Iivesi zeBhayibhile malunga nokuzalwa ngokutsha

«»

• Akuba umntu emanywe noKrestu uba yindalo entsha – isimo esidala yinto yezolo, sekuqaleke isimo esitsha.
  2 KWABASEKORINTE 5:17 indalo UYesu
• UYesu waphendula wathi kuye: “Ndithi kuwe, inene, akukho namnye unokuxhamla ukulawulwa nguThixo, engathanga azalwe ngokutsha.”
  UYOHANE 3:3 ubukumkani ukuqonda
• Kaloku nizelwe ngelizwi likaThixo ophilayo, ongunaphakade, naba ngabantwana balowo ungasoze afe.
  1 KAPETROS 1:23 ILizwi likaThixo
• Kaloku wonke umntwana kaThixo uyaloyisa eli hlabathi. Ke kaloku ihlabathi siloyisa ngokukholosa ngoThixo.
  1 KAYOHANE 5:4 ukholo uThixo ukoyisa
• Makabongwe uThixo noYise weNkosi yethu uYesu Krestu, othe ngenceba wasinika ubomi obutsha ngokuvusa uYesu Krestu ekufeni!
  1 KAPETROS 1:3 ithemba uvuko ipasika
• Yaye ndiqinisekile ngale ndawo yokuba lo msebenzi mhle awuqalileyo uThixo kuni, uya kude awuqabelise ngeMini kaKrestu uYesu.
  KWABASEFILIPI 1:6 UYesu ukuza kwesibini
• Wasisindisa. Kwakungengakuba senze misebenzi mihle, kodwa kwakungenxa yenceba yakhe. Wasihlamba ngoMoya oyiNgcwele, wasizala ngokutsha, saza safumana ubomi obutsha.
  KUTITO 3:5 usindiso uMoya oyiNgcwele inceba
• Okuzalwa yinyama negazi kuyinyama negazi; okuzalwa nguMoya kunguMoya.
  UYOHANE 3:6 Umoya
• Waphendula uYesu, wathi: “Ndithi kuwe, inene, ukuba umntu akathanga azalwe ngamanzi nanguMoya kaThixo, akanakulawulwa nguThixo.”
  UYOHANE 3:5 ubukumkani ubhaptizo Umoya
• Zihlobo zam ezithandekayo, masithandane; kuba kaloku uthando luvela kuThixo. Nawuphi na umntu onalo uthando uzelwe nguThixo, futhi uyamazi uThixo.
  1 KAYOHANE 4:7 uthando ummelwane ubuhlobo
• Njengamakholwa aseziintsana langazelelani ubisi olungangxengwanga: ndixela ilizwi likaThixo eliya kunikhulisa nide nisindiswe.
  1 KAPETROS 2:2 usindiso ukutya ILizwi likaThixo