Ditemana tša Bibele tša go bolela ka Mošomo

«»

• Sohle seo le se etsang, le se etse ka dipelo tsohle tsa lona, jwaloka hoja le se etsetsa Morena, e seng batho. Tsebang hore Morena o tla le putsa ka ho le etsa majalefa a hae. Morena eo le mo sebeletsang ke Kreste.
  BAKOLOSE 3:23-24moputsobophelogo amogela
• Bea mesebetsi ya hao
  atleng tsa Morena,
  mme merero ya hao
  e tla phethahala.
  MAELE 16:3tshepopeakanyotšhegofatšo
• Etsang tsohle ka lerato.
  1 BAKORINTHE 16:14lerato
• Ka baka leo, bana beso ba ratehang, le tiye, le se ke la thekesela, le nne le sebeletse Morena ka mesebetsi e mengatangata kamehla, le ntse le tseba hore mofufutso wa lona hase wa lefeela pela Morena.
  1 BAKORINTHE 15:58boikobomoputsotlhohleletšo
• Ya sebetsang ka thata
  ke yena ya tla busa,
  empa sekgoba sona
  se tla fetoha lekgoba.
  MAELE 12:24moputsobokgoba
• Hlohonolo la Morena
  le entsha motho,
  ha ho maswabi ao le a tlisang.
  MAELE 10:22tšheletetšhegofatšogo ikanya
• Eng kapa eng eo le e etsang kapa le e bolelang, le e etse lebitsong la Morena Jesu, mme ka yena le lebohe Modimo Ntata lona.
  BAKOLOSE 3:17go bolelatebogogo latela
• Ke a tseba hore ha ho letho le molemo ho motho, haese feela ho ithabisa le ho etsa tse ntle ha a sa ntsane a phela. Ha motho ka mong a eja, a enwa, a fumane tse molemo ka mesebetsi ya hae, hoo ke mpho ya Modimo.
  MORUTI 3:12-13lethabobophelodijo
• Maruo a bolotsana a tla fela hang,
  a kolletswang kahanyane
  wona a a eketseha.
  MAELE 13:11tšheletemegabarusekoloto
• Modimo o na le matla a ho le atisetsa dineo tsohle tsa hae, e le hore, kamehla, le tle le be le ho lekaneng dinthong tsohle, le be le ngatafallwe haholo, hoo le ka tsebang ho etsa mesebetsi yohle e molemo.
  2 BAKORINTHE 9:8tšhegofatšogo belaelabotse
• Morena Modimo wa rona
  a ke a be mosa ho rona,
  a atlehise mosebetsi
  wa matsoho a rona,
  e, a atlehise mosebetsi
  wa matsoho a rona.
  PESALEMA 90:17kgaugelotlhohleletšomohau
• Itlhokomeleng, esere la lahlehelwa ke tseo le di sebeleditseng, le tle le mpe le amohele moputso o tletseng.
  2 JOHANNE 1:8moputsoboitshwaro
• Ba babedi ba feta ya mong,
  moputso wa bona o a hlamatseha.
  MORUTI 4:9segweraditswalano
• Etsa ka matla ho ba ya amohelehang ho Modimo, mosebeletsi ya ke keng a hlajwa ke dihlong, ya rutang lentswe la nnete ka ho otloloha.
  2 TIMOTHEA 2:15go tshepegannete
• Tadimang dinonyana tse fofang: ha di jale, ha di kotule, ha di bokellele disiung, empa Ntata lona ya mahodimong o a di fepa; ana lona ha le di fete hole ka bohlokwa na?
  MATHEU 6:26bohlokwatshepoNtate
• Hape ke mpho ya Modimo ho motho ka mong eo Modimo a mo fileng leruo le matlotlo le matla hore a ithabise ka wona, mme o lokela ho amohela kabelo eo ya hae, a ithabise ka tsa mosebetsi wa matsoho a hae.
  MORUTI 5:19tšheletedijogo amogela
• Haeba le thahasella nnete, ke mang ya ka le etsang hampe?
  1 PETROSE 3:13botsempe
• Yaba ke bona hore ho molemo, ho bile ho lokile hore ka matsatsi a seng makae a bophelo, ao Modimo a mo neileng wona, motho a je, a nwe, a ithabise ka tsohle tsa mosebetsi wa matsoho a hae mona lefatsheng, hobane hoo ke yona kabelo ya hae.
  MORUTI 5:18dijobophelogo amogela
• Ka hlokomela hore boikitlaetso bohle le katleho yohle, di tswalwa ke ho honohelana ha batho. Hona le hona ke lefeela le tshwanang le ho lelekisa moya feela.
  MORUTI 4:4moagišaneditumomahumo a lefase
• Empa ha ke re letho ka bophelo ba ka, ha feela nka phetha mosebetsi wa ka, le tshebeletso eo ke neng ke e amohele ho Morena Jesu, ya ho paka tsa molaetsa o molemo wa mohau wa Modimo.
  DIKETSO 20:24kgaugeloboebangedibophelo
• Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.
  BAHEBERU 6:10bolokigo hlankela
• Mangolo wohle a ngotswe ka tshusumetso ya Moya wa Modimo, mme a na le thuso ya ho ruta, ya ho nyatsa, ya ho busetsa batho tseleng ya ho loka le ho ba tsamaisa ho yona, hore motho wa Modimo a tle a phethehe, a kwetlisetswe mesebetsi yohle e lokileng.
  2 TIMOTHEA 3:16-17Lentšu la Modimobophelosetlabelo
• Kannetenete, ke a le bolella, ya dumelang ho nna, le yena o tla etsa mesebetsi eo ke e etsang, a etse le e fetang ena, hobane ke ya ho Ntate.
  JOHANNE 14:12tumelothotogeloNtate
• Ha ho le jwalo, setjhaba sa Modimo se sa saletswe ke letsatsi la phomolo, hobane ya keneng phomolong ya hae le yena o phomotse mesebetsing ya hae, jwalokaha Modimo le yena a ne a phomole ho ya hae.
  BAHEBERU 4:9-10sabathakhutša
• Makgoba a ikokobeletse beng ba wona dinthong tsohle, a ba kgotsofatse kahohlehohle, a se ke a arabisana le bona, a se ke a ba utswetsa. Empa a bontshe hore a tshepahala kannete, kamehla, hore a tle a etse hore thuto ya Modimo, Mopholosi wa rona, e kgahlehe dinthong tsohle.
  TITE 2:9-10bokgoba