Amavesi EBhayibheli ngokwemana

«»

• Othanda imali akayikusutha ngemali,
  nothanda okuningi akaneliswa yizithelo;
  nalokho kuyize.
  UmShumayeli 5:10imaliukuthanda izinto ezibambekayo
• Kepha abafuna ukuceba bayela ekulingweni, nasesihibeni, nasezinkanukweni eziningi zobuwula ezilimazayo, ezishonisa abantu ekufeni nasekubhujisweni.
  1 kuThimothewu 6:9imaliukuthanda izinto ezibambekayo
• Wayesethi kubo: “Bhekani, nixwaye ukuhaha konke, ngokuba ukuphila komuntu akumi ngobuningi bempahla yakhe.”
  NgokukaLuka 12:15imaliukuthanda izinto ezibambekayoukwaneliseka
• Ngokuba ukuthanda imali kuyimpande yakho konke okubi; abanye ngokuyifisa badukelwa ukukholwa, bazigwaza ngeminjunju eminingi.
  1 kuThimothewu 6:10imaliokubiizifiso
• Ngokuba kuyakumsizani umuntu ukuzuza izwe lonke, alahlekelwe ngukuphila kwakhe, na?
  NgokukaMarku 8:36ukuthanda izinto ezibambekayoukuphilaumhlaba
• Ningazibekeleli ingcebo emhlabeni, lapho kona inundu nokugqwala, nalapho amasela efohla khona, ebe. Kepha zibekeleleni ingcebo ezulwini, lapho kungoni inundu nokugqwala, nalapho amasela engafohli khona, ebe.
  NgokukaMathewu 6:19-20ukuthanda izinto ezibambekayoizulu
• Imfuyo etholakala kalula iyancipha,
  kepha obutha kancane kancane uyandiselwa.
  IzAga 13:11imaliumsebenziisikweletu
• Kuyafiswa nokufiswa usuku lonke,
  kepha olungileyo uyaphana engancishi.
  IzAga 21:26ukuphaukuthanda izinto ezibambekayoizifiso
• Njengalokho aphuma esizalweni sikanina,
  uyakubuye amuke,
  ahambe ze njengasekufikeni kwakhe,
  engatholi lutho ngomshikashika wakhe,
  ahambe nalo esandleni sakhe.
  UmShumayeli 5:15ukuthanda izinto ezibambekayoizulu
• Ungakhandlekeli ukuceba;
  kuyeke ngokuqonda kwakho.
  IzAga 23:4imaliukuhlela
• Akakho ongakhonza amakhosi amabili. Ngokuba uyakuzonda enye, athande enye, noma abambelele kwenye, adelele enye. Ningekhonze uNkulunkulu noMamona.
  NgokukaMathewu 6:24ukukhonzaimaliisikweletu
• Thobisela inhliziyo yami ebufakazini bakho,
  kungabi sekuhaheni.
  AmaHubo 119:36umthethoinhliziyoubugovu
• Ngakho-ke bulalani amalungu enu asemhlabeni, ubufebe, nokungcola, nokuhuheka, nokukhanuka, nesangabe, okungukukhonza izithombe.
  KwabaseKolose 3:5isibiizifisoukuthanda izinto ezibambekayo
• Kepha kanazi yini ukuthi abangalungile abayikulidla ifa lombuso kaNkulunkulu na? Ningadukiswa. Nazifebe, nabakhonza isithombe, naziphingi, nazihlobongi, nabesilisa abalalanayo, namasela, nabahahayo, nazidakwa, nazithuki, nabaphangi abayikulidla ifa lombuso kaNkulunkulu.
  1 kwabaseKorinte 6:9-10isibiinsindisoumbuso
• Kepha ubufebe, nakho konke ukungcola, noma isangabe, makungaphathwa nangegama phakathi kwenu, njengokuba kufanele abangcwele.
  Kwabase-Efesu 5:3isibiubungcweleucansi
• Ngokuba ngenxa yalokho nikhipha intela; ngokuba bayizikhonzi zikaNkulunkulu ezikhuthalela khona lokho.
  KwabaseRoma 13:6thembekaimali
• Ungafisi indlu yomakhelwane wakho; ungafisi umfazi womakhelwane wakho, nenceku yakhe, nencekukazi yakhe, nenkabi yakhe, nembongolo yakhe, nokunye okomakhelwane wakho.
  U-Eksodusi 20:17ukuthanda izinto ezibambekayoumthethoumakhelwane