Andinin-teny ao amin'ny Baiboly momba ny andro farany

«»

• Aza mety hofitahin'olona akory ianareo; fa tsy ho avy izany, raha tsy efa tonga aloha ny fihemorana, ka hiseho ilay lehilahin'ota, dia ilay zanaky ny fahaverezana, ilay manohitra ka manandra-tena ho ambony noho izay rehetra atao hoe Andriamanitra, na izay ivavahana, ka dia mipetraka eo amin'ny tempolin'Andriamanitra izy ka manao ny tenany ho Andriamanitra.
  2 Tesaloniana 2:3-4 fiverenana sampy
• Fa efa nilaza taminareo hoe izy: Amin'ny andro farany dia hisy mpaniratsira, mandeha araka ny filan'ny haratsiam-panahiny. Ireo no mahatonga fisarahana, dia olona araka ny nofo ihany, fa tsy mba manana ny Fanahy.
  Joda 1:18-19 faniriana fiangonana Fanahy
• Koa miomana kosa ianareo; fa amin'izay ora tsy ampoizinareo no hihavian'ny Zanak'olona.
  Matio 24:44 Mesia fiverenana
• Fa ny tenan'ny Tompo no hidina avy any an-danitra amin'ny fiantsoana sy ny feon'ny arikanjely ary ny trompetran'Andriamanitra, ka izay maty ao amin i Kristy no hitsangana aloha; ary rehefa afaka izany, dia isika izay velona ka mbola mitoetra no hakarina hiaraka aminy ho eny amin'ny rahona hitsena ny Tompo any amin'ny habakabaka; dia ho any amin'ny Tompo mandrakariva isika.
  1 Tesaloniana 4:16-17 famonjena fahafatesana lanitra
• Fa antomotra ny faran'ny zavatra rehetra; koa hendre ka mahonòna tena ho amin'ny fivavahana.
  1 Petera 4:7 fiverenana fitsaharana fivavahana
• Indro avy faingana Aho; ary eto amiko ny famaliako, mba hamaliako ny olona rehetra araka ny asany.
  Apokalypsy 22:12 fiverenana Jesosy valisoa
• Ary hotorina amin'izao tontolo izao ity filazantsaran'ny fanjakana ity ho vavolombelona amin'ny firenena rehetra, dia vao ho tonga ny farany.
  Matio 24:14 fitoriana ny filazantsara fanjakana izao tontolo izao
• Maro no hodiovina sy hofotsiana ary hozahan-toetra; fa ny ratsy fanahy kosa mbola hanao ratsy ihany, ary tsy hisy amin'ny ratsy fanahy hahafantatra, fa ny hendry no hahafantatra.
  Daniela 12:10 fanadiovana fahotana mahatakatra
• Ny Tompo tsy mahela ny teny fikasany, araka izay ataon'ny sasany ho fahelany; fa mahari-po aminareo Izy, ka tsy tiany hisy ho very, fa mba ho tonga amin'ny fibebahana izy rehetra.
  2 Petera 3:9 famonjena faharetana fiovam-po
• Fa izay maharitra hatramin'ny farany no hovonjena.
  Matio 24:13 faharetana famonjena
• Koa dia aza mba matory toy ny sasany isika, fa aoka hiambina ka hahonon-tena.
  1 Tesaloniana 5:6 filaminana fifehezan-tena
• Koa amin'izany miambena ianareo; fa tsy fantatrareo izay andro hihavian'ny Tomponareo.
  Matio 24:42 fiverenana faharetana
• Hoy Izay manambara ireo zavatra ireo: Eny, avy faingana Aho. Amena. Avia, Jesosy Tompo!
  Apokalypsy 22:20 Jesosy fiverenana
• Ny lanitra sy ny tany ho levona, fa ny teniko tsy mba ho levona.
  Matio 24:35 fitokisana Tenin'Andriamanitra lanitra
• Ary ho rakitra soa ho Ahy ireny amin'ny andro izay hotendreko, hoy Jehovah, Tompon'ny maro, ary ho antra azy Aho toy ny olona antra ny zananilahy izay manompo azy.
  Malakia 3:17 fanompoana valisoa famonjena
• Ary aoka isika hifampandinika hampandroso ny fitiavana sy ny asa tsara; aza mahafoy ny fiarahantsika miangona, tahaka ny fanaon'ny sasany, fa mifananara kosa, mainka satria hitanareo fa mihantomotra ny andro.
  Hebreo 10:24-25 fiverenana fiaraha-monina fankaherezana
• Ary ankehitriny, anaka, tomoera ao aminy, mba hananantsika fahasahiana, raha hiseho Izy, ka tsy ho menatra eo anatrehany amin'ny fihaviany.
  1 Jaona 2:28 fahatokisana fiverenana
• Ary amin'izany, raha misy manao aminareo hoe: Indro, any an-efitra Izy, aza mankany ianareo; Indro, ao amin'ny efi-trano Izy, aza mino. Fa tahaka ny helatra avy any atsinanana ka hita hatrany andrefana, dia ho tahaka izany ny fihavian'ny Zanak'olona.
  Matio 24:26-27 fiverenana Jesosy
• Nefa, ry malala, izao zavatra iray loha izao no aoka tsy hohadinoinareo: ny indray andro amin'ny Tompo dia toy ny arivo taona, ary ny arivo taona toy ny indray andro.
  2 Petera 3:8 Andriamanitra fiverenana faharetana