Amavesi EBhayibheli ngemali

«»

• Ukwenza kwenu makungabi ngokokufisa imali; yaneliswani ngeninakho; ngokuba yena ushilo wathi: “Angisoze ngakuyeka, angisoze ngakushiya,”
  KumaHeberu 13:5 ukwethemba ukuthanda izinto ezibambekayo isikweletu
• Imfuyo etholakala kalula iyancipha,
  kepha obutha kancane kancane uyandiselwa.
  IzAga 13:11 ukwemana umsebenzi isikweletu
• Kepha abafuna ukuceba bayela ekulingweni, nasesihibeni, nasezinkanukweni eziningi zobuwula ezilimazayo, ezishonisa abantu ekufeni nasekubhujisweni.
  1 kuThimothewu 6:9 ukwemana ukuthanda izinto ezibambekayo
• Isibusiso sikaJehova siyacebisa;
  akenezeli usizi kuso.
  IzAga 10:22 isibusiso ukuncika umsebenzi
• Ungakhandlekeli ukuceba;
  kuyeke ngokuqonda kwakho.
  IzAga 23:4 ukwemana ukuhlela
• Othanda imali akayikusutha ngemali,
  nothanda okuningi akaneliswa yizithelo;
  nalokho kuyize.
  UmShumayeli 5:10 ukwemana ukuthanda izinto ezibambekayo
• Dumisa uJehova ngempahla yakho,
  nangolibo lwazo zonke izithelo zakho.
  IzAga 3:9 umhlatshelo ukupha isivuno
• Okuncane kanye nokumesaba uJehova kungcono
  kunengcebo eningi kanye nokukhathazeka.
  IzAga 15:16 mangala ukuthanda izinto ezibambekayo
• Ngokuba lapho kukhona ingcebo yakho, nenhliziyo yakho iyakuba khona lapho.
  NgokukaMathewu 6:21 ukuthanda izinto ezibambekayo inhliziyo izifiso
• Wayesethi kubo: “Bhekani, nixwaye ukuhaha konke, ngokuba ukuphila komuntu akumi ngobuningi bempahla yakhe.”
  NgokukaLuka 12:15 ukwemana ukuthanda izinto ezibambekayo ukwaneliseka
• Nikani bonke okubafaneleyo: intela kofanele intela, inkokhiso kofanele inkokhiso, ukwesaba kofanele ukwesatshwa, udumo kofanele udumo.
  KwabaseRoma 13:7 thembeka mangala isikweletu
• Kungcono kangakanani ukuzuza ukuhlakanipha kunegolide;
  yebo, ukuzuza ukuqonda nga kukhethwa kunesiliva.
  IzAga 16:16 ukuthanda izinto ezibambekayo inhlakanipho
• Ngokuba ngingubani mina, nabantu bami, bayini ukuba sibe namandla okunikela ngenhliziyo engaka na? Ngokuba konke kuvela kuwe, nokuvela esandleni sakho lokhu sikunike wena.
  1 iziKronike 29:14 ukupha ukuncika
• Yala abacebileyo kuleli zwe lamanje ngokuthi bangakhukhumali, bangathembeli engcebeni engemiyo, kepha mabathembele kuNkulunkulu osicebisa ngakho konke, sithokoze ngakho.
  1 kuThimothewu 6:17 injabulo ukuthanda izinto ezibambekayo ukuziqhenya
• Ngokuba ukuthanda imali kuyimpande yakho konke okubi; abanye ngokuyifisa badukelwa ukukholwa, bazigwaza ngeminjunju eminingi.
  1 kuThimothewu 6:10 okubi ukwemana izifiso
• Inkosi yakhe yathi kuye: ‘Kuhle, nceku enhle nethembekileyo, uthembekile ezintweni eziyingcosana; ngizakukubeka phezu kokuningi; ngena ekuthokozeni kwenkosi yakho.’
  NgokukaMathewu 25:21 thembekile umvuzo isibusiso
• Dedisela kude nami okuyize namanga,
  unganginiki ubumpofu nengcebo,
  kepha ngiphe isinkwa engisimiselweyo.
  IzAga 30:8 ukuthanda izinto ezibambekayo ukudla thembekile
• Ukuthandwa komuntu kubangwa ngumusa wakhe;
  ompofu ungcono kunomuntu wamanga.
  IzAga 19:22 thembekile okuhle ukuhlupheka
• Okuncane anakho olungileyo kungcono
  kunemfuyo yababi abaningi.
  Ngokuba izingalo zababi ziyakwaphulwa,
  kepha uJehova uyabaphasa abalungileyo.
  AmaHubo 37:16-17 isibi ukulunga
• Ngokuba uJehova uNkulunkulu wakho uyakukubusisa njengokukwethembisa kwakhe, utsheleke izizwe eziningi, kepha ungatsheleki lutho kuzo; uyakubusa izizwe eziningi, kepha zona aziyikukubusa wena.
  UDuteronomi 15:6 isikweletu isibusiso
• Igama elihle likhethekile kunengcebo enkulu,
  nomusa kunesiliva negolide.
  IzAga 22:1 ukuthanda izinto ezibambekayo ubudlelwano
• Amehlo akho ayandizela kulokho,
  kepha akusekho,
  ngokuba kuyazenzela impela amaphiko
  njengokhozi olundizela ezulwini.
  IzAga 23:5 izifiso ukuthanda izinto ezibambekayo
• Ngokuba ngenxa yalokho nikhipha intela; ngokuba bayizikhonzi zikaNkulunkulu ezikhuthalela khona lokho.
  KwabaseRoma 13:6 thembeka ukwemana
• Futhi bonke abantu uNkulunkulu abaphe ingcebo nemfuyo, abanike futhi namandla okudla kukho ukuba bathathe izabelo zabo, bathokoze ngomshikashika wabo lokho kuyisipho sikaNkulunkulu.
  UmShumayeli 5:19 ukudla umsebenzi ukwamukela
• Ngokuba ngumuphi kini othi efuna ukwakha umbhoshongo, angaqali ahlale phansi, abale izindleko ukuthi unakho okokuwuqeda na?
  NgokukaLuka 14:28 isikweletu ukuhlela