Amavesi EBhayibheli ngenhlakanipho

«»

• Ngokuba uJehova uyanika ukuhlakanipha;
  emlonyeni wakhe kuphuma ukwazi nokuqonda.
  IzAga 2:6IZwi likaNkulunkulu
• Ngakho-ke bhekisisani ukuthi nihamba kanjani, kungabi njengabangahlakaniphile kepha njengabahlakaniphileyo, nithengisise isikhathi, ngokuba izinsuku zimbi.
  Kwabase-Efesu 5:15-16ukuphilaingqondo
• Uma-ke kukhona kini oswela ukuhlakanipha, makacele kuNkulunkulu obapha bonke ngobuhle engajakadi, khona uyakuphiwa.
  EkaJakobe 1:5ukwamukelaisisa
• Kepha ukuhlakanipha okwaphezulu okokuqala kumhlophe, andukuba kube nokuthula, nokuva, nokulalela, kugcwele isihawu nezithelo ezinhle; akunakungabaza, akunakuzenzisa.
  EkaJakobe 3:17thembekaukuthula
• Kungcono kangakanani ukuzuza ukuhlakanipha kunegolide;
  yebo, ukuzuza ukuqonda nga kukhethwa kunesiliva.
  IzAga 16:16imaliukuthanda izinto ezibambekayo
• Ungasho ukuthi:
  “Kwenziwa kanjani ukuba izinsuku zokuqala
  zazizinhle kunalezi na?”
  Ngokuba awubuzi kanjalo ngokuhlakanipha.
  UmShumayeli 7:10ukuphila
• Hambani ngokuhlakanipha kubo abangaphandle, nithengisise isikhathi. Ukukhuluma kwenu makube nomusa njalo, kuyolisiwe ngosawoti, ukuze nazi enifanele ukubaphendula ngakho bonke abantu.
  KwabaseKolose 4:5-6ubumneneukukhuluma
• Ngokuziqhenya kuvela ukuxabana kuphela,
  kepha kwabalulekwayo kukhona ukuhlakanipha.
  IzAga 13:10intukuthelo
• Ozuza ukuqonda uthanda umphefumulo wakhe;
  ogcina ingqondo uyakufumana okuhle.
  IzAga 19:8ukuphilaingqondo
• Makungabikho ozikhohlisayo; uma umuntu phakathi kwenu ethi uhlakaniphile kulesi sikhathi, akabe yisiwula, ukuze ahlakaniphe.
  1 kwabaseKorinte 3:18umhlabaubugovuimicabango
• Olinda umlomo wakhe ugcina ukuphila kwakhe;
  okhamisa izindebe zakhe uyakuba nencithakalo.
  IzAga 13:3ukukhulumaukuphila
• Ngubani ohlakaniphileyo nowaziyo phakathi kwenu na? Makakhombise ngenkambo enhle imisebenzi yakhe ngobumnene bokuhlakanipha.
  EkaJakobe 3:13ukuthobekaukuphilaingqondo
• Sifundise, Nkosi, ukubala izinsuku zethu,
  sizuze inhliziyo enokuhlakanipha.
  AmaHubo 90:12ukuhlelainhliziyo
• Ngalokho yilowo nalowo owezwa lawa mazwi ami, awenze, uyakufaniswa nendoda ehlakaniphileyo eyakha indlu yayo phezu kwedwala.
  NgokukaMathewu 7:24IZwi likaNkulunkuluukulalelaingqondo
• Ukumesaba uJehova kungukulaywa kokuhlakanipha;
  ukuthobeka kuyandulela udumo.
  IzAga 15:33ukuthobekamangala
• Lapho kufika ukuziqhenya,
  kufika nehlazo;
  kepha kwabathobekileyo kukhona ukuhlakanipha.
  IzAga 11:2ukuthobekaukuziqhenya
• Ngokuba ongifumanayo,
  ufumana ukuphila,
  azuze umusa kuJehova.
  IzAga 8:35ukuphila okungunaphakadeUNkulunkulu
• “Ngokuba imicabango yami
  ayisiyo imicabango yenu,
  nezindlela zenu
  azisizo izindlela zami,” usho uJehova.
  U-Isaya 55:8UNkulunkuluukuhlelaimicabango
• Isiwula asithokozi ngokuqonda,
  kuphela ngokuveza okusenhliziyweni yakhe.
  IzAga 18:2ukukhulumaubugovu
• Ukuze uNkulunkulu weNkosi yethu uJesu Kristu, uYise wenkazimulo, aniphe umoya wokuhlakanipha nokwambulelwa ekumazini yena.
  Kwabase-Efesu 1:17UMoyaukuqonda
• Ukuqala kokuhlakanipha yilokhu:
  Zuza ukuhlakanipha;
  yebo, ngakho konke okutholileyo zuza ukuhlakanipha.
  IzAga 4:7ukuqonda
• Ohlakaniphile ngenhliziyo uyakwamukela imiyalo,
  kepha isiwula esiphoshozayo siyakuwiswa.
  IzAga 10:8umthethoinhliziyo
• Nalokho kuvela kuJehova Sebawoti
  oyisimangaliso ekululekeni
  nomkhulu emaswini.
  U-Isaya 28:29UNkulunkuluukuhlela
• Ngiyakubonga, ngikudumise wena Nkulunkulu wawobaba
  ongiphile ukuhlakanipha namandla,
  wangazisa esasikucela kuwe,
  ngokuba usazisile indaba yenkosi.
  UDaniyeli 2:23khulekelaumkhulekoindumiso
• Awazi yini? Awuzwanga na?
  UJehova unguNkulunkulu ongunaphakade;
  udalile imikhawulo yomhlaba;
  akapheli amandla, akakhathali,
  nokuqonda kwakhe akunakuphenywa.
  U-Isaya 40:28indaloukuqonda