Uthando (2/5)

Ningabi nacala lani nakubani, kuphela elokuthandana; ngokuba othanda omunye uwugcwalisile umthetho. KwabaseRoma 13:8

ZUL59

Ningabi nacala lani nakubani, kuphela elokuthandana; ngokuba othanda omunye uwugcwalisile umthetho.
KwabaseRoma 13:8 umthetho isikweletu
INkosi ininike ukwanda nokuchichima othandweni, omumye komunye nakubo bonke, njengokuba sinjalo kinina.
1 kwabaseThesalonika 3:12 umakhelwane ubudlelwano
Bhekani uthando olungaka asinike lona uBaba lokuba sithiwe singabantwana bakaNkulunkulu; futhi siyibo. Ngalokho izwe alisazi, ngokuba alimazanga yena.
1 kaJohane 3:1 UBaba izingane umhlaba
Ongathandiyo akamazi uNkulunkulu, ngokuba uNkulunkulu uluthando.
1 kaJohane 4:8 UNkulunkulu
Inzondo iyabanga ukuxabana,
kepha uthando luyasibekela iziphambeko zonke.
IzAga 10:12 intukuthelo okubi
Olandela ukulunga nomusa
uyafumana ukuphila, nokulunga, nodumo.
IzAga 21:21 ukulunga ukuphila
Ngumusa kaJehova ukuthi asiqediwe,
ngokuba ububele bakhe abupheli.
Busha ekuseni njalo;
ukuthembeka kwakho kukhulu.
IsiLilo 3:22-23 thembekile ububele ukwethembeka
Ngiyakholwa ukuthi nakufa, nakuphila, nazingelosi, nababusi, nakho okukhona, nakho okuzayo, namandla, nakuphakama, nakujula, nanto enye edaliweyo akuyikuba namandla okusahlukanisa nothando lukaNkulunkulu olukuKristu Jesu iNkosi yethu.
KwabaseRoma 8:38-39 umlamuli ukufa izingelosi
Aluthokozi ngokungalungile, kepha luthokozela iqiniso; lubekezelela izinto zonke, lukholwa yizinto zonke, luthemba izinto zonke, lukhuthazelela izinto zonke.
1 kwabaseKorinte 13:6-7 iqiniso okubi ukuvikela
Woyithanda iNkosi, uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho, nangawo onke amandla akho.
NgokukaMarku 12:30 UNkulunkulu amandla
Makwandiswe kini umusa nokuthula nothando.
EkaJuda 1:2 isibusiso ukuthula
Owesibili yilo: ‘Womthanda umakhelwame wakho njengalokhu uzithanda wena.’ Awukho omunye umyalo omkhulu kunale.
NgokukaMarku 12:31 umthetho umakhelwane ubugovu
Akungabikho ozifunela okwakhe, kodwa akube yilowo nalowo afunele omunye.
1 kwabaseKorinte 10:24 ubugovu umakhelwane
Ngiyamthanda uJehova,
ngokuba uyezwa izwi lokukhuleka kwami.
Ngokuba ubekile indlebe kimi
ngiyakukhuleka kuye zonke izinsuku zami.
AmaHubo 116:1-2 khulekela ukulalela
Kodwa sithi sikhuluma iqiniso ngothando, sikhulele ngakho konke kuye oyinhloko, uKristu.
Kwabase-Efesu 4:15 iqiniso UJesu isonto
Noma ngikhuluma ngezilimi zabantu nezezingelosi, kepha ngingenalo uthando, ngiyithusi elikhencezayo nensimbi encencethayo.
1 kwabaseKorinte 13:1 ukukhuluma izingelosi
Kepha izithelo zikaMoya ziluthando, nokujabula, nokuthula, nokubekezela, nobubele, nobuvi, nokukholeka, nobumnene, nokuzithiba. Akukho mthetho omelana nokunjalo.
KwabaseGalathiya 5:22-23 umthetho UMoya isibusiso
Uthando alwenzi okubi kumakhelwane; ngakho-ke uthando lungukugcwaliseka komthetho.
KwabaseRoma 13:10 umthetho umakhelwane
Ngokuba uNkulunkulu akasiphanga umoya wobugwala, kepha owamandla, nowothando, nowokuzikhuza.
2 kuThimothewu 1:7 ukuzithiba amandla UMoya
Kepha mina ngithi kini: Thandani izitha zenu, nibabusise abaniqalekisayo, nibaphathe kahle abanizondayo, nibakhulekele abanizingelayo.
NgokukaMathewu 5:44 umkhuleko ushushiso
Ngokuba osuka ethanda ukuphila
nokubona izinsuku ezinhle,
makanqande ulimi lwakhe kokubi,
nezindebe zakhe zingakhulumi inkohliso,
adede ebubini, enze okuhle,
afune ukuthula, akujonge.
1 kaPetru 3:10-11 ukuthula ukuphila ukuqamba amanga
Makungabikho muntu odelela ubusha bakho, kepha yiba yisibonelo kwabakholwayo ngezwi, nangenkambo, nangothando, nangokukholwa, nangokuhlanzeka.
1 kuThimothewu 4:12 inkolo ukuphila
Ngubani ozakusahlukanisa nothando lukaKristu na? Noma ukuhlupheka, noma ukubandezeka, noma ukuzingelwa, noma indlala, noma ukuhamba ze, noma ingozi, noma inkemba, na?
KwabaseRoma 8:35 inhlupheko ushushiso ukuhlupheka
Uthando lukulokhu, kungesikho ukuthi thina samthanda uNkulunkulu, kepha ukuthi yena wasithanda thina, wathuma iNdodana yakhe ibe yinhlawulo ngezono zethu.
1 kaJohane 4:10 isibi UMsindisi ukubuyisana
Ngokuba umusa wakho umnandi kunokuphila;
izindebe zami ziyakukudumisa.
Ngiyakukubonga ngisaphila;
ngiyakuphakamisa izandla zami egameni lakho.
AmaHubo 63:3-4 ukuphila khulekela indumiso