Ditemana tša Bibele tša go bolela ka Tshepo

«»

• Tshepa Morena
  ka pelo ya hao yohle,
  o se ke wa tshepa bohlale ba hao.
  Kenya Morena mererong ya hao,
  mo kenye ho yona yohle,
  tsela tsa hao a tla di otlolle.
  MAELE 3:5-6go ikanyapelosetlabelo
• Ho lehlohonolo motho
  ya itshepetseng Morena,
  eo tshepo ya hae
  e leng yena Morena.
  O tla tshwana le sefate
  se lemilweng pela metsi,
  seo metso ya sona
  e namelang pela molatswana.
  Ha se ke se tshoswa
  ke ho fihla ha lebatama,
  mahlaku a sona
  a matalana kamehla,
  ka nako ya komello
  ha se ke se tshwenyeha,
  kamehla se beha
  ditholwana tsa sona.
  JEREMIA 17:7-8tšhegofatšogo ba le dikenywa
• Wena Ya Hodimodimo,
  mohla ke tshohileng,
  ke tla tshepa wena.
  PESALEMA 56:4Modimoletšhogo
• Bea mesebetsi ya hao
  atleng tsa Morena,
  mme merero ya hao
  e tla phethahala.
  MAELE 16:3peakanyotšhegofatšomošomo
• Ha o tshela hara madiba
  ke tla ba le wena;
  ha o tshela dinoka
  ha di ka ke tsa o nka.
  Ha o tsamaya hara mollo
  ha o ka ke wa tjha,
  malakabe ha a ka ke a o tjhesa.
  ESAEA 43:2tlhohleletšoditshepišo
• Etsa hore ke tsebe mohau wa hao,
  ke o tsebe e sa le hoseng,
  hobane ke o tshepile;
  mpontshe tsela
  eo nka tsamayang ka yona,
  hobane ke o rapela
  ka moya wa ka wohle.
  PESALEMA 143:8leratopeakanyo
• Re ka ya ho Modimo ka sebete, hobane, ha re kopa ho hong ho ya ka thato ya hae, o a re utlwa.
  1 JOHANNE 5:14thapelogo theeletša
• Ya phelang tshireletsong
  ya Ya Hodimodimo,
  ya ahileng moriting
  wa Ya Matla wohle,
  o re ho Morena:
  “O setshabelo sa ka
  le qhobosheane ya ka,
  Modimo wa ka eo ke mo tshepang.”
  PESALEMA 91:1-2polokegokhutšaramatla
• Re phela ka tumelo, e seng ka ho mmona.
  2 BAKORINTHE 5:7tumelobophelo
• Pholoho ya ka
  e tswa ho Modimo,
  le tlotla ya ka
  e tswa ho yena,
  ke yena lefika la ka le matla;
  Modimo ke setshabelo sa ka.
  PESALEMA 62:8Modimophološo
• Feela a bo kope ka tumelo, a sa belaele letho, hobane ya belaelang o tshwana le leqhubu la lewatle le tsokotswang ke moya.
  JAKOBO 1:6tumelothapelo
• A ke ke a tlohela leoto la hao,
  a le tlohella ho thella,
  molebedi wa hao a ke ke a otsela.
  PESALEMA 121:3potegogo ikanya
• Morena o haufi
  le bohle ba mo rapelang,
  ba mo rapelang kannete.
  PESALEMA 145:18potegothapelo
• Tadimang dinonyana tse fofang: ha di jale, ha di kotule, ha di bokellele disiung, empa Ntata lona ya mahodimong o a di fepa; ana lona ha le di fete hole ka bohlokwa na?
  MATHEU 6:26bohlokwaNtatemošomo
• Ke ka baka leo re leng sebete ho re:
  “Morena ke mothusi wa ka,
  nke ke ka tshaba letho.
  Motho a ka nketsang?”
  BAHEBERU 13:6letšhogotšhireletšo
• Ho tshaba batho
  ke ho itjhehela leraba,
  empa ya tshepang Morena
  o tla bolokeha.
  MAELE 29:25letšhogo
• Ya elang ditaelo hloko o a atleha,
  ya tshepang Morena
  o a hlohonolofala.
  MAELE 16:20tšhegofatšogo theeletša
• Modimo wa ka o tla le sitsa ka tsohle tseo le di hlokang, ho ya ka bongata ba maruo a hae, ka Kreste Jesu.
  BAFILIPI 4:19Jesutšhegofatšo
• Ipee matsohong a Morena;
  o mo tshepe, ho tla sebetsa yena.
  O tla etsa
  hore ho loka ha hao ho kganye,
  ho kganye jwaloka lesedi,
  le ditokelo tsa hao
  di kganye jwaloka letsatsi,
  motsheare o moholo.
  PESALEMA 37:5-6bolokibopheloseetša
• Nka ba le mang lehodimong
  haese wena?
  Ha ke ena le wena,
  ha ke sa lakatsa letho lefatsheng.
  PESALEMA 73:25Modimolegodimogo direla/hlankela
• Bophelo ba lona bo se ke ba buswa ke ho rata tjhelete. Le kgotsofalle seo le nang le sona, hobane Modimo ka boyena o itse:
  “Ha nka ke ka o lahla,
  kapa ka o furalla.”
  BAHEBERU 13:5tšheletemahumo a lefasesekoloto
• Lebella Morena, o be sebete;
  tiya pelo, o lebelle Morena.
  PESALEMA 27:14bopelotelelesebete
• Tshepa Morena, o etse botle,
  o tle o iphelele lefatsheng ka kgotso.
  PESALEMA 37:3polokegobotse
• Rona re tsebile, ebile re dumetse lerato leo Modimo a nang le lona ho rona.
  Modimo ke lerato. Ya phelang leratong o phela ka ho Modimo, le Modimo o phela ka ho yena.
  1 JOHANNE 4:16leratoModimo
• Morena o molemo, ke setshabelo;
  ke setshabelo
  mohla tsatsi la ditlokotsi,
  ba mo tshepang o a ba sireletsa.
  NAHUME 1:7tšhireletšobotsepolokego