Bybelverse oor Getrouheid

Dit is die goedertierenhede van die HERE dat ons nie omgekom het… Klaagliedere 3:22-23

AFR53

Dit is die goedertierenhede van die Here dat ons nie omgekom het nie,
want sy barmhartighede het geen einde nie;
hulle is elke môre nuut;
u trou is groot.
Klaagliedere 3:22-23 betroubaarheid liefde deernis
Maar die Here is getrou; Hy sal julle versterk en bewaar van die Bose.
2 Tessalonisense 3:3 betroubaarheid veiligheid krag
Hy wat julle roep, is getrou; Hy sal dit ook doen.
1 Tessalonisense 5:24 roeping Woord van God beloftes
Laat liefde en trou jou nie verlaat nie;
bind dit om jou hals,
skryf dit op die tafel van jou hart,
dan sal jy genade vind en 'n goeie insig
in die oë van God en die mense.
Spreuke 3:3-4 liefde beloning hart
Laat ons die belydenis van die hoop onwankelbaar vashou, want Hy wat dit beloof het, is getrou.
Hebreërs 10:23 betroubaarheid hoop erken
Jy moet dan weet dat die Here jou God God is, die getroue God wat die verbond en die goedertierenheid hou vir die wat Hom lief het en sy gebooie onderhou, in duisend geslagte.
Deuteronomium 7:9 betroubaarheid wet God
Here, U is my God!
U sal ek verhoog;
u Naam sal ek loof;
want U het wonders gedoen,
raadsbesluite uit ver tye,
waarheid en trou.
Jesaja 25:1 betroubaarheid God aanbid
Hy sal jou dek met sy vlerke,
en onder sy vleuels sal jy skuil;
sy trou is 'n skild en pantser.
Psalm 91:4 beskerming betroubaarheid veiligheid
Loof die Here, want Hy is goed,
want sy goedertierenheid is tot in ewigheid.
1 Kronieke 16:34 betroubaarheid aanbid dankbaarheid
Geen versoeking het julle aangegryp behalwe 'n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra.
1 Korintiërs 10:13 betroubaarheid versoeking verslawing
God is getrou, deur wie julle geroep is tot die gemeenskap met sy Seun Jesus Christus, onse Here.
1 Korintiërs 1:9 Jesus roeping betroubaarheid
Mag die Here julle harte rig tot die liefde van God en die lydsaamheid van Christus!
2 Tessalonisense 3:5 liefde transformasie volgende
Deurdat Hy die paaie van die reg bewaak
en die weg van sy gunsgenote bewaar.
Spreuke 2:8 geregtigheid beskerming gehoorsaamheid
Die Here is regverdig in al sy weë
en goedgunstig in al sy werke.
Psalm 145:17 betroubaarheid geregtigheid goedheid
Maar die goedertierenheid van die Here is
van ewigheid tot ewigheid oor die wat Hom vrees,
en sy geregtigheid vir kindskinders,
vir die wat sy verbond hou
en aan sy bevele dink om dié te doen.
Psalm 103:17-18 betroubaarheid wet familie
NIE aan ons, o Here, nie aan ons nie,
maar aan u Naam gee eer,
om u goedertierenheid, om u trou ontwil.
Psalm 115:1 liefde nederigheid aanbid
Die Here sal dit vir my voleindig!
U goedertierenheid, Here, is tot in ewigheid:
laat nie vaar die werke van u hande nie!
Psalm 138:8 betroubaarheid God veiligheid
O Here, hoor my gebed;
luister tog na my smekinge;
verhoor my in u trou, in u geregtigheid.
Psalm 143:1 betroubaarheid geregtigheid gebed
Want die Here het die reg lief
en sal sy gunsgenote nie verlaat nie;
vir ewig word hulle bewaar,
maar die nageslag van die goddelose word uitgeroei.
Psalm 37:28 ewige lewe betroubaarheid geregtigheid
As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig.
1 Johannes 1:9 sonde suiwering bose
U, o Here, sal u barmhartighede van my nie terughou nie;
laat u goedertierenheid en u trou my altyddeur behoed.
Psalm 40:12 liefde betroubaarheid beskerming
Kyk, sy siel is opgeblase in hom en nie reg nie.
Maar die regverdige, deur sy geloof sal hy lewe.
Habakuk 2:4 geregtigheid lewe betroubaarheid
O Liefhebbers van die Here, haat die kwaad!
Hy bewaar die siele van sy gunsgenote,
Hy red hulle uit die hand van die goddelose.
Psalm 97:10 betroubaarheid verlosser bose