Ditemana tša Bibele tša go bolela ka Pelo
- Baballa pelo ya hao,
e baballe ho feta tsohle,
hobane ke yona diba sa bophelo. - Jwalokaha motho
a ipona sefahleho ka metsing,
pelo ya motho
le yona ke seipone sa hae. - Pelo e tletse mano
ho feta dintho tsohle,
e senyehile
hoo e ke keng ya phekolwa,
ke mang ya ka e utlwisisang?
“Ke nna Morena ya lekolang dipelo,
mohopolo le wona o lekolwa ke nna.
Ke putsa motho
ho ya ka diketso tsa hae,
ho latela tholwana
tsa mesebetsi ya hae.” - Le tla mpatla, mme le mphumane, haeba le mpatla ka dipelo tsa lona tsohle.
- Mokgabo wa lona e se ke ya eba o bonwang, jwaloka meriri e lohilweng, mekgabiso ya kgauta le diaparo tse ntlehadi. Mokgabo wa lona o sa senyeheng o tswe botebong ba dipelo tsa lona, e leng moya wa mosa le kgutso, oo e leng ntho ya bohlokwa ho Modimo.
- Oho, Modimo, ako bope ka ho nna,
o bope pelo e hlwekileng,
o kenye moya o motjha, o tiileng,
o o kenye ka sefubeng sa ka. - A ke a o fe
se ratwang ke pelo ya hao,
a phethahatse merero yohle ya hao. - Empa Morena a re ho Samuele: “O se ke wa tadima sebopeho sa hae, kapa bophahamo ba seemo sa hae, hobane ha ke mo amohele. Morena ha a tadime jwalokaha motho a tadima. Motho o tadima sebopeho se kantle, athe Morena yena o tadima pelo.”
- Tshepa Morena
ka pelo ya hao yohle,
o se ke wa tshepa bohlale ba hao.
Kenya Morena mererong ya hao,
mo kenye ho yona yohle,
tsela tsa hao a tla di otlolle. - Hobane moo letlotlo la hao le leng teng, le yona pelo ya hao e tla ba hona teng.
- Eba le lerato, o be le botshepehi,
molaleng wa hao o itlame ka tsona;
o di ngole tlapeng la pelo ya hao.
O tla ratwa ke Modimo le batho,
o iketsetse lebitso mahlong a bona. - Ke tla le nea pelo e ntjha le moya o motjha, ke fedise pelo tse thata sa lejwe tse ka ho lona, ke le nee pelo tse ikokobeditseng.
- A re ho yena: “ ‘Rata Morena Modimo wa hao ka pelo ya hao yohle, le ka moya wa hao wohle, le ka maikutlo a hao wohle.’ ”
- Thabela Morena,
mme o tla o nea tse lakatswang
ke pelo ya hao. - Pelo e thabileng
e tseba ho fodisa,
empa moya o hlorileng
o tepeletsa mmele. - Mora wa ka,
se lebale thuto ya ka,
pelong ya hao
melao ya ka o e boloke,
o tlo lelefaletswe matsatsi a hao,
lemo tsa kgotso di tle di o atele. - O fodisa ba pelo di hlabehileng,
o tlamella maqeba a bona. - Motho ka mong a ke a fane ho ya kamoo a rerileng kateng ka pelong ya hae, e seng ka ho kganana kapa ka ho qobellwa. Modimo o rata ya fanang a thabile.
- Ya bohlale
o tla mamela molao pelong ya hae,
sethoto se beberang
sona se tla timela. - Ebang sebete, le tiye dipelo,
lona bohle ba tshepileng Morena. - Ho lehlohonolo
ba pelo di hlwekileng,
hobane ba tla bona Modimo. - Ke o batla ka pelo ya ka yohle;
se ntumelle ho kgeloha,
ho kgeloha melao ya hao. - Kahoo re rute
ho bala ditshiu tsa rona,
pelo tsa rona di tle di hlalefe. - Ako kgahlwe ke mantswe
a tswang molomong wa ka,
le ke menahano e ka pelong ya ka,
wena Morena, lefika la ka,
le molopolli wa ka. - Kannete ke a le bolella hore ha e mong a ka re ho thaba eo: ‘Sutha, o yo wela lewatleng,’ a se na pelaelo pelong ya hae, a mpa a dumela hore seo a se bolelang se tla etsahala, o tla se etsetswa.
Dihlogotaba tša go tswalana
Molao
Mantswe ana ao ke...
Bophelo
Morena o tla o...
Lerato
Lerato le na le...
Lethabo
Thabang kamehla, se phetseng...
Tshepo
Tshepa Morena ka pelo...
Moya
Empa ha le le...
Temana ya Bibele ya lehono
Ke nna modisa ya molemo. Modisa ya molemo o tella dinku tsa hae bophelo ba hae.Amogela Temana ya Bibele ya Letšatši ka Letšatši:
Tsebišo ya letšatši ka letšatšiEmeileFacebookAndroid-appWeposaeteng ya gagoTemana ya Bibele ya go se kgethwe ka maikemišetšo
Pelo e thabilenge tseba ho fodisa,
empa moya o hlorileng
o tepeletsa mmele.Temana ya go latela!