Iivesi zeBhayibhile malunga nenqulo

«»

• Ndikhoyo, wena unguThixo wam;
  ndosuka ndikuthuthe ndikudumise.
  Kuthi mandikutyibele ndibongisele
  ngenxa yemisebenzi yakho ekhamnqisayo;
  kaloku ngokuthembeka okukhulu
  wena zonke uzifezekisile –
  nditsho izicwangciso zakho zamandulo.
  UISAYA 25:1 ukuthembeka uThixo dumisani
• Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.
  EYEMFUDUKO 23:25 intsikelelo ukugula impilo
• Ewe, konke okushukumayo makudume kubonge uNdikhoyo!
  Masidanduluke sonke sithi: “Bayethe, Mhlekazi!”
  INdumiso 150:6 dumisani
• Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.
  UMSEBENZI WABATHUNYWA 16:25 umthandazo ukuphulaphula dumisani
• UThixo unguMoya; abo ke bamnqulayo kufuneka bamnqule ngoMoya benyanisekile.
  UYOHANE 4:24 inyaniso Umoya
• Mbonge uNdikhoyo, moya wam!
  Mandimbonge uNdikhoyo ngomxhelo wam wonke!
  INdumiso 103:1 ubungcwele umphefumlo dumisani
• Noba ungade ungadubuli umkhiwane,
  umdiliya ungabi nazo neziqhamo,
  nokuba awungevelisi nto umnquma,
  namasimi ngokwawo angabi nasivuno,
  zingade zingabikho iigusha esibayeni,
  nobuhlanti bungabi nazo nazinkomo,
  ewe, khona kungade kube njalo,
  kodwa mna ndochwayita kuNdikhoyo,
  ndibe nemihlali kuThixo ondisindisayo.
  UHABHAKUKI 3:17-18 uvuyo usindiso ukuvuna
• Bambani ngazibini, kuba ulungile uNdikhoyo.
  Kaloku izibele zakhe ziya kuhlala zikho ngonaphakade.
  1 YEZIGANEKO 16:34 ukuthembeka umbulelo uthembekile
• Ewe, Ndikhoyo, bobakho bonke ubukhulu ndawonye namandla;
  naso isidima sikwasesakho, ubungangamsha nobunewu-newu.
  Kaloku zezakho zonke ezisezulwini,
  kanti nezisemhlabeni ikwazezakho.
  Ewe, Ndikhoyo, lolwakho ulawulo;
  uyingqanga-ngqanga evelele konke jikelele.
  1 YEZIGANEKO 29:11 ubukumkani amandla usomandla
• Wena Thixo, unguThixo wam, ndithe swi nguwe.
  Umphefumlo wam uyakulangazelela.
  Ndihlala ndizula-zula ndikufuna;
  ndinxanele wena oku komhlaba obharhileyo.
  INdumiso 63:1 ukufuna umphefumlo umzimba
• Ndiswel' imilomo yokukubonga,
  ndikudumise maxa onke.
  INdumiso 71:8 ukuthetha dumisani
• Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
  2 KWABASEKORINTE 1:3-4 ukubandezeleka ukhuthazo umthuthuzeli
• Yiyo ke loo nto ndithi umkhulu, wena Ndikhoyo Nkosi yam. Akukho onjengawe, kungekho naThixo ngaphandle kwakho, njengoko sazivelayo ngezi zethu iindlebe.
  2 KASAMWELI 7:22 uThixo
• Culelani uThixo, nibong' igama lakhe.
  Ewe, mbongeni lowo ucand' emafini.
  Igama lakhe nguNdikhoyo, vuyani ngenxa yakhe.
  UThixo usendlwini yakhe engcwele.
  Nguyise weenkedama, umthetheleli wabahlolokazi.
  INdumiso 68:4-5 ubungcwele ukhuseleko abahlolokazi
• Kaloku zonke izinto ziphuma kuyo iNkosi, zikho ngayo, zikholo yona. Mayidunyiswe ke iNkosi kude kube ngunaphakade! Amen.
  KWABASEROMA 11:36 indalo umbulelo
• Yizani siqubude simnqule,
  siguqe phambi koNdikhoyo umdali wethu.
  INdumiso 95:6 indalo ukuthobeka
• Kaloku izibele zothando lwakho ziyabugqwesa nobomi,
  ngoko ndiya kuhlala ndikudumisa.
  Ndiya kukubonga lo gama ndisaphilayo;
  ndiya kunyukela kuwe ngomthandazo.
  INdumiso 63:3-4 uthando ubomi dumisani
• Hee! Ngani ukuba ndidakumbe kangaka?
  Ngani ukuba ndikhathazeke kangaka?
  Hayi bo! Mandikholose ngoThixo,
  khon' ukuze ndibuyele ekumdumiseni uMsindisi noThixo wam.
  INdumiso 42:11 ithemba umphefumlo dumisani
• Nokhalela kum, nize kundithandaza, ndize mna ndiniphulaphule.
  UJEREMIYA 29:12 umthandazo ukuphulaphula
• Kuba iziBhalo zithi:
  “Ndingophilayo nje, itsho iNkosi, aya kugoba kum onke amadolo,
  zimdumise uThixo zonke iilwimi.”
  KWABASEROMA 14:11 ukuthobeka ukuvuma dumisani
• Bulelani uNdikhoyo, ninqule igama lakhe,
  nizibalisel' iintlanga ngezintw' asenzele zona.
  INdumiso 105:1 ukuthetha ukuvangela dumisani
• Hayi, akakh' onjengawe;
  hayi bo, wahlukile wena, Ndikhoyo!
  Akukh' ongxondorha injengoThixo wethu!
  1 KASAMWELI 2:2 uThixo ubungcwele
• Ndizolulela kuwe izandla zam;
  ndikunxanele njengomhlaba owomileyo.
  INdumiso 143:6 ukwamkela ukuxhomekeka
• NguNdikhoyo amandla am nekhaka lam;
  ndithembele ngaye ngomxhelo wam wonke.
  Ndoncedakala nditsho ndibe nemincili,
  ndimbonge ngengoma.
  INdumiso 28:7 thembela amandla dumisani
• Ewe, ndiyazibika, Ndikhoyo; nguwe iNkosi yam;
  ngaphandle kwakho, Mhlekazi, andinabani.
  INdumiso 16:2 uThixo