Ditemana tša Bibele tša go bolela ka Legodimo

«»

• Mohla ho hlahang taelo, ka lentswe la lengeloileholo, ka terompeta ya Modimo, Morena ka sebele o tla theoha lehodimong, mme ba shwetseng ho Kreste ba tla tsoha pele. Jwale rona ba tla beng ba ntse ba phela re tla nkelwa marung hammoho le bona, ho ya kgahlanyetsa Morena sebakeng, mme ka mokgwa o jwalo re tla ba le Morena kamehla.
  1 BATHESALONIKA 4:16-17phološolehumangeloi
• Ka tlung ya Ntate ho na le meaho e mengata; hoja ha ho jwalo, nka be ke le boleletse, hobane ke ya ho le lokisetsa bodulo.
  JOHANNE 14:2JesuNtatethotogelo
• Thahasellang dintho tse hodimo, e seng tse lefatsheng.
  BAKOLOSE 3:2mogopololefase
• Ha e le rona ha habo rona ke lehodimong, moo re lebeletseng Mopholosi wa rona ho tswa teng, e leng Morena wa rona Jesu Kreste.
  BAFILIPI 3:20phološoJesu
• Nka ba le mang lehodimong
  haese wena?
  Ha ke ena le wena,
  ha ke sa lakatsa letho lefatsheng.
  PESALEMA 73:25tshepoModimogo direla/hlankela
• Mahodimo a phatlalatsa
  tlotla ya Morena,
  sebaka sa lehodimo se a bolela,
  se bolela mosebetsi wa diatla tsa hae;
  letsatsi ka leng le phetela le leng,
  bosiu ka bong bo tsebisa bo bong.
  PESALEMA 19:2-3go direla/hlankela
• Dintho tsohle
  di beetswe dinako tsa tsona,
  nako tsa ho etsa tsohle
  mona lefatsheng.
  MORUTI 3:1peakanyobophelo
• Le se ke la ipokellela matlotlo lefatsheng, moo tshwele le mafoome di senyang, moo mashodu a thuang, a utswe; le mpe le ipokellele matlotlo lehodimong, moo tshwele leha e le mafoome di sa senyeng, moo mashodu a sa thueng, a utswe.
  MATHEU 6:19-20megabarumahumo a lefase
• Morena o tla nne a ntopolle mesebetsing yohle e kgopo, a mpholose, a nkise Mmusong wa hae wa lehodimo. Tlotla e ke e be ho yena kamehla le mehla. A ho be jwalo!
  2 TIMOTHEA 4:18tšhireletšompego direla/hlankela
• Lehodimo le lefatshe di tla fela, empa mantswe a ka a ke ke a fela.
  MATHEU 24:35potegoLentšu la Modimopheletso ya nako
• Ha re lwane le motho wa nama le madi, empa re lwana le meya e busang, le e laolang, le e renang hodima lefatshe lena la lefifi, e leng meya e kgopo, e sebakeng.
  BAEFESE 6:12Moya wa Modimompeboitshwaro
• Yare hoba a bue tsena, a nyollelwa hodimo ba ntse ba mo shebile, mme leru la mo tlosa mahlong a bona.
  DIKETSO 1:9mehloloJesuthotogelo
• Re tseba hore, mohla lephephe leo re phelang ho lona mona lefatseng le qhaqhollwang, lehodimong re na le lehae leo re le lokiseditsweng ke Modimo, ntlo e sa hahwang ke batho.
  2 BAKORINTHE 5:1mmelebophelolehu
• Jesu a re: “Lesang bana ba tle ho nna. Le se ke la ba thibela ho tla ho nna, hobane Mmuso wa mahodimo ke wa ba jwaloka bona.”
  MATHEU 19:14mmušobana
• Modimo, ako bontshe
  hore o okametse mahodimo,
  tlotla ya hao
  e phahamele lefatshe lohle.
  PESALEMA 108:6go direla/hlankela
• Oho, Morena Modimo, o entse lehodimo le lefatshe ka matla a hao a maholo, le ka letsoho la hao le otlolohileng, mme ha ho letho le ka o sitang.
  JEREMIA 32:17tlholomaatlaramatla
• Jwale Jesu a ba isa kantle ho motse, a ya le bona ho ya fihla Bethania, a phahamisa matsoho, a ba hlohonolofatsa. Eitse ha a ntse a ba hlohonolofatsa, a tloha ho bona, a nyollelwa lehodimong.
  LUKA 24:50-51Jesutšhegofatšothotogelo
• Yena eo leaho la hae
  le leng mahodimong,
  metheo ya lona
  o e hlomme hodima lefatshe;
  yena ya bokellang metsi a lewatle,
  a a bokelle,
  a a tshollele hodima lefatshe;
  lebitso la hae ke Morena.
  AMOSE 9:6tlholoModimo
• Baratuwa, jwale re se re le bana ba Modimo, empa seo re tlang ho ba sona ha se eso bonahatswe. Feela re a tseba hore, mohla Kreste a iponahatsang, re tla tshwana le yena, hobane re tla mmona kamoo a leng kateng. Mang le mang ya nang le tshepo ena ho yena, o a itlhwekisa, jwalokaha le yena a hlwekile.
  1 JOHANNE 3:2-3tlhwekišolapabana
• Thuso ya rona e tswa ho Morena,
  ya entseng mahodimo le lefatshe.
  PESALEMA 124:8tlholoModimo
• Ha re a ka ra tla le letho lefatsheng, ka mokgwa o jwalo ha re ka ke ra nka letho ho lona ha re tloha. Ha re ena le dijo le diaparo, re di kgotsofalle.
  1 TIMOTHEA 6:7-8dijomahumo a lefasekgotsofalo
• Jwalokaha lehodimo
  le phahametse lefatshe,
  tsela tsa ka le tsona
  di phahametse tsa lona,
  le mehopolo ya ka
  e phahametse ya lona.
  ESAEA 55:9peakanyokwešišo
• “Na motho a ka ipata
  dikgotjheletsaneng,
  a ipata teng, yaba ha ke mmone?”
  ho rialo Morena.
  “Na ha ke fumanwe
  lehodimong le lefatsheng?”
  ho rialo Morena.
  JEREMIA 23:24Modimo
• Ha a phahamisa mahlo a le ditlhokofatsong, Nqalong ya Bafu, a bona Aborahama a le hole, Lasaro a le sefubeng sa hae. Yena a howa, a re: ‘Ntate Aborahama, ako nkutlwele bohloko! Roma Lasaro, hore a qopetse ntlha ya monwana wa hae metsing, a phodise leleme la ka, hobane mollo ona o tjhesa habohloko!’
  LUKA 16:23-24helelehutlaišego
• Jwalokaha motho eo
  a tswetswe a le feela,
  o tla ya lebitleng
  a ntsa le feela.
  Hara tsohle
  tseo a di sebeditseng,
  a ke ke a nka le e nngwe
  ka letsoho la hae.
  MORUTI 5:15megabarumahumo a lefase