Ditemana tša Bibele tša go bolela ka Go boya la bobedi

«»

• Ka baka leo, le lona itokiseng, hobane Mora Motho o tla tla ka nako eo le sa e lebellang.
  MATHEU 24:44Mesiapheletso ya nako
• A re hlokomelaneng, mme re kgothaletsaneng leratong le mesebetsing e metle. Re se ke ra furalla diphutheho tsa rona, jwalokaha ba bang ba tlwaetse. Empa re kgothatsane, haholoholo kaha le a bona hore Letsatsi la Morena le ntse le atamela.
  BAHEBERU 10:24-25setšhabatlhohleletšosetlabelo
• Ya pakang tsena o re: “E, ke tla tla kapele.”
  A ho be jwalo! Tloo, Morena Jesu.
  TŠENOLO 22:20Jesupheletso ya nako
• Bona, ke tla tla kapele, ke tlise moputso ho o nea motho ka mong ho ya kamoo a sebeditseng kateng.
  TŠENOLO 22:12pheletso ya nakoJesumoputso
• Ka hona fadimehang, hobane ha le tsebe letsatsi leo Morena wa lona a tla tla ka lona.
  MATHEU 24:42bopelotelelepheletso ya nako
• Qetello ya dintho tsohle e atametse. Ebang le boitshwaro, mme le fadimehele ho rapela.
  1 PETROSE 4:7pheletso ya nakokhutšathapelo
• Ke eo a etla a le hara maru,
  mme mahlo a bohle a tla mmona,
  esita le bona ba mo hlabileng,
  mme meloko yohle ya lefatshe
  e tla mo llela.
  E! A ho be jwalo!
  TŠENOLO 1:7Jesupapolo
• Ke tla tla kapele. Kgomarela ho seo o nang le sona, e le hore ho tle ho se ba ye ka o amohang mofapahlooho wa hao.
  TŠENOLO 3:11moputsobopelotelele
• “Ke nna Alfa le Omega,” ho rialo Morena Modimo, ya leng teng, ya bileng teng, ya tlang ho tla, ya matla wohle.
  TŠENOLO 1:8bophelo bjo bo sa felegopotegoModimo
• Yare ba sa ntse ba tadimile lehodimong ha a ntse a nyoloha, bonang, banna ba babedi, ba diaparo di tshweu, ba ema pela bona. Yaba ba re: “Banna ba Galelea, le emetseng le shebile lehodimong? Jesu enwa ya nyolletsweng lehodimong, a tloha hara lona, o tla boela a kgutla ka mokgwa oo le mmoneng a nyolohela lehodimong ka wona.”
  DIKETSO 1:10-11thotogelolegodimoJesu
• Jwale he, bana ba ka, phelang ka ho Kreste, e le hore mohla a iponahatsang re tle re be sebete, re se ke ra ba dihlong, ra honyela, ha a se a le teng.
  1 JOHANNE 2:28tshepopheletso ya nako
• Hlokomelang baporofeta ba bohata, ba tlang ho lona ba ikgakantse eka ke dinku, empa kahare e le diphiri tse harolakang.
  MATHEU 7:15porofetodiaparo
• Feela, baratuwa, ntho eo le sa tshwanelang ho e lebala ke ena: Ho Morena letsatsi le le leng le jwaloka dilemo tse sekete, mme le dilemo tse sekete di jwaloka letsatsi le le leng.
  2 PETROSE 3:8Modimobopelotelelepheletso ya nako
• Ke kgodisehile hore ya qadileng mosebetsi ona o motle hara lona o tla o ntshetsa pele ho fihlela Letsatsing la ho tla ha Kreste Jesu.
  BAFILIPI 1:6Jesutswaloleswa
• Ka baka leo, haeba ba re ho lona: ‘Bonang, o teng feelleng!’ le se ke la ya teng; kapa: ‘Bonang, o phaposing!’ le se ke la ba la dumela, hobane jwalokaha lehadima le tsekema ho tloha botjhabela le be le yo fihla bophirimela, le ho tla ha Mora Motho ho tla ba jwalo.
  MATHEU 24:26-27Jesupheletso ya nako
• Le se ke la swabisa Moya o Halalelang wa Modimo, oo ka wona le tshwaetsweng letsatsi la topollo.
  BAEFESE 4:30Moya Mokgethwamanyami
• Mohla ho hlahang taelo, ka lentswe la lengeloileholo, ka terompeta ya Modimo, Morena ka sebele o tla theoha lehodimong, mme ba shwetseng ho Kreste ba tla tsoha pele. Jwale rona ba tla beng ba ntse ba phela re tla nkelwa marung hammoho le bona, ho ya kgahlanyetsa Morena sebakeng, mme ka mokgwa o jwalo re tla ba le Morena kamehla.
  1 BATHESALONIKA 4:16-17phološolehulegodimo
• Ho se be ya le thetsang ka tsela efe kapa efe. Pele ho Letsatsi leo ho tla ba le bokwenehi, mme ho senolwe Ya Kgopo, ya tlamehileng ho timela. Yena o tla lwantsha, a iphahamisetse tsohle tse bitswang Modimo, tse kgumamelwang ke batho, hoo yena a tlang ho itulela ka Tempeleng ya Modimo, a iketse Modimo.
  2 BATHESALONIKA 2:3-4pheletso ya nakomedimo e šele