Iivesi zeBhayibhile malunga noSomandla

«»

• Ewe, Ndikhoyo, bobakho bonke ubukhulu ndawonye namandla;
  naso isidima sikwasesakho, ubungangamsha nobunewu-newu.
  Kaloku zezakho zonke ezisezulwini,
  kanti nezisemhlabeni ikwazezakho.
  Ewe, Ndikhoyo, lolwakho ulawulo;
  uyingqanga-ngqanga evelele konke jikelele.
  1 YEZIGANEKO 29:11unquloubukumkaniamandla
• Khangela, mna ndinguNdikhoyo, uThixo woluntu luphela. Akukho nanye into enokundinqabela.
  UJEREMIYA 32:27uThixoimimangaliso
• “Ndim isiqalo nesiphelo,” itsho iNkosi uThixo, uSomandla, uNdikhoyo, owayekho, lowo uya kusoloko ekho.
  ISITYHILELO 1:8ubomi obungunaphakadeukuthembekauThixo
• Kaloku akukho nanye into enokumnqabela uThixo.
  ULUKA 1:37imimangalisoukoyisa
• Lowo uhleli ekhuselwe nguPhezukonke,
  uhlala esemthunzini kaSomandla.
  Yena uya kuthi: “Ndikhoyo, ungumkhuseli wam;
  uyinqaba yam, wena Thixo, ndiya kuthembela kuwe.”
  INdumiso 91:1-2thembelaukhuselekophumla
• Aa, Mhlekazi Ndikhoyo, wena wasolula isandla sakho, wawenza umhlaba nesibhakabhaka ngamandla akho amakhulu! Akukho nanye into ekunqabelayo wena!
  UJEREMIYA 32:17indaloamandlaizulu
• Ngenene uNdikhoyo yingangalala, ufanele ukudunyiswa;
  obakhe ubukhulu abuphengululeki.
  INdumiso 145:3unquloukuqondadumisani
• Awu, Thixo Somandla, yiba nebuyambo;
  velana nathi usisindise!
  INdumiso 80:19usindisoukuxhomekekaukukhanya
• Isidima nobutyebi ziphuma kuwe;
  wena ungumlawuli weento zonke.
  Kulapho kwezo zandla zakho ukomelela ndawonye namandla.
  Xa bebonke ubanike ubukhulu namandla.
  1 YEZIGANEKO 29:12amandlaimali
• Kaloku ndiqinisekile kukuba asikuko nakufa, nabomi, nazithunywa zezulu, nazilawuli, nanto zikhoyo, nanto zizayo, naziphathamandla, nanto ziphezulu, nanto zingaphantsi, nditsho nasiphi na isidalwa, esiya kuba nako ukusahlula nothando lukaThixo olukuye uKrestu Yesu, iNkosi yethu.
  KWABASEROMA 8:38-39uthandoumlamliukufa
• Kuye uKumkani ongunaphakade, yena ongagugiyo, ongabonwayo, uThixo yedwa – kuye makubekho isidima nobungangamela kude kube ngunaphakade kanaphakade! Amen.
  1 KUTIMOTI 1:17unquloubukumkaniuThixo
• Kaloku imo engabonwayo kaThixo – ndithetha amandla akhe angapheliyo kwanobuThixo bakhe – ibonakala kakuhle kwasekudalweni kwehlabathi. Kaloku iqondakala ngezinto azenzileyo uThixo. Ngenxa yoko abantu abanasiphephelo mpela.
  KWABASEROMA 1:20indaloamandlaingqondo
• LelikaNdikhoyo ihlabathi liphela, nako konk' okukulo;
  ndixel' ilizwe elimiweyo kunye nabemi balo.
  INdumiso 24:1uThixoubomiumhlaba
• Elokuphetha ndithi njengokuba nimanywe neNkosi nje, yomelelani nincedwa ngamandla ayo.
  KWABASE-EFESE 6:10uThixoamandlaukufuna
• Ke nina, zihlobo zam, ningabantwana bakaThixo. Ninamandla kunabashumayeli abaxokayo. Kaloku lowo ninefuthe lakhe mkhulu kunalowo linefuthe lakhe ihlabathi.
  1 KAYOHANE 4:4usindisoukoyisaisiprofeto
• Nguye umtyhili weentsonkotha ezifihlakeleyo;
  nezisemnyameni izinto yena uyazazi.
  Ngenene yena ulikhaya lokukhanya.
  UDANIYELI 2:22isonoububiuThixo
• Busesandleni sikaNdikhoyo ubutyebi nobuhlwempu,
  ngokunjalo ukuphakanyiswa nokuthotywa.
  1 KASAMWELI 2:7imaliukuthobekaukuxhomekeka
• Kaloku wena wazi ndingekathethi;
  ewe, Ndikhoyo, wazi nento endiza kuyithetha.
  INdumiso 139:4ukuthethaukuqonda
• Ndiya kuzithamsanqelisa kunye nako konke okujikeleze induli yam. Ndiya kunisa imvula ngexesha layo; kuya kuna iimvula zentsikelelo.
  UHEZEKILE 34:26intsikelelo
• Bawo, wena akuxakwa nto. Yisuse kum le ntlungu. Noko ke, makungabi kokuthandwa ndim, makube kukuthanda kwakho.
  UMARKO 14:36ipasikaUTataUYesu
• UNdikhoyo ke wathi kuSathana: “Kulungile ke, ungayenza into oyenzayo kwinto yonke anayo, kodwa uze ungakhe ulinge umchukumise yena siqu.” USathana ke wemka apho phambi koNdikhoyo.
  UYOBI 1:12umtyholiukukhuselwaububi