Iivesi zeBhayibhile malunga nokusondela

«»

• Niyabona, uNdikhoyo uba nani xa nani ningakuye. Xa nizondelela ukumfuna nomfumana; kodwa ke xa nithe namshiya, naye wonishiya.
  2 YEZIGANEKO 15:2bukufunaukuthembeka
• Lufuneni kuNdikhoyo uncedo;
  mfunen' aph' akhoyo ngawo onke amaxesha.
  1 YEZIGANEKO 16:11amandlaukufuna
• Uyaweva amalungisa akuzibika kuye,
  awakhulule kuzo zonke iinzima zawo.
  UNdikhoyo ukufuphi nâbo badakumbileyo,
  ebaphakamisa abo baphelelwe lithemba.
  INdumiso 34:17-18usindisoumhlawuleliusizi
• Ngamana iNkosi, ekuvela kuyo yonke inzolo, ingamana inipha uxolo njalo-njalo, ngeendlela zonke. INkosi mayibe nani.
  2 KWABASETESALONIKA 3:16uxolo
• Bazeleleleni bonke abantu. INkosi isemnyango.
  KWABASEFILIPI 4:5ubulali
• Ndinqwenela into enye kuphela kuNdikhoyo,
  ndaye ndifuna yona kanye:
  le yokuba ze ndihlale kwaNdikhoyo yonke imihla yobomi bam,
  ndiqwalasele ubuhle bakhe, ndimfune endlwini yakhe.
  INdumiso 27:4uthandouThixo
• Wena undazisa iindlela zobomi;
  kaloku ndizala yimincili xa ndiphambi kwakho.
  Ngasekunene kwakho yimihlali yodwa kude kube ngunaphakade.
  INdumiso 16:11uvuyoubomi
• Kodwa ngoku, ngokumanywa noKrestu, nina kanye enanikade nikude lee, nisondeziwe ngokuphalala kwegazi likaKrestu.
  KWABASE-EFESE 2:13UYesuigazi
• Siyazi ukuba sihlala simanyene naye, naye uhlala emanyene nathi, kuba usinike isabelo soMoya wakhe.
  1 KAYOHANE 4:13uThixoUmoya
• Funani uNdikhoyo esenokufumaneka;
  bhenelani kuye ngoku asekufutshane.
  UISAYA 55:6ukufuna
• Lufuneni kuNdikhoyo uncedo;
  mfuneni aph' akhoyo ngawo onke amaxesha.
  INdumiso 105:4uThixoukufuna
• Ndiyabuya; andiyi kunishiya niziinkedama.
  UYOHANE 14:18umthuthuzeliUYesuUmoya
• Ekugqibeleni ke, mawethu, ndithi salani kakuhle. Zamelani ukuba ningabi nampazamo; zigqaleni iziyalo; visisanani, nihlale ngoxolo. Ngoko ke uThixo wothando noxolo uya kuba nani.
  2 KWABASEKORINTE 13:11ubomiuxolouthando
• Ngoko ke ndiya kulandelwa kokulungileyo nabububele,
  umzi wakho ube likhaya lam yonke imihla yobomi bam.
  INdumiso 23:6ubabaloubomiinceba
• Imini enye echithelwe kwakho, Thixo,
  ingaphezulu kwewaka lemihla echithwe ndaweni yimbi.
  Kubhetele ndibe ngumgcini-mnyango kwaThixo
  ndaweni yokungqendeva phakathi kwezaphula-mthetho.
  INdumiso 84:10isono
• Ngamana ke uNdikhoyo uThixo wethu waba nathi kwanjengokuba wayenabo noobawo; ngamana akangesishiyi okanye asilahle.
  1 YOOKUMKANI 8:57ukuthembekausapho
• Kodwa ngenxa yaloo mfobe yakho wena akubatshitshisanga;
  wena zange ubalahle, Thixondini onesisa nenceba.
  UNEHEMIYA 9:31ubabaloincebauxolelo
• Akukho namnye umntu owakha wambona uThixo. Abantu bamazi uThixo ngokumaziswa nguNyana okukuphela kwakhe, yena okwanguThixo, ohlala ehleli esenyongweni kuYise.
  UYOHANE 1:18UYesuUTata
• Niyiphilise imilwelwe elapho, nithi kubo: ‘Luthwasile ulawulo lukaThixo!’
  ULUKA 10:9ukuphilisaukugulaubukumkani
• Lowo uwutyayo umzimba wam, alisele negazi lam, yena uhlala kum, nam ndihlala kuye.
  UYOHANE 6:56umzimbaigaziUYesu
• Ke kaloku uMosis wahlala apho iintsuku ezingamashumi amane engatyi engaseli. Amazwi omnqophiso wawabhala apho emacwecweni, oko kukuthi imithetho elishumi.
  EYEMFUDUKO 34:28ukuzila ukutyaumthethoILizwi likaThixo
• Guqukani, kuba ulawulo lukaThixo lusemnyango!
  UMATEWU 3:2inguqukoubukumkaniizulu
• Ewe, intliziyo yam iyakulangazelela, Thixo,
  nditsho wena Thixo ophilayo.
  Yaz'ba koda kube nini na
  ukuze ndide ndibe nonxibelelwano nawe, Thixo?
  INdumiso 42:2umphefumloukufuna