Ditemana tša Bibele tša go bolela ka Pholo

«»

• Jesu a re ho yena: “O re, ‘haeba o ka etsa!’ Tsohle di ka etsahala ho ya dumelang!”
  MAREKA 9:23tumelomehlolo
• Empa Jesu ha a utlwa, a re ho Jairuse: “Se tshabe; dumela feela, mme o tla fola.”
  LUKA 8:50letšhogotumelomehlolo
• O fodisa ba pelo di hlabehileng,
  o tlamella maqeba a bona.
  PESALEMA 147:3pelobolwetšimaphelo
• Na hara lona ho teng ya kulang? A ke a bitse baholo ba kereke, hore ba tle ba mo tlotse ka ole ba ntse ba mo rapella ka lebitso la Morena. Thapelo e etswang ka tumelo e tla fodisa mobabi, mme o tla tsoswa diphateng ke Morena. Ha a entse dibe, o tla di tshwarelwa.
  JAKOBO 5:14-15bolwetšithapelotumelo
• Jesu a re ho sona: “Eya, tumelo ya hao e o fodisitse.” Hanghang Baretimea a boela a bona, mme a latela Jesu tseleng.
  MAREKA 10:52tumelophološo
• Fodisang bakudi, tsosang bafu, hlwekisang balepera, lelekang bademona; le amohetse feela, fanang feela.
  MATHEU 10:8go fago amogelabolwetši
• Pelo e thabileng
  e tseba ho fodisa,
  empa moya o hlorileng
  o tepeletsa mmele.
  MAELE 17:22pelobolwetšibokoa
• Mphodise, Morena,
  mme ke tla fola,
  mpholose, Morena,
  mme ke tla pholoha,
  hobane ke wena eo ke mo rorisang.
  JEREMIA 17:14bolwetšitumišophološo
• O ila hlajwa
  ka baka la ditshito tsa rona,
  a tetetswa
  ka baka la dibe tsa rona,
  kotlo e re tlisetsang kgotso
  ya mo wela hodimo,
  ra fodiswa ke maqeba a hae.
  ESAEA 53:5sebeJesu
• Motho ka mong a ipolele dibe ho ba bang, mme le rapellane, hore le tle le fole. Thapelo ya motho ya lokileng e matla haholo.
  JAKOBO 5:16bolokithapelobolwetši
• Haeba setjhaba sa ka, se bitswang ka nna, se ka ikokobetsa, sa rapela, sa mpatla, mme sa kgutla mekgweng ya sona e kgopo, ke tla utlwa ke le lehodimong, ke se tshwarele sebe sa sona, mme ke ntjhafatse naha ya sona.
  2 LIKETSAHALO 7:14boikokobetšotshwarelotshokologo
• Ha e le lona ba hlomphang lebitso la ka, letsatsi la ho loka le tla le tjhabela ka mahlasedi a lona a fodisang. Lona le tla tswa, le thale jwaloka manamane a buletsweng ka sakeng.
  MALAKIEA 4:2lethabobolokitlhompho
• Yena, ka mmele wa hae, o ile a isa dibe tsa rona sefapanong, hore re tle re shwe ka nqeng ya sebe, mme re phele ka nqeng ya ho loka. Ke yena eo le fodisitsweng ke maqeba a hae.
  1 PETROSE 2:24sebebolokimmele
• Kgutla, o yo bolella Hesekiya, moetapele wa setjhaba sa ka, o re ho yena: ‘Morena Modimo wa ntataomoholo, Davida, o bua tjena: Ke utlwile thapelo ya hao, mme ke bone meokgo ya hao. Bona, ke tla o fodisa. Ka letsatsi la boraro o tle o nyolohele ka Tempeleng ya Morena.’
  2 LIKHOSI 20:5thapelomanyamiporofeto
• Le fodise ba kulang ba ho wona, le re ho bona: ‘Mmuso wa Modimo o se o le fihletse!’
  LUKA 10:9bolwetšibokgauswimmušo
• Yena ha a utlwa, a re ho bona: “Ba hlokang ngaka ke ba kulang, e seng ba phelang hantle.”
  MATHEU 9:12tshwarelomaphelo
• A laela, mme ba fola,
  a ba phemisa lebitla.
  PESALEMA 107:20Lentšu la Modimo
• Haeba le hlile le mamela lentswe la Morena Modimo wa lona, mme le etsa ho lokileng mahlong a hae; le sekehela ditaelo tsa hae tsebe, le boloka melao yohle ya hae, nke ke ka le otla ka mafu wohle ao ke ileng ka otla Baegepeta ka wona, hobane ke nna Morena, Mofodisi wa hao.
  PHALLO 15:26go theeletšabolwetšiboloki
• Morena o tutubolla mahlo a difofu.
  Morena o phahamisa
  ba kgokgopaneng;
  Morena o rata ba lokileng.
  PESALEMA 146:8bolwetšibolokimanyami
• Jesu o ne a ruta ka ho e nngwe ya matlo a thapelo ka Sabatha. Ho ne ho ena le mosadi ya bileng le moya o mo holofaditseng ka dilemo tse leshome le metso e robedi; o ne a finahane, a sitwa ho inamoloha ho hang. Yare ha Jesu a mmona, a mmitsa, a re ho yena: “Mosadi, o fodisitswe kgolofalong ya hao,” a ba a mmea matsoho; yaba mosadi eo o otloloha hanghang, mme a tlotlisa Modimo. Mookamedi wa ntlo ya thapelo a bua a halefile, hobane Jesu a ile a fodisa ka Sabatha, a re ho letshwele: “Matsatsi a tsheletse ao eka kgonang ho sebetswe ka wona. Ka baka leo, le no tla fodiswa ka wona, e seng ka letsatsi la Sabatha.” Empa Morena a mo araba, a re: “Baikaketsi ting, na e mong le e mong wa lona ha a ke a lokolla pholo ya hae kapa tonki sejelong ka Sabatha, a e ise ho ya nwa na? Mosadi enwa, e leng moradi wa Aborahama, eo Satane a mo tlamileng ka dilemo tse leshome le metso e robedi, na o ne a sa lokele ho lokollwa ditlamong tseo ka letsatsi la Sabatha na?” Ha a rialo, bahanyetsi ba hae bohle ba hlajwa ke dihlong, mme letshwele lohle la thabela tsohle tse tlotlehang, tseo a di etsang.
  LUKA 13:10-17mehlolosabatha
• Moya wa Morena o hodima ka
  hobane a ntlotseditse
  ho bolella mafutsana
  molaetsa o molemo,
  o nthometse
  ho phatlalletsa bathopuwa
  tsa tokoloho,
  le difofu hore di tla tutuboloha,
  le ho lokolla ba hateletsweng.
  LUKA 4:18-19aMoya wa Modimoboebangeditokologo