Iivesi zeBhayibhile malunga noxolelwaniso

«»

• Kaloku ngoKrestu uThixo wayelixolelanisa naye ngokwakhe ihlabathi, engasababeki tyala abantu ngezono zabo, waza wasiphathisa umsebenzi woxolelaniso.
  2 KWABASEKORINTE 5:19 isono usindiso UYesu
• Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.
  KWABASE-EFESE 4:32 uxolelo uvelwano ukulunga
• Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.
  KWABASEKOLOSE 3:13 uxolelo uxolo ummelwane
• Ukuba uwenu uthe wona, yiya uthethe naye ninodwa. Ukuba úthe wakuva, woba umzuzile uwenu.
  UMATEWU 18:15 isono ukuthetha ukuphulaphula
• Guqukani ke ngoko, nibuyele kuThixo, ukuze zicinywe izono zenu.
  UMSEBENZI WABATHUNYWA 3:19 uguqulo isono uxolelo
• Kaloku besikade siziintshaba noThixo, saxolelaniswa naye ngokufa koNyana wakhe. Kobeka phi ke ukusindiswa kwethu ngokudla kwakhe ubomi!
  KWABASEROMA 5:10 UMsindisi usindiso
• Hlalani ngoxolo nabo bonke abantu. Yibani nyulu, kuba ngaphandle kobunyulu akukho mntu uya kuyibona iNkosi.
  KUMAHEBHERE 12:14 ubungcwele uxolo ubomi
• Lunje ke olu thando: Ayisithi esamthandayo uThixo, koko nguye owasithandayo, wasinika uNyana wakhe, ukuze acamagushele izono zethu.
  1 KAYOHANE 4:10 isono uthando UMsindisi
• Wonke lo msebenzi wenziwa nguThixo. Nguye othe ngoYesu Krestu wasixolelanisa naye ngokwakhe, wasinika umsebenzi wokuxolelanisa.
  2 KWABASEKORINTE 5:18 ukuvangela
• Khawuncede usisindise, Thixo wethu,
  ngenxa yesidima segama lakho.
  Sihlangule usixolele amatyala ethu ngenxa yegama lakho.
  INdumiso 79:9 usindiso unqulo isono
• Ewe, kaloku nguye idini elicamagushela izono zethu. Phofu akacamagusheli ezethu kuphela, koko ucamagushela ezehlabathi liphela.
  1 KAYOHANE 2:2 isono UMsindisi uxolelo