Tenin'Andriamanitra (2/3)

Dia nampanetry tena anao Izy ka namela anao ho noana, dia nanome… Deotoronomia 8:3

MG1865

Dia nampanetry tena anao Izy ka namela anao ho noana, dia nanome anao ny mana hohaninao, izay tsy fantatrao na ny razanao, hampahafantarany anao fa tsy mofo ihany no iveloman'ny olona; fa izay rehetra aloaky ny vavan'i Jehovah no iveloman'ny olona.
Deotoronomia 8:3 fijaliana fiainana hanina
Ny tenin'Andriamanitra dia voadio avokoa;
Ampinga ho an'izay mialoka aminy Izy.
Ohabolana 30:5 fahamarinana fiarovana
Ary ny Teny dia tonga nofo ka nonina tamintsika; ary hitanay ny voninahiny, dia voninahitra miendrika ho an'ny Lahitokana avy tamin'ny Ray, sady feno fahasoavana sy fahamarinana.
Jaona 1:14 fahamarinana Jesosy
Omenao ahy ny ampingan'ny famonjenao;
ny tananao ankavanana no manohana ahy,
ary ny fahamoram-panahinao no mahalehibe ahy.
Halalahinao ny lalana hodiaviko,
ka tsy mangovitra ny hato-tongotro.
Salamo 18:35-36 famonjena fiarovana
Izy koa no famirapiratan'ny voninahiny sy endriky ny tenany indrindra ary mihazona ny zavatra rehetra amin'ny herin'ny teniny; ary rehefa nanao fanadiovana hahafaka ny fahotana Izy, dia nipetraka teo amin'ny tanana ankavanan'ny Lehibe any amin'ny avo.
Hebreo 1:3 fahotana fanadiovana
Aoka ny tenin'i Kristy hitoetra betsaka ao aminareo amin'ny fahendrena rehetra, dia mifampianara ka mifananara amin'ny salamo sy ny fihirana ary ny tonon-kiram-panahy, mihira amin'ny fahasoavana ao am-ponareo ho an'Andriamanitra.
Kolosiana 3:16 mianatra fiankohofana fankasitrahana
Raha ny amin'Andriamanitra, dia marina ny lalany;
Ny tenin'i Jehovah dia voazaha toetra amin'ny memy;
Jehovah no ampingan'izay rehetra mialoka aminy.
2 Samoela 22:31 lafatra fiarovana
Ato am-poko no iraketako ny teninao,
Mba tsy hanotako aminao.
Salamo 119:11 fo fahotana
Fa hoy ny Soratra Masina: Tsy ho menatra izay rehetra mino Azy.
Romana 10:11 finoana fitokisana
Fahamarinana no tontalin-kevitry ny teninao;
Ary mandrakizay ny fitsipikao marina rehetra.
Salamo 119:160 fitokisana lalàna
Niandry an'i Jehovah aho; eny, niandry Azy ny fanahiko,
Ary ny teniny no nanantenako.
Salamo 130:5 fanantenana aina
Fa efa teraka indray ianareo, tsy tamin'ny voa mety ho lò, fa tamin'ny tsy mety ho lò, dia ny tenin'Andriamanitra, izay velona sady maharitra.
1 Petera 1:23 fahaterahana indray
Nandefa ny teniny Izy mba hahasitrana azy
Ary nanafaka azy tamin'ny longoa nianjerany.
Salamo 107:20 fahasitranana
Tsy misy tsiny ny lalàn'i Jehovah,
mamelombelona ny fanahy;
mahatoky ny teni-vavolombelon'i Jehovah,
mahahendry ny kely saina.
Salamo 19:7 lalàna aina fahendresena
Koa lazao aminy hoe: Izao no lazain'i Jehovah Tompo: Tsy hisy hajanona ela intsony ny teniko; fa ny teny izay lazaiko dia hotanterahiko, hoy Jehovah Tompo.
Ezekiela 12:28 fitokisana fankatoavana
Ary ilay nafafy teny amin'ny tsilo dia izay mandre ny teny ary ny fiahiahiana izao fiainana izao sy ny fitaky ny harena mangeja ny teny, ka dia tsy mamoa izy.
Matio 13:22 ahiahy vola fakam-panahy
Mahazoa fahendrena, mahazoa fahalalana;
Fa aza hadinoina na ihemorana ny teny aloaky ny vavako.
Ohabolana 4:5 fahendresena mahatakatra fankatoavana
Mahatoky Izay miantso anareo, sady Izy ihany no hanefa izany.
1 Tesaloniana 5:24 fiantsoana mahatoky fampanantenana
Anaka, mihainoa, ka raiso ny teniko;
Dia hihamaro ny taona hiainanao.
Ohabolana 4:10 fankatoavana lalàna fiainana
Efa madio rahateo ianareo noho ny teniko, izay nolazaiko taminareo.
Jaona 15:3 fanadiovana lahateny faharatsiana
Fa lazaiko aminareo marina tokoa: Mandra-pahafoan'ny lanitra sy ny tany, dia tsy hisy ho foana akory amin'ny lalàna, na dia litera iray na tendron-tsoratra iray aza, mandra-pahatanterak'izy rehetra.
Matio 5:18 fitokisana lalàna lanitra
Izy no nahariana ny zavatra rehetra; ary raha tsy Izy dia tsy nisy nahariana izao zavatra ary izao, na dia iray aza.
Jaona 1:3 famoroana izao tontolo izao fiainana
Dia namaly azy Jesosy ka nanao hoe: Tsy Ahy ny fampianarako, fa an'izay naniraka Ahy.
Jaona 7:16 Jesosy mianatra
Ary raiso ny famonjena ho fiarovan-doha sy ny tenin'Andriamanitra ho sabatry ny Fanahy.
Efesiana 6:17 famonjena Fanahy
Fa izay rehetra voasoratra fahiny dia nosoratana ho fianarantsika hananantsika ny fanantenana amin'ny faharetana sy ny fiononana avy amin'ny Soratra Masina.
Romana 15:4 fankaherezana fanantenana