Iivesi zeBhayibhile malunga nobulungisa

«»

• Umntu oxunela ubulungisa nenceba
  ufumana ubomi nobulungisa nodumo.
  IZAFOBE 21:21 uthando ubomi
• Kodwa ke, wena mntu uzinikele ngokupheleleyo kuThixo, zicezele zonke ezi zinto. Phuthuma ukulungisa, unqulo, ukuthemba, uthando, ukunyamezela, nobulali.
  1 KUTIMOTI 6:11 ukholo uthando
• Ngaloo mini uThixo uya kuvuza elowo nalowo ngokwemisebenzi yakhe.
  KWABASEROMA 2:6 ibuyiselo
• Kaloku uNdikhoyo uyakuthanda okulungileyo;
  akayi kubafulathela abantu bakhe.
  Wasoloko ebakhusela uNdikhoyo,
  kodwa yona inzala yamatshijolo iyanqunyulwa.
  INdumiso 37:28 ubomi obungunaphakade ukuthembeka uthembekile
• Ningazikhohlisi! UThixo akanakwenziwa isidenge ngumntu. Umntu uya kuvuna kanye loo nto ayihlwayeleyo.
  KUMAGALATI 6:7 uThixo ukuvuna
• Zonke iindlela zomntu zibonakala zilungile kwawakhe amehlo,
  kanti ke nguNdikhoyo oyibeka esikalini intliziyo yomntu.
  IZAFOBE 21:2 umgwebo ukuqonda iingcamango
• Ke ngoko kuqala zondelelani ukulawulwa nguThixo, nenze ubulungisa obufunwa nguye, waye ke yena eya kunongezelela zonke ezi zinto.
  UMATEWU 6:33 ukutya ubukumkani
• Ilungisa alisoze ligungqe,
  laye lingasoze lilibaleke.
  INdumiso 112:6 ukukhuselwa
• Kaloku uNdikhoyo uwalusile amalungisa,
  uyayiva imithandazo yawo.
  INdumiso 34:15 ukuphulaphula
• Ukwenza ubulungisa nokuthe ngqo
  kwamkelekile kuNdikhoyo kunamadini.
  IZAFOBE 21:3 ukunyaniseka umbingelelo
• Phofu ke, nokuba ningatshutshiswa ngenxa yokwenza okulungileyo, ikwalithamsanqa naloo nto. Ze ningoyiki nina, ningaxhali nokuxhala oku.
  1 KAPETROS 3:14 ukubandezeleka uloyiko
• Masingadinwa ke kukwenza okulungileyo. Kuba xa sizingisa, lode lifike ixesha lokuvuna.
  KUMAGALATI 6:9 ibuyiselo umonde ukuvuna
• Makungabikho bani ubuyekeza ububi ngobubi, kodwa maxa onke zamani kangangoko ninako ukulungiselelana, nibanceda bonke abantu.
  1 KWABASETESALONIKA 5:15 ngokungenatyala ububi
• Nangona wayengenasono uKrestu, kodwa ngenxa yethu, uThixo wamenza wanenxaxheba kwisono sethu, ukuze thina sithi ngokumanywa naye sibe nenxaxheba ebulungiseni bukaThixo.
  2 KWABASEKORINTE 5:21 isono umlamli
• Zilahlele kuNdikhoyo, ukholose ngaye;
  yena ke wokwenzelelela.
  Wobutyhila bukhanye njengelanga ubulungisa bakho,
  kucace mhlophe ukulunga kwakho.
  INdumiso 37:5-6 thembela ubomi ukukhanya
• Mandiphethe ngelithi, mawethu, hlalani nicinga ngezinto eziyinyaniso nezindilekileyo nazo zonke izinto ezilungileyo nezinyulu, zonke ezithandekayo nezinesidima, nangezinto ezintle ngokupheleleyo kwanezincomekayo.
  KWABASEFILIPI 4:8 inyaniso iingcamango dumisani
• Ke bona abahlwayeli boxolo abaseluxolweni bavuna ubulungisa.
  EKAYAKOBI 3:18 uxolo ukuvuna ukuba nesiqhamo
• Kaloku uThixo usibonakalisile isisa sakhe, ukuze asindise lonke uluntu. Ngaso safundiswa ukuzilumla kwizinto ezisahlukanisa noThixo, nakwiminqweno emibi. Sifundiswe nokuhlala singcathu sinyanisekile, nokuhlonela uThixo kobu bomi.
  KUTITO 2:11-12 ubabalo usindiso umhlaba
• Hayi inyhweba yomntu ongahambiyo ngecebo labantw' abagwenxa,
  ongahambiyo ekhondweni lamatshijolo,
  umnt' ongadlelaniyo nabaphoxisayo.
  INdumiso 1:1 isono intsikelelo
• Banoyolo abo balambela banxanelwe ubulungisa, kuba baya kwaneliswa nguThixo bona!
  UMATEWU 5:6 intsikelelo ukwamkela ukutya
• Ubutyebi obufunyenwe ngobuqhophololo abuphumelelisi,
  kodwa ke kona ukuziphatha kakuhle kuhlangula ekufeni.
  IZAFOBE 10:2 ukunyaniseka imali
• Okuzuzwa ngumntu okhohlakeleyo ngenkohliso kuyaphela,
  phofu ke ohlala esenza okulungileyo ufumana umvuzo oqinisekileyo.
  IZAFOBE 11:18 isono ibuyiselo
• Xa nithi nenze okulungileyo kwabanenzela okulungileyo bodwa, ninanzuzoni? Kaloku naboni benza kwaloo nto!
  ULUKA 6:33 ibuyiselo
• “Nezo zixhobo zixonxwe ngenxa yakho soze zikutshabalalise,
  uya kumphendula nabani na okumangalelayo.
  Lilo ke elo ilifa lezicaka zikaNdikhoyo;
  ewe, mna ndozithi jize ngoloyiso.”
  Etshilo nje ke uNdikhoyo utshilo!
  UISAYA 54:17 umgwebo ukukhuselwa izithixo
• Kufana nomgibe emntwini xa enikezele ngento kuNdikhoyo buphuthu-phuthu,
  aze kamva acinge ngenye indlela ngezibhambathiso zakhe.
  IZAFOBE 20:25 ubungcwele