Iivesi zeBhayibhile ezithetha ngokuthembeka

«»

• Kungenxa yezibele zikaNdikhoyo singatshabalalanga nje,
  kuba inceba yakhe ayinasiphelo.
  Zihlala zintsha imihla ngemihla;
  kukhulu ukuthembeka kwakhe.
  IZILILO 3:22-23ukuthembekauthandouvelwano
• Ithembekile yona kambe iNkosi. Yonikhusela inigcine kuhlaselo lwendoda enobuqhokolo.
  2 KWABASETESALONIKA 3:3ukuthembekaukhuselekoamandla
• Uthembekile lo unibizayo; uya kuyenza yonke le nto.
  1 KWABASETESALONIKA 5:24ubizoILizwi likaThixoizithembiso
• Ungaze wahlukane nentembeko nokunyaniseka.
  Maxa onke ezi zinto mazibe sisivatho entanyeni yakho.
  Ewe, zikrole elucwecweni lwentliziyo yakho.
  Ukuba uyayenza ke loo nto uya kuhlala wamkelekile,
  ube negama elihle kuThixo nasebantwini.
  IZAFOBE 3:3-4uthandoibuyiselointliziyo
• Masithi nca kwisivumo seli themba sinalo; kaloku unyanisekile lowo usithembisileyo.
  KUMAHEBHERE 10:23ukuthembekaithembaukuvuma
• Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.
  UHLAZIYO-MNQOPHISO 7:9ukuthembekaumthethouThixo
• Ndikhoyo, wena unguThixo wam;
  ndosuka ndikuthuthe ndikudumise.
  Kuthi mandikutyibele ndibongisele
  ngenxa yemisebenzi yakho ekhamnqisayo;
  kaloku ngokuthembeka okukhulu
  wena zonke uzifezekisile –
  nditsho izicwangciso zakho zamandulo.
  UISAYA 25:1ukuthembekauThixounqulo
• Bambani ngazibini, kuba ulungile uNdikhoyo.
  Kaloku izibele zakhe ziya kuhlala zikho ngonaphakade.
  1 YEZIGANEKO 16:34ukuthembekaunquloumbulelo
• Akwambathise ngamaphiko akhe, akufihle ekhusini lakhe,
  kube likhaka nekhuselo lakho ukuthembeka kwakhe.
  INdumiso 91:4ukukhuselwaukuthembekaukhuseleko
• Nasiphi na isilingo esikuhlelayo siyinto eqhelekileyo emntwini. Yena ke uThixo, ngokuba ethembekile, akayi kukuyekela ulingwe ngokungaphezu kwamandla akho. Hayi, wosuka akuvulele ikroba lokuphuncula, ukuze ube nako ukunyamezela.
  1 KWABASEKORINTE 10:13ukuthembekaisilingoukuba likhoboka
• Ngamana yanithundeza iNkosi, nimthande uThixo, nibe nenyameko efuze ekaKrestu.
  2 KWABASETESALONIKA 3:5uthandoinguquukulandela
• Uthembekile uThixo, yena wanibizayo ukuba nibe nobudlelane noNyana wakhe uYesu Krestu iNkosi yethu.
  1 KWABASEKORINTE 1:9UYesuubizoukuthembeka
• UNdikhoyo ulilungisa ngeendlela zonke,
  unobubele kuko konke akwenzayo.
  INdumiso 145:17ukuthembekaubulungisaukulunga
• Uhlala eyalusa indlela yamalungisa,
  aze abakhusele kwihambo yabo âbo banyanisekileyo kuye.
  IZAFOBE 2:8ubulungisaukukhuselwaukuthobela
• Ke zon' izibele zikaNdikhoyo zivelela abamhloneleyo;
  uhlala enobubele kwizizukulwana ngezizukulwana,
  kwabanyanisekileyo kumnqophiso wakhe
  nabathobela imithetho yakhe.
  INdumiso 103:17-18ukuthembekaumthethousapho
• Hayi bo! Mayingabi sithi, Ndikhoyo;
  ewe, makudunyiswe igama lakho,
  ngenxa yezibele nokunyaniseka kwakho!
  INdumiso 115:1uthandoukuthobekaunqulo
• Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.
  1 KAYOHANE 1:9isonoukusulungekiswaububi
• UNdikhoyo uyalifezekisa icebo lakhe ngam.
  Kambe ke, Ndikhoyo, izibele zakho zisisimakade;
  ungabi sawushiya umsebenzi wezandla zakho.
  INdumiso 138:8ukuthembekauThixoukhuseleko
• Uzungandibandezeli inceba yakho, Ndikhoyo;
  ndilondoloze ngenceba nenyaniso.
  INdumiso 40:11uthandoukuthembekaukukhuselwa
• Uyabona, lowo ukhukhumeleyo unentliziyo embi enxaxhileyo;
  ke yena olilungisa wophila ngokuthembeka kwakhe.
  UHABHAKUKI 2:4ubulungisaubomiukuthembeka
• Wuphulaphule umthandazo wam, Ndikhoyo;
  sive isikhungo sam.
  Wena uthembekile, ulilungisa; nceda undiphendule.
  INdumiso 143:1ukuthembekaubulungisaumthandazo
• Kaloku uNdikhoyo uyakuthanda okulungileyo;
  akayi kubafulathela abantu bakhe.
  Wasoloko ebakhusela uNdikhoyo,
  kodwa yona inzala yamatshijolo iyanqunyulwa.
  INdumiso 37:28ubomi obungunaphakadeukuthembekaubulungisa
• Nina bamthandayo uNdikhoyo, buthiyeni ububi;
  kaloku yena uyabagcina abantu bakhe,
  abahlangule esandleni sabantw' abakhohlakeleyo.
  INdumiso 97:10ukuthembekaumhlawuleliububi