziboleka zingabuyisi,
  ke lona ilungisa lipha ngesisa.
  INdumiso 37:21 ityala imali ubulungisa
• Ke wena, xa sukuba usipha ihlwempu, masingakwazi isandla sakho sasekhohlo okwenziwa sisandla sakho sasekunene, ukuze ke izinwe zakho zingabonwa ngabantu, ze ke uYihlo obona okwenzeka emfihlekweni akuvuze yena ekuhleni.
  UMATEWU 6:3-4 ibuyiselo UTata
• Philisani abagulayo, nivuse abafileyo, nihlambulule abaneqhenqa, nikhuphe iindimoni. Namkelé ngesisa, ke ngoko yiphani ngesisa.
  UMATEWU 10:8 ukuphilisa ukwamkela ukugula
• Nize nikhumbule ukuba ohlwayela kancinane uvuna kancinane, ohlwayela kakhulu avune isivuno esikhulu.
  2 KWABASEKORINTE 9:6 ukuvuna isisa
• Ke uNehemiya wathi kubo: “Hambani niyokutya izimuncu-muncu, ukutya okumnandi neziselo, nide niphe nâbo bangenakutya. Le yimini ekhethekileyo yeNkosi yethu. Ngayo musani ukuba lusizi; kaloku uNdikhoyo uza kunomeleza ngovuyo lwakhe.”
  UNEHEMIYA 8:10 ukutya uvuyo
• Bamele ubabonelele ngokwasemthethweni;
  ncedisana nabo abahlelelekileyo nabasweleyo.
  IZAFOBE 31:9 ubulungisa ukuthetha abahlolokazi
• Waphendula wathi kuzo: “Lowo uneengubo ezimbini makanike ongenáyo. Nalowo unokutya makenjenjalo.”
  ULUKA 3:11 ukuthanda izinto eziphathekayo ubuhlwempu ummelwane