Amavesi EBhayibheli ngothando

«»

• Uthando luyabekezela, uthando lumnene, alunamhawu, uthando aluzigabisi, aluzikhukhumezi; aluziphathi ngokungafanele, aluzifuneli okwalo, alucunuki, alunagqubu.
  1 kwabaseKorinte 13:4-5ukubekezelaintukutheloubugovu
• Konke enikwenzayo akwenziwe ngothando.
  1 kwabaseKorinte 16:14umsebenzi
• Ngizwise umusa wakho ekuseni,
  ngokuba ngiyethemba kuwe;
  ngazise indlela engifanele ukuhamba ngayo,
  ngokuba ngiphakamisela kuwe umphefumulo wami.
  AmaHubo 143:8ukwethembaukuhlela
• Kepha phezu kwakho konke lokho yembathani uthando oluyisibopho sokuphelela.
  KwabaseKolose 3:14umphakathiongenasici
• Isihhe neqiniso makungakushiyi;
  kubophe entanyeni yakho,
  ukulobe esibhebheni senhliziyo yakho,
  ukuze uthole umusa nodumo oluhle emehlweni kaNkulunkulu nabantu.
  IzAga 3:3-4umvuzoinhliziyokuyigugu
• Thina siyalwazi, sikholwa yilo lolu thando uNkulunkulu analo kithina. UNkulunkulu uluthando, nohlala othandweni uhlala kuNkulunkulu, noNkulunkulu uhlala kuye.
  1 kaJohane 4:16ukwethembaUNkulunkulu
• Manje-ke kumi ukukholwa, nokwethemba, nothando, lokho kokuthathu; kepha okukhulu kulokho luthando.
  1 kwabaseKorinte 13:13inkolongiyethemba
• Thina siyathanda, ngokuba yena wasithanda kuqala.
  1 kaJohane 4:19UNkulunkulu
• Ngokuthobeka konke nobumnene, ngokubheka kade nokubekezelelana ngothando.
  Kwabase-Efesu 4:2ukuthobekaukubekezela
• Kunakho konke yibani nokuthandana okunganqamukiyo, ngokuba uthando lusibekela inqwaba yezono.
  1 kaPetru 4:8isibiumakhelwane
• Uthando malungabi nakuzenzisa; nenyanye okubi, nibambelele kokuhle.
  KwabaseRoma 12:9okubiokuhle
• Ukuba ngokwengcebo yenkazimulo yakhe aninike ukuqiniseka emandleni ngoMoya wakhe kumuntu ongaphakathi; uKristu ahlale ezinhliziyweni zenu ngokukholwa, ukuze nigxile, nisekelwe othandweni.
  Kwabase-Efesu 3:16-17inkoloUMoya
• Yilo umyalo wami wokuba nithandane, njengalokho nginithandile.
  NgokukaJohane 15:12umthethoUJesu
• Noma nginokuprofetha, ngiqonda izimfihlakalo zonke nokwazi konke, noma nginokukholwa konke ngangokuba ngingagudluza izintaba, kepha ngingenalo uthando, angiyinto yalutho.
  1 kwabaseKorinte 13:2inkoloisiprofetho
• Owesifazane angakhohlwa umntwana wakhe oncelayo
  ukuba angabi namusa kuyo indodana yesizalo sakhe na?
  Yebo, bona bangakhohlwa,
  kodwa mina anginakukukhohlwa wena.
  Bheka, ezandleni zami ngikubhalile,
  izingange zakho ziphambi kwami njalo.
  U-Isaya 49:15-16umndeniizinganeububele
• Kepha iNkosi mayiqondise izinhliziyo zenu othandweni lukaNkulunkulu nasekubekezeleni kukaKristu.
  2 kwabaseThesalonika 3:5izinguqukoukulandelaukwethembeka
• Thandanani ngenhliziyo ngothando lobuzalwane; ekwazisaneni nandulelane.
  KwabaseRoma 12:10umakhelwane
• Madoda, thandani omkenu, njengalokho noKristu ulithandile ibandla, wazinikela ngenxa yalo ukuba alingcwelise, alihlambulule ngesigezo samanzi ngezwi.
  Kwabase-Efesu 5:25-26ukuhlanzwaubudlelwanoumshado
• UNkulunkulu akazange abonwe muntu; uma sithandana, uNkulunkulu uhlala kithi, nothando lwakhe luphelele kithi.
  1 kaJohane 4:12UNkulunkuluumakhelwane
• Uma umuntu esho ukuthi: “Ngiyamthanda uNkulunkulu,” kepha ezonda umzalwane wakhe, ungumqambimanga; ngokuba ongathandi umzalwane wakhe ambonileyo angemthande uNkulunkulu angambonanga.
  1 kaJohane 4:20UNkulunkuluumndeni
• Akakho onothando olukhulu kunalolo lokuba adele ukuphila kwakhe ngenxa yabahlobo bakhe.
  NgokukaJohane 15:13umhlatsheloubungani
• Ngifake njengophawu enhliziyweni yakho,
  njengophawu engalweni yakho,
  ngokuba uthando lunamandla njengokufa;
  isikhwele silukhuni njengendawo yabafileyo;
  amalangabi alo angamalangabi omlilo,
  ilangabi likaJehova.
  IsiHlabelelo seziHlabelelo 8:6inhliziyoukufa
• Akukho ukwesaba othandweni, kepha uthando olupheleleyo luyaxosha ukwesaba, ngokuba ukwesaba kunesijeziso, nowesabayo akaphelele othandweni.
  1 kaJohane 4:18uvaloisijeziso
• Kepha kunjengokuba kulotshiwe ukuthi:
  “Lokho iso elingakubonanga,
  nendlebe engakuzwanga,
  okungavelanga enhliziyweni yamuntu,
  uNkulunkulu akulungisela abamthandayo.”
  1 kwabaseKorinte 2:9umvuzo
• Ngenxa yokuba ubuyigugu emehlweni ami,
  futhi ubudumile, uthandekile kimi,
  ngiyakunika abantu esikhundleni sakho,
  nezizwe esikhundleni sokuphila kwakho.
  U-Isaya 43:4insindisoisikhuthazokuyigugu