Amavesi EBhayibheli ngengqondo

«»

• Nakani okwaphezulu, ninganaki okusemhlabeni.
  KwabaseKolose 3:2 izulu umhlaba
• Ngakho-ke bhekisisani ukuthi nihamba kanjani, kungabi njengabangahlakaniphile kepha njengabahlakaniphileyo, nithengisise isikhathi, ngokuba izinsuku zimbi.
  Kwabase-Efesu 5:15-16 inhlakanipho ukuphila
• UJesu wathi kuye: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho.”
  NgokukaMathewu 22:37 inhliziyo umphefumulo
• Ozuza ukuqonda uthanda umphefumulo wakhe;
  ogcina ingqondo uyakufumana okuhle.
  IzAga 19:8 inhlakanipho ukuphila
• Ngokuba ekuhlakanipheni okuningi kukhona ukukhathazeka okuningi; owandisa ukwazi wandisa usizi.
  UmShumayeli 1:18 inhlakanipho ukudabuka ukukhathazeka
• Oqondileyo uyabona ububi, acashe,
  kepha abangenalwazi badlula nje, bahlupheke ngakho.
  IzAga 27:12 ukuphepha ukuvikela isijeziso
• Ubusisiwe umuntu othola ukuhlakanipha
  nomuntu ozuza ingqondo.
  IzAga 3:13 inhlakanipho ukuqonda
• Insimbi ilola insimbi,
  nomuntu ubuso bomunye.
  IzAga 27:17 ubungani ubudlelwano
• Ngubani ohlakaniphileyo nowaziyo phakathi kwenu na? Makakhombise ngenkambo enhle imisebenzi yakhe ngobumnene bokuhlakanipha.
  EkaJakobe 3:13 ukuthobeka inhlakanipho ukuphila
• Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.
  NgokukaMathewu 7:24 IZwi likaNkulunkulu inhlakanipho ukulalela
• Nesiwula lapho sithule kuthiwa isihlakaniphi;
  ovala umlomo wakhe ungoqondileyo.
  IzAga 17:28 ukukhuluma inhlakanipho
• Ngokuba ngomusa engiwuphiweyo ngisho kulowo nalowo phakathi kwenu ukuthi angacabangi athi mkhulu kunalokho afanele ukukucabanga, kodwa acabange kube ngokuqonda, njengalokho uNkulunkulu abele lowo nalowo isilinganiso sokukholwa.
  KwabaseRoma 12:3 umusa inkolo imicabango
• Ngokuba okungabonwayo kwakhe, kuthi amandla akhe aphakade nobuNkulunkulu bakhe kubonakala kwasekudalweni kwezwe, ngokuba kuqondakala ngezenzo zakhe, ukuze bangabi nakuzilandulela.
  KwabaseRoma 1:20 indalo amandla umhlaba
• Ngokuba nganquma ukuthi angiyikwazi okunye phakathi kwenu, kuphela uJesu Kristu, lowo obethelwe esiphambanweni.
  1 kwabaseKorinte 2:2 ukuvangela UJesu ukubethelwa
• Isiwula siyadelela ukulaya kukayise,
  kepha onaka ukusolwa uyathola ukuqonda.
  IzAga 15:5 UBaba inhlakanipho izingane
• Futhi ukuyithanda yona ngenhliziyo yonke, nangengqondo yonke, nangamandla onke, nokuthanda umakhelwane njengalokhu umuntu ezithanda yena kudlula yonke iminikelo yokushiswa nemihlatshelo.
  NgokukaMarku 12:33 inhliziyo amandla uthando