Ditemana tša Bibele tša go bolela ka Tumišo
- Oho, Morena,
ke wena Modimo wa ka,
ke tla o tlotla,
ke rorise lebitso la hao,
hobane wena o entse dimakatso,
merero ya hao ya kgale
e a tshepeha, ke ya nnete. - Tsohle tse phelang
di ke di rorise Morena.
Haleluja! - Mohau wa hao o molemo
ho feta bophelo,
molomo wa ka o tla o rorisa.
Ke tla o boka ha ke ntse ke phela,
ke phahamise matsoho a ka,
ke a phahamisetse ho wena. - Morena ke matla a ka le thebe ya ka;
pelo ya ka e mo tshepile,
mme o nthusitse;
pelo ya ka e nyakaletse,
ke mmoka ka dipina. - Boka Morena, wena moya wa ka;
botho bohle ba ka
bo boke bitso la hae le halalelang. - Ka seroko, Paulosi le Silase ba rapela, ba tlotlisa Modimo ka difela, mme batshwaruwa ba ba mamela.
- Morena, ke o boka
ka pelo ya ka yohle,
ke bolela dimakatso tsohle tsa hao. - Morena o moholo,
o lokelwa ke thoriso e kgolo,
boholo ba hae ha bo fihlelwe. - Moya wa ka, o nyahametseng?
O hloretseng ka sefubeng sa ka?
Tshepa Modimo.
Ke sa tla nne ke mmoke,
yena mopholosi wa ka
le Modimo wa ka. - Ke tla boka Morena ka nako tsohle,
ke nne ke mo rorise kamehla. - Ke wena ya bopileng
bokahare ba ka,
ya kopantseng ditho tsa ka
ke sa le popelong ya mme.
Ke a o boka,
hobane o mpopile
ka mokgwa o makatsang;
mesebetsi ya hao e a hlolla,
hona ke ho tseba hantle. - Le dibopuwa tsohle tse lehodimong, le tse lefatsheng, le tse botebong ba lefatshe, le tse lewatleng, tsohle tse ho tsona ka di utlwa di re: “Ho ya dutseng teroneng le ho Konyana e be thoriso, le hlompho, le tlotla, le matla, kamehla le mehla.”
- Molomong wa ka
ho tletse thoriso ya hao,
le tlotliso ya hao kamehla. - Lentswe la Kreste le ahe ka ho lona ka menono yohle ya lona. Rutanang, mme le eletsane ka bohlale bohle. Ka dipelo tse tletseng teboho, binelang Modimo dipesalema, difela le dipina tse halalelang.
- Ke tla o tumisa,
wena Modimo wa ka
o leng Kgosi ya ka,
ke boke lebitso la hao
kamehla le mehla. - Bokang Morena,
le rapele lebitso la hae,
le tumise diketso tsa hae,
le di tumise hara ditjhaba. - Mphodise, Morena,
mme ke tla fola,
mpholose, Morena,
mme ke tla pholoha,
hobane ke wena eo ke mo rorisang. - Hobane ho ngotswe, ho thwe:
“Ke hlapanya ka nna,
ho rialo Morena,
mangwele wohle
a tla nkgumamela,
mme maleme wohle
a tla tlotlisa Modimo.” - Mohla tsatsi leo, le tla re:
“Lebohang Morena, le mo rapele,
phatlalatsang mesebetsi ya hae
hara ditjhaba,
le bolele hore bitso la hae le leholo.” - Morena, ke tla o boka hara ditjhaba,
ke o roke hara merabe. - Qetellong, bana beso, tsohle tseo e leng nnete, tsohle tse hlomphehang, tsohle tse lokileng, tsohle tse hlwekileng, tsohle tse ratehang, tsohle tse babatsehang, leha e le eng le eng e kgabane le e rorisehang, tsena le di nahane.
- Ho ke ho bokwe Modimo, Ntata Morena wa rona Jesu Kreste, ya re hlohonolofaditseng ka Kreste ka mahlohonolo wohle a moya, a tswang mahodimong.
- Ka letsatsi le leng le le leng ba ba mmoho ka Tempeleng ba le maikutlo a le mang, ba kena ntlo ka nngwe ba ntse ba ngwatha bohobe; ba ja dijo ka thabo le ka pelo tse tshweu. Ba rorisa Modimo, ba ratwa ke batho bohle, mme ka letsatsi le letsatsi Morena a eketsa phutheho ka ba pholoswang.
- Ke ipileditse ho yena
ka molomo wa ka,
ka mo phafa ka leleme la ka. - Ke rorisa Modimo,
hobane ke a mo tshepa,
ke tshepa Modimo,
nke ke ka tshaba letho;
motho yena a ka nketsang?
Dihlogotaba tša go tswalana
Go direla/hlankela
Oho, Morena, ke wena...
Go bolela
Leleme le ka phedisa...
Go opela
Ha e le nna...
Moya
Empa ha le le...
Thapelo
Thabang kamehla, se phetseng...
Tebogo
Thabang kamehla, se phetseng...
Temana ya Bibele ya lehono
Hlompha ntatao le mmao, e le hore o tle o phele halalele naheng eo Morena Modimo wa hao, a o neang yona.Amogela Temana ya Bibele ya Letšatši ka Letšatši:
Tsebišo ya letšatši ka letšatšiEmeileFacebookAndroid-appWeposaeteng ya gagoTemana ya Bibele ya go se kgethwe ka maikemišetšo
Ya lalang diphoso ka mmeleo qeka ho ratwa,
athe ya di pepesang
yena o senya setswalle.Temana ya go latela!