Iivesi zeBhayibhile malunga nokugula

«»

• Xa umntu egula, makabize amadoda amakhulu ebandla; wona aya kumthandazela, amthambise ngeoyile egameni leNkosi. Lo mthandazo uphuma elukholweni uya kumnyanga umntu ogulayo, iNkosi imbuyisele empilweni, zithi nezono azenzileyo zixolelwe.
  EKAYAKOBI 5:14-15 umthandazo ukholo ukuphilisa
• Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.
  EYEMFUDUKO 23:25 unqulo intsikelelo impilo
• Mhlobo oyintanda, ndithandazela ukuba konke kube hele, kube chosi kuwe, nanjengoko ndisazi ukuba kunjalo nasemphefumlweni wakho.
  3 KAYOHANE 1:2 intsikelelo umthandazo umphefumlo
• Umnyangi wabantliziyo zenzakeleyo,
  ewe, umbophi wamanxeba abo.
  INdumiso 147:3 ukuphilisa intliziyo impilo
• Kanti ngenene buthwelwe nguye ubuthathaka bethu,
  inkxwaleko yethu yâsemagxeni akhe.
  Ngenene thina besiba ubandezelekile,
  sisithi uyabethwa nguThixo.
  UISAYA 53:4 ukubandezeleka UYesu ukubethelwa emnqamlezweni
• Umntu onentliziyo echwayitileyo uba nempilo;
  kanti ke wona umoya odakumbileyo uyimpehla emathanjeni.
  IZAFOBE 17:22 ukuphilisa intliziyo ubuthathaka
• Ndiphilise, Ndikhoyo, ndiphile qete.
  Ndisindise, khon' ukuze ndisinde.
  Kaloku nguwe udumo lwam.
  UJEREMIYA 17:14 dumisani ukuphilisa usindiso
• Ukuba nithe nandithobela ngokupheleleyo, nenza okuhle nokufanelekileyo ngokuhamba ngemimiselo yam, soze ndinohlwaye ngezibetho nezifo endaziwisela amaJiputa. Kaloku mna ndinguNdikhoyo, ugqirha wenu.
  EYEMFUDUKO 15:26 ukuphulaphula ukuphilisa ubulungisa
• Philisani abagulayo, nivuse abafileyo, nihlambulule abaneqhenqa, nikhuphe iindimoni. Namkelé ngesisa, ke ngoko yiphani ngesisa.
  UMATEWU 10:8 ukuphilisa ukupha ukwamkela
• Ngoko ke zivumeni izono omnye komnye, nithandazelane, khon' ukuze ninyangeke. Kaloku umthandazo womntu olungileyo unamandla angummangaliso.
  EKAYAKOBI 5:16 ubulungisa ukuphilisa umthandazo
• Niyiphilise imilwelwe elapho, nithi kubo: ‘Luthwasile ulawulo lukaThixo!’
  ULUKA 10:9 ukuphilisa ukusondela ubukumkani
• Umnqweno ongafezekiyo uyamngcungcuthekisa umntu;
  kanti ke wakufezeka umnqweno ufana nomthi onika ubomi.
  IZAFOBE 13:12 ithemba ubomi intliziyo
• UNdikhoyo ngumvuli wamehlo eemfama,
  umphakamisi wâbo bawileyo.
  UNdikhoyo ngumathand' amalungisa.
  INdumiso 146:8 ukuphilisa ubulungisa usizi
• Ndithi ndakungasivumi isono sam,
  amandla atsho andiphelele,
  ngenxa yesingqala endiba naso imini yonke.
  INdumiso 32:3 isono ukuvuma izono ukuthetha
• Abantu basidelile basibukula,
  saba ngumntu wenkxwaleko nentlungu.
  Saba njengalowo ufulathelwayo, engasiwa so;
  saba ngulowo udeliweyo, nathi asasikhathalela.
  UISAYA 53:3 ukubandezeleka UYesu
• Ndive ilizwi elikhulu, livela ngasesihlalweni sokulawula, lisithi: “Uyasibona esi sixeko? Kulapho uThixo ahlala khona nabantu. Uya kuhlala phakathi kwabo, babe yimilowo yakhe, yena abe nguThixo wabo. UThixo ngenkqu uya kuhlala nabo. Uya kubosula zonke iinyembezi. Akusayi kubuye kubekho kufa, nalusizi, nasikhalo, nazintlungu. Kaloku lidlule ilizwe lokuqala.”
  ISITYHILELO 21:3-4 uThixo usizi ukukhathazeka
• UYesu wayelityhutyha lonke elaseGalili, efundisa ezindlwini zesikhungo, evakalisa iindaba ezimnandi zolawulo lukaThixo, ephilisa abantu kwizifo zonke nemikhuhlane yonke.
  UMATEWU 4:23 ukuvangela ubukumkani ukuphilisa