Andinin-teny ao amin'ny Baiboly momba ny fampihavanana

«»

• Andriamanitra ao amin'i Kristy no nampihavana izao tontolo izao taminy ka tsy nanisa ny fahadisoany; ary efa napetrany aminay ny teny fampihavanana.
  2 Korintiana 5:19 fahotana famonjena Jesosy
• Ary aoka samy halemy fanahy amin'ny namany avy ianareo, ka hifampiantra sy hifamela heloka, tahaka ny namelan'Andriamanitra ny helokareo ao amin'i Kristy.
  Efesiana 4:32 famelàn-keloka mamindra fo hatsaram-panàhy
• Mifandefera, ka mifamelà heloka ianareo, raha misy manana alahelo amin'ny sasany; tahaka ny namelan'ny Tompo ny helokareo no aoka mba hamelanareo heloka kosa.
  Kolosiana 3:13 famelàn-keloka fiadanana manaraka
• Ary raha manota aminao ny rahalahinao, dia mankanesa any aminy, ka rehefa mitokana ianareo roa lahy, dia asehoy azy ny fahadisoany. Raha mihaino anao izy, dia efa azonao ny rahalahinao.
  Matio 18:15 fahotana lahateny mihaino
• Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny fanatrehan'ny Tompo.
  Asan'ny Apostoly 3:19 fiovam-po fahotana famelàn-keloka
• Fa raha fony mbola fahavalo aza isika no nampihavanina tamin'Andriamanitra tamin'ny nahafatesan'ny Zanany, mainka ny hamonjena antsika amin'ny fahavelomany ankehitriny, rehefa nampihavanina.
  Romana 5:10 Mpamonjy famonjena
• Miezaha mitady fihavanana amin'ny olona rehetra ary fahamasinana; fa izay. tsy manam-pahamasinana dia tsy hahita ny Tompo.
  Hebreo 12:14 fahamasinana fiadanana fiainana
• Izao no fitiavana: tsy ny nitiavantsika an'Andriamanitra fa ny nitiavany antsika, ka nirahiny ny Zanany ho avotra'noho ny fahotantsika.
  1 Jaona 4:10 fahotana fitiavana Mpamonjy
• Fa izany rehetra izany dia avy amin'Andriamanitra, Izay nampihavana antsika taminy amin'ny alalan'i Kristy sady nanome anay ny fanompoana fampihavanana.
  2 Korintiana 5:18 fitoriana ny filazantsara
• Vonjeo izahay, ry Andriamanitry ny famonjena anay ô,
  noho ny voninahitry ny anaranao;
  ary afaho izahay, ka mamelà ny helokay,
  noho ny anaranao.
  Salamo 79:9 famonjena fiankohofana fahotana
• Ary Izy no avotra noho ny fahotantsika, ary tsy noho ny antsika ihany, fa noho ny an'izao tontolo izao koa.
  1 Jaona 2:2 fahotana Mpamonjy famelàn-keloka