Andinin-teny ao amin'ny Baiboly momba ny Tenin'Andriamanitra

«»

• Fa velona sy mahery ny tenin'Andriamanitra ka maranitra noho ny sabatra roa lela, ka manindrona hatramin'ny fampisarahana ny aina sy ny fanahy ary ny tonona sy ny tsoka, ka mahay mamantatra ny eritreritra sy ny fisainan'ny fo.
  Hebreo 4:12tanjakaeritreritra
• Izay soratra rehetra nomen'ny tsindrimandrin'Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin'ny fahamarinana, mba ho tanteraka ny olon'Andriamanitra, ho vonona tsara ho amin'ny asa tsara rehetra.
  2 Timoty 3:16-17fiainanafitaovanafanompoana
• Fanilon'ny tongotro
  Sy fanazavana ny lalako ny teninao.
  Salamo 119:105fahazavana
• Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo.
  Jakoba 1:22fankatoavanamihaino
• Inona no hiarovan'ny zatovo ny lalan-kalehany tsy ho voaloto?
  Ny fitandremana araka ny teninao.
  Salamo 119:9fahamasinanafitaovana
• Fa Izy nanao hoe: Eny tokoa, kanefa mainka sambatra aza ny mihaino ny tenin'Andriamanitra ka mitandrina izany.
  Lioka 11:28fiainanamihaino
• Maina ny ahitra, malazo ny voniny;
  Fa ny tenin'Andriamanitsika dia haharitra mandrakizay.
  Isaia 40:8fitokisanaAndriamanitrahatsàra
• Raha ny amin'Andriamanitra, dia marina ny lalany;
  ny tenin'i Jehovah dia voazaha toetra amin'ny memy;
  Jehovah no ampingan'izay rehetra mialoka aminy.
  Salamo 18:30lafatrafiarovana
• Koa amin'izany na zovy na zovy no mandre izany teniko izany ka mankatò azy, dia hoharina amin'ny lehilahy manan-tsaina izy, izay nanorina ny tranony teo ambonin'ny vatolampy.
  Matio 7:24fahendresenamihainosaina
• Ny lanitra sy ny tany ho levona, fa ny teniko tsy mba ho levona.
  Matio 24:35fitokisanalanitra
• Ataovy ny zavatra rehetra amin'ny tsi-fimonomononana sy ny tsi-fisalasalana, mba ho tsy manan-tsiny sady tsy misy fitaka ianareo, dia zanak'Andriamanitra tsy manana adidy eo amin'ny firenena meloka sy maditra, izay isehoanareo tahaka ny fanazavana eo amin'izao tontolo izao, mitana ny tenin'ny fiainana.
  Filipiana 2:14-16afahamasinanafiainanalafatra
• Mahazava ny famoahana ny hevitry ny teninao
  Ka manome fahalalana ho an'ny kely saina.
  Salamo 119:130mahatakatrafahazavana
• Fa Izy kosa namaly ka nanao hoe: Voasoratra hoe: Tsy mofo ihany no hiveloman'ny olona, fa ny teny rehetra izay aloaky ny vavan'Andriamanitra.
  Matio 4:4haninamihainomofo
• Tamin'ny voalohany ny Teny, ary ny Teny tao amin'Andriamanitra, ary ny Teny dia Andriamanitra.
  Jaona 1:1Andriamanitra
• Fa mahitsy ny tenin'i Jehovah,
  ary ny asany rehetra dia mahatoky avokoa.
  Salamo 33:4fitokisanafahamarinana
• Izay mino Ahy, dia hisy onin'ny rano velona miboiboika avy ao an-kibony, araka ny voalazan'ny Soratra Masina.
  Jaona 7:38finoanafiainana
• Andriamanitra no iderako ny teniny;
  Andriamanitra no itokiako, ka tsy mba hatahotra aho;
  inona no hataon'ny nofo amiko?
  Salamo 56:4fahatokisanatahotrafiderana
• Fa tahaka ny zaza vao teraka dia maniria ny rononom-panahy tsy misy fitaka, mba hitomboanareo amin'izany ho amin'ny famonjena.
  1 Petera 2:2famonjenahaninafahaterahana indray
• Fa Jehovah no manome fahendrena;
  Avy amin'ny vavany no ihavian'ny fahalalana sy ny fahazavan-tsaina.
  Ohabolana 2:6fahendresena
• Dia hoy Jesosy tamin'ny Jiosy izay nino Azy: Raha maharitra amin'ny teniko ianareo, dia ho mpianatro tokoa; ka ho fantatrareo ny marina, ary ny marina hahafaka anareo tsy ho andevo.
  Jaona 8:31-32fahamarinanafanarahanampidoroka
• Fiereko sy ampingako Hianao;
  Ny teninao no andrasako.
  Salamo 119:114fanantenanafiarovana
• Koa ario ny fahalotoana sy ny lolompo rehetra, ary ekeo amin'ny fahalemem-panahy ny teny nambolena, izay mahavonjy ny fanahinareo.
  Jakoba 1:21famonjenafaharatsianafiovam-po
• Dia ho tahaka izany ny teniko izay aloaky ny vavako:
  Tsy hiverina amiko foana izy,
  raha tsy efa mahatanteraka izay sitrako
  ary ambinina amin'izay ampandehanako azy.
  Isaia 55:11lahatenyfitokisanamamoa
• Dia nampanetry tena anao Izy ka namela anao ho noana, dia nanome anao ny mana hohaninao, izay tsy fantatrao na ny razanao, hampahafantarany anao fa tsy mofo ihany no iveloman'ny olona; fa izay rehetra aloaky ny vavan'i Jehovah no iveloman'ny olona.
  Deotoronomia 8:3fijalianafiainanahanina
• Omenao ahy ny ampingan'ny famonjenao;
  ny tananao ankavanana no manohana ahy,
  ary ny fahamoram-panahinao no mahalehibe ahy.
  Halalahinao ny lalana hodiaviko,
  ka tsy mangovitra ny hato-tongotro.
  Salamo 18:35-36famonjenafiarovana