Iivesi zeBhayibhile malunga nokunyuka

«»

• Akuba etshilo uYesu, wanyuselwa ezulwini, bejongile abafundi bakhe. Lamsitha ilifu, ababa sambona.
  UMSEBENZI WABATHUNYWA 1:9imimangalisoUYesuizulu
• UYesu ke waphuma nabafundi bakhe, wabasa ngaseBhetani; waza waphakamisa izandla zakhe, wabasikelela. Kwathi esabasikelela, wahlukana nabo, wanyuswa wasiwa ezulwini.
  ULUKA 24:50-51UYesuintsikeleloizulu
• Besakhangele ukumka kwakhe, bondele esibhakabhakeni apho, nango amadoda amabini, ambethe ezimhlophe, emi ngakubo, abuza athi: “Madoda, maGalili, nimele ntoni apha nikhangele phezulu nje? UYesu lo nimbone enyuselwa ezulwini, uya kubuya kwangolu hlobo nimbone esimka ngalo.”
  UMSEBENZI WABATHUNYWA 1:10-11ukuza kwesibiniizuluUYesu
• Emva kokuthetha nabo, iNkosi uYesu yanyuselwa ezulwini, yaya kuhlala ewongeni kwaThixo.
  UMARKO 16:19UYesuizulu
• Ndaphuma kuBawo, ndeza ehlabathini. Ngoku ke ndiyemka ehlabathini; ndiya kuBawo.
  UYOHANE 16:28UTataumhlaba
• Ikho indawo kowethu. Ukuba bekungenjalo ngendingàtsho ukuthi ndiya kunilungiselela indawo.
  UYOHANE 14:2UYesuUTataizulu
• Inkulu ngokungenambaliso imfihlelo yonqulo lwethu. Kaloku uKrestu Yesu:
  Wavela ngesimo sobuntu
  waza wangqinelwa nguMoya,
  wabonwa zizithunywa zezulu.
  Washunyayelwa ezizweni,
  wamkelwa lihlabathi,
  waza wawongwa ezulwini.
  1 KUTIMOTI 3:16UYesuUmoyaiingelosi
• Waza wathi uYesu: “Sukundibamba, kuba andikenyuki ndiye kuBawo. Hamba uye kuxelela abahlobo bam ukuba sendinyuka, ndisiya kuBawo okwanguYihlo, uThixo wam okwanguThixo wenu.”
  UYOHANE 20:17UYesuUTata
• Ngaba nothini na nakumbona uNyana woLuntu enyukela apho wayevela khona?
  UYOHANE 6:62
• Waza uYesu wathi: “Ndisaza kuba nani ithutyana, ndize ndimke, ndiye kulowo undithumileyo.”
  UYOHANE 7:33UYesu
• Inene, okholwayo kum uya kuzenza izinto endizenzayo, ade enze nezinkulu kunezi, kuba ndiya kuBawo.
  UYOHANE 14:12ukholoumsebenziUTata
• Njengoko anyuselwe ewongeni kuThixo, wamkele uMoya oyiNgcwele, lowo wathenjiswayo nguYise. Le nto ke niyibonayo niyivayo ngoku kukugalelwa kwaloo Moya kuthi.
  UMSEBENZI WABATHUNYWA 2:33uMoya oyiNgcweleipentekosteUYesu