Iivesi zeBhayibhile malunga nentsikelelo

«»

• Wanga angakuthi jize ngamathamsanqa uNdikhoyo,
  akulondoloze.
  Wanga angayindlezane kuwe uNdikhoyo,
  usixhamle isisa sakhe.
  Wanga angakwazelelela uNdikhoyo,
  akwambathise uxolo.
  EYASENTLANGO 6:24-26ubabalouxoloukukhanya
• Hayi ithamsanqa lomntu othembela ngoNdikhoyo,
  lowo ukholosa ngaye!
  Unjengomthi otyalwe ngasemfuleni,
  ongcambu zinabela emanzini.
  Awoyiki naxa ilanga lishushu;
  amagqabi awo ahlala eluhlaza.
  Ngexesha lembalela awunaxhala;
  uhlala uvelisa iziqhamo.
  UJEREMIYA 17:7-8thembelaukuba nesiqhamo
• Wanga angakunika umnqweno wentliziyo yakho,
  aziphumelelise zonk' iinquleqhu zakho.
  INdumiso 20:4ukucwangcisaintliziyo
• Kunikele kuNdikhoyo konke okwenzayo,
  yaye ke yena uya kuziphumelelisa izicwangciso zakho.
  IZAFOBE 16:3thembelaukucwangcisaumsebenzi
• “Kaloku zisekuhleni kum izicwangciso zam ngani zokuba ndininike intlala-kahle ingabi bububi, ndinidalele ikamva nethemba.” Lowo ngumlomo kaNdikhoyo.
  UJEREMIYA 29:11ukucwangcisaithembaizithembiso
• Yaye uThixo wam wonibonelela kuzo zonke iintswelo zenu ngendyikityha yendyebo yakhe ekuKrestu Yesu.
  KWABASEFILIPI 4:19thembelaUYesu
• Ukuba ke uthe wanqula mna Ndikhoyo uThixo wakho, ndiya kukuthamsanqela ngokutya namanzi, ndikutshayele ukufa kungabikho phakathi kwenu.
  EYEMFUDUKO 23:25unquloukugulaimpilo
• Khanibuxhamle ububele bukaNdikhoyo;
  ngenene unoyolo umntu othembela ngoNdikhoyo!
  INdumiso 34:8uThixophumla
• Mna ndikuyalela namhlanje ukuba umthande uNdikhoyo uThixo wakho, uhambe ngeendlela zakhe, uyithobele uyenze imiyalelo nemimiselo nezithethe zakhe. Wakwenjenjalo uya kuphila wande, uNdikhoyo uThixo wakho akuthamsanqele kwelo lizwe ungenela ukuya kuma kulo.
  UHLAZIYO-MNQOPHISO 30:16umthethoubomi
• InguNdikhoyo nje ondalusayo,
  ndingaswela ntoni na?
  Nguye ondikhaphelela kumadlelo aluhlaza,
  andikhokelele kwimilambo empompozayo.
  INdumiso 23:1-2phumlaukuxhomekeka
• Umntu oyinonophelayo imfundiso uyaphumelela;
  ewe, yimihlali yodwa kokholosa ngoNdikhoyo.
  IZAFOBE 16:20thembelaukuphulaphula
• Basikeleleni abanitshutshisayo; sikelelani, ningaqalekisi.
  KWABASEROMA 12:14intshutshiso
• Kaloku unako uThixo ukunipha nangaphezu kweemfuneko zenu, ukuze nisoloko nanele kwiimeko zonke, nibe nako ukuhlangabezana nayo yonke imisebenzi emihle.
  2 KWABASEKORINTE 9:8ukukhathazekaukulungaumsebenzi
• Hayi ubuhle bezinto ozigcinele abo bakuhlonelayo, Ndikhoyo;
  zintle kambe izinto ozenzela abo bakholose ngawe!
  INdumiso 31:19thembelauloyikoumhlaba
• Ubabalo lweNkosi uYesu Krestu maluhlale nani nonke.
  KUFILMON 1:25ubabaloUYesu
• Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.
  ULUKA 6:27-28ukuthobelaumthandazo
• Ningakhuphani zixhiba, nigwexane. Ndaweni yaloo nto thethani ngobulali. Eyona nto nibizelwe yona yeyokuba nifumane ilifa leentsikelelo.
  1 KAPETROS 3:9ukuthethaubizo
• Mhlobo oyintanda, ndithandazela ukuba konke kube hele, kube chosi kuwe, nanjengoko ndisazi ukuba kunjalo nasemphefumlweni wakho.
  3 KAYOHANE 1:2umthandazoumphefumloukugula
• Yintsikelelo kaNdikhoyo enika umntu ubutyebi;
  kambe ke yona ayihambi nazintsizi.
  IZAFOBE 10:22imaliukuxhomekekaumsebenzi
• Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.
  KUMAGALATI 5:22-23umthethoUmoyaubulali
• Ke ukuba ulithobele ilizwi likaNdikhoyo uThixo wakho, wayenza ngononophelo imiyalelo endikunika yona namhlanje, uNdikhoyo uya kukuphakamisa kunazo zonke izizwe zehlabathi.
  UHLAZIYO-MNQOPHISO 28:1umthethoukuthobela
• Ubabalo lweNkosi uYesu Krestu malube nani nonke.
  KWABASEFILIPI 4:23ubabaloUYesu
• Banoyolo abo balambela banxanelwe ubulungisa, kuba baya kwaneliswa nguThixo bona!
  UMATEWU 5:6ubulungisaukwamkelaukutya
• Banoyolo abo bayithobelayo imfundiso kaNdikhoyo,
  abayilulamelayo ngomxhelo wabo wonke.
  INdumiso 119:2ukufunaintliziyo
• Yaza yathi kuso inkosi yaso: ‘Ngxatsho ke, sicaka sam esilungileyo, esithembekileyo! Ubuthembekile kwizinto ezimbalwa; ndiya kukuphathisa izinto ezininzi. Ngena uchwayite kunye nenkosi yakho.’
  UMATEWU 25:21ukuthembekaibuyiseloukukhonza