Amavesi EBhayibheli ngeZwi likaNkulunkulu

«»

• Yonke imibhalo iphefumulelwe nguNkulunkulu ilungele ukufundisa, nokusola, nokuqondisa, nokuyala ekulungeni, ukuze umuntu kaNkulunkulu aphelele, apheleliselwe yonke imisebenzi emihle.
  2 kuThimothewu 3:16-17 ukuphila izisetshenziswa ukukhonza
• Ngokuba izwi likaNkulunkulu liphilile, linamandla, libukhali kunezinkemba zonke ezisika nhlangothi zombili, lihlaba kuze kwahlukaniswe umphefumulo nomoya, amalungu nomnkantsha, lahlulela imicabango nezizindlo zenhliziyo.
  KumaHeberu 4:12 amandla imicabango
• Izwi lakho liyisibani ezinyaweni zami
  nokukhanya endleleni yami.
  AmaHubo 119:105 inkazimulo
• Yibani ngabalenzayo izwi, ningabi ngabalizwayo kuphela, nizikhohlisa.
  EkaJakobe 1:22 ukulalela umthetho ukulalela
• Insizwa iyakuyihlanza kanjani indlela yayo na?
  Ngokuqaphela okwezwi lakho.
  AmaHubo 119:9 ubungcwele izisetshenziswa
• Kepha yena wathi: “Yebo, kodwa kakhulu babusisiwe abalizwa izwi likaNkulunkulu, balilondoloze.”
  NgokukaLuka 11:28 ukuphila ukulalela
• Utshani buyabuna,
  imbali iyavuthuluka,
  kepha izwi likaNkulunkulu wethu
  limi kuze kube phakade.
  U-Isaya 40:8 thembekile UNkulunkulu ubuhle
• Indlela kaNkulunkulu iphelele;
  izwi likaJehova lihlanzekile;
  yena uyisihlangu kubo bonke abaphephela kuye.
  AmaHubo 18:30 ongenasici ukuvikela
• Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.
  NgokukaMathewu 7:24 inhlakanipho ukulalela ingqondo
• Kuyakudlula izulu nomhlaba, kepha amazwi ami awasoze adlula.
  NgokukaMathewu 24:35 thembekile izulu ukuphela kwesikhathi
• Yenzani konke ngokungakhononi nokungangabazi, ukuze nibe ngabangasolekiyo nabangenacala, abantwana bakaNkulunkulu abangenasici phakathi kwesizukulwane esiyisigwegwe nesiphambeneyo, enikhanya phakathi kwaso njengezinkanyiso ezweni, nibambelele ezwini lokuphila.
  KwabaseFilipi 2:14-16a ubungcwele ukuphila ongenasici
• Ukwambulwa kwamazwi akho kuyakhanyisa,
  yebo, kuyabaqondisa abangenalwazi.
  AmaHubo 119:130 ukuqonda inkazimulo
• Kepha waphendula wathi: “Kulotshiwe ukuthi: ‘Akusinkwa sodwa umuntu ayakuphila ngaso kodwa ngamazwi onke aphuma emlonyeni kaNkulunkulu.’ ”
  NgokukaMathewu 4:4 ukudla ukulalela isinkwa
• Ekuqaleni wayekhona uLizwi, uLizwi wayekuNkulunkulu, uLizwi wayenguNkulunkulu.
  NgokukaJohane 1:1 UNkulunkulu
• Ngokuba izwi likaJehova lilungile;
  zonke izenzo zakhe ziyakholeka.
  AmaHubo 33:4 thembekile iqiniso
• Okholwa yimi, njengokusho kombhalo, esiswini sakhe kuyakugobhoza imifula yamanzi aphilayo.
  NgokukaJohane 7:38 inkolo ukuphila
• Njengezingane ezisand' ukuzalwa langazelelani ubisi olungokomoya olungenakonakala, ukuze nikhule ngalo kube ngukusindiswa.
  1 kaPetru 2:2 insindiso ukudla ukuzalwa kabusha
• KuNkulunkulu ngiyakudumisa izwi lakhe;
  ngithemba uNkulunkulu, angiyikwesaba;
  inyama ingangenzani na?
  AmaHubo 56:4 ukwethemba uvalo indumiso
• Ngokuba uJehova uyanika ukuhlakanipha;
  emlonyeni wakhe kuphuma ukwazi nokuqonda.
  IzAga 2:6 inhlakanipho
• Khona uJesu wathi kubaJuda abase bekholiwe nguye: “Uma nimi ezwini lami, ningabafundi bami isibili; niyakulazi iqiniso, neqiniso liyakunikhulula.”
  NgokukaJohane 8:31-32 iqiniso ukulandela umlutha
• Wena uyisiphephelo sami nesihlangu sami;
  ngiyethemba izwi lakho.
  AmaHubo 119:114 ngiyethemba ukuvikela
• Liyakuba njalo izwi lami
  eliphuma emlonyeni wami:
  aliyikubuyela ze kimi,
  lingakafezi lokhu engikufunayo,
  liphumelele kulokhu engilithumele kukho.
  U-Isaya 55:11 ukukhuluma thembekile ukuthela
• Ngakho lahlani yonke insila nokubi okuvamileyo, namukele ngomoya omnene izwi elitshaliweyo elinamandla okusindisa imiphefumulo yenu.
  EkaJakobe 1:21 insindiso okubi ukuguqulwa
• Uma nihlala kimi, namazwi ami ehlala kini, niyakucela enikuthandayo, nikwenzelwe.
  NgokukaJohane 15:7 umvuzo UJesu
• Ndodana yami, lalela amazwi ami,
  ubeke indlebe yakho kukho ukukhuluma kwami.
  Makungachezuki emehlweni akho,
  ukugcine phakathi kwenhliziyo yakho.
  IzAga 4:20-21 ukulalela inhliziyo ukulalela umthetho