بیماری کے بارے میں بائبل کی آیات

«»

• اگر تُم میں کوئی بِیمار ہو تو کلِیسیا کے بزُرگوں کو بُلائے اور وہ خُداوند کے نام سے اُس کو تیل مَل کر اُس کے لِئے دُعا کریں۔ جو دُعا اِیمان کے ساتھ ہو گی اُس کے باعِث بِیمار بچ جائے گا اور خُداوند اُسے اُٹھا کھڑا کرے گا اور اگر اُس نے گُناہ کِئے ہوں تو اُن کی بھی مُعافی ہو جائے گی۔
  یعقُوب 5:‏14-‏15دعاایمانمندمل ہونا
• اور تُم خُداوند اپنے خُدا کی عِبادت کرنا تب وہ تیری روٹی اور پانی پر برکت دے گا اور مَیں تیرے بِیچ سے بیماری کو دُور کر دُوں گا۔
  خرُوج 23:‏25عبادتبرکتصحت
• اَے پیارے! مَیں یہ دُعا کرتا ہُوں کہ جِس طرح تُو رُوحانی ترقّی کر رہا ہے اُسی طرح تُو سب باتوں میں ترقّی کرے اور تندرُست رہے۔
  ۳-یُوحنّا 1:‏2برکتدعاروح
• وہ شِکستہ دِلوں کو شِفا دیتا ہے
  اور اُن کے زخم باندھتا ہے۔
  زبُور 147:‏3مندمل ہونادلصحت
• تَو بھی اُس نے ہماری مشقّتیں اُٹھا لِیں
  اور ہمارے غموں کو برداشت کِیا۔
  پر ہم نے اُسے خُدا کا مارا کُوٹا اور ستایا ہُؤا سمجھا۔
  یسعیاہ 53:‏4مصائبیسوعمصلوب
• شادمان دِل شِفا بخشتا ہے لیکن افسُردہ دِلی ہڈِّیوں کو خُشک کر دیتی ہے۔
  امثال 17:‏22مندمل ہونادلکمزوری
• کہ اگر تُو دِل لگا کر خُداوند اپنے خُدا کی بات سُنے اور وہی کام کرے جو اُس کی نظر میں بھلا ہے اور اُس کے حُکموں کو مانے اور اُس کے آئین پر عمل کرے تو مَیں اُن بیمارِیوں میں سے جو مَیں نے مِصریوں پر بھیجیں تُجھ پر کوئی نہ بھیجُوں گا کیونکہ مَیں خُداوند تیرا شافی ہُوں۔
  خرُوج 15:‏26سننامندمل ہوناراستبازی
• اَے خُداوند! تُو مُجھے شِفا بخشے تو مَیں شِفا پاؤُں گا۔ تُو ہی بچائے تو بچُوں گا کیونکہ تُو میرا فخر ہے۔
  یرمِیاہ 17:‏14تعریفمندمل ہونانجات
• بِیماروں کو اچّھا کرنا۔ مُردوں کو جِلانا۔ کوڑِھیوں کو پاک صاف کرنا۔ بدرُوحوں کو نِکالنا۔ تُم نے مُفت پایا مُفت دینا۔
  متّی 10:‏8مندمل ہونادیناوصول کرنا
• پس تُم آپس میں ایک دُوسرے سے اپنے اپنے گُناہوں کا اِقرار کرو اور ایک دُوسرے کے لِئے دُعا کرو تاکہ شِفا پاؤ۔ راست باز کی دُعا کے اثر سے بُہت کُچھ ہو سکتا ہے۔
  یعقُوب 5:‏16راستبازیمندمل ہونادعا
• اور وہاں کے بِیماروں کو اچھّا کرو اور اُن سے کہو کہ خُدا کی بادشاہی تُمہارے نزدِیک آ پہنچی ہے۔
  لُوقا 10:‏9مندمل ہوناقربتبادشاہی
• اُمّید کے بر آنے میں تاخِیر دِل کو بِیمار کرتی ہے پر آرزُو کا پُورا ہونا زِندگی کا درخت ہے۔
  امثال 13:‏12امیدزندگیدل
• خُداوند اندھوں کی آنکھیں کھولتا ہے۔
  خُداوند جُھکے ہُوئے کو اُٹھا کھڑا کرتا ہے۔
  خُداوند صادِقوں سے مُحبّت رکھتا ہے۔
  زبُور 146:‏8مندمل ہوناراستبازیاداسی
• جب مَیں خاموش رہا تو دِن بھر کے کراہنے سے
  میری ہڈّیاں گُھل گئِیں۔
  زبُور 32:‏3گناہاعترافبولنا
• وہ آدمِیوں میں حقِیر و مردُود۔
  مَردِ غم ناک اور رنج کا آشنا تھا۔
  لوگ اُس سے گویا رُوپوش تھے
  اُس کی تحقِیر کی گئی اور ہم نے اُس کی کُچھ قدر نہ جانی۔
  یسعیاہ 53:‏3مصائبیسوع
• پِھر مَیں نے تخت میں سے کِسی کو بُلند آواز سے یہ کہتے سُنا کہ دیکھ خُدا کا خَیمہ آدمِیوں کے درمِیان ہے اور وہ اُن کے ساتھ سکُونت کرے گا اور وہ اُس کے لوگ ہوں گے اور خُدا آپ اُن کے ساتھ رہے گا اور اُن کا خُدا ہو گا۔ اور وہ اُن کی آنکھوں کے سب آنسُو پونچھ دے گا۔ اِس کے بعد نہ مَوت رہے گی اور نہ ماتم رہے گا۔ نہ آہ و نالہ نہ درد۔ پہلی چِیزیں جاتی رہیِں۔
  مُکاشفہ 21:‏3-‏4خدااداسیفکر مند