Amavesi EBhayibheli ngokuqamba amanga

«»

• Izindebe zamanga ziyisinengiso kuJehova,
  kepha abenza iqiniso bayintokozo yakhe.
  IzAga 12:22 ukukhuluma thembeka iqiniso
• Ngokuba osuka ethanda ukuphila
  nokubona izinsuku ezinhle,
  makanqande ulimi lwakhe kokubi,
  nezindebe zakhe zingakhulumi inkohliso,
  adede ebubini, enze okuhle,
  afune ukuthula, akujonge.
  1 kaPetru 3:10-11 uthando ukuthula ukuphila
• Jehova, hlenga umphefumulo wami emlonyeni wamanga
  nasolimini lwenkohliso.
  AmaHubo 120:2 ukukhuluma umhlengi umphefumulo
• Yilowo ohamba ngobuqotho nowenza ukulunga,
  okhuluma iqiniso enhliziyweni yakhe,
  ongahlebi ngolimi lwakhe,
  ongamoni umngane wakhe,
  nongamhlazi umakhelwane wakhe.
  AmaHubo 15:2-3 iqiniso ongenasici inhlebo
• Londa ulimi lwakho kokubi,
  nezindebe zakho kukho ukukhuluma inkohliso.
  AmaHubo 34:13 ukukhuluma okubi iqiniso
• Wayesethi: “Okuphumayo kumuntu yilokho okumngcolisayo umuntu; ngokuba ngaphakathi enhliziyweni yabantu kuphuma imicabango emibi, nobufebe, nokweba, nokubulala, nokuphinga, nokufisa, nokushinga, nenkohliso, nokungabi nanhloni, neso elibi, nokuhlambalaza, nokuzidla, nobuwula. Zonke lezo zinto ezimbi zivela ngaphakathi, zimngcolise umuntu.”
  NgokukaMarku 7:20-23 isibi ukuhlanzwa isilingo
• Ningaqambelani amanga, lokhu nikhumule umuntu omdala kanye nezenzo zakhe, nembethe omusha, owenziwa musha abe nokwazi ngokomfanekiso walowo owamdalayo.
  KwabaseKolose 3:9-10 ukuphila ukuguqulwa izinguquko
• Ofihla inzondo unezindebe zamanga;
  ophumisa inhlebo uyisiwula.
  IzAga 10:18 ukukhuluma inhlebo
• Uma sithi sinenhlanganyelo naye sibe sisahamba ebumnyameni, sinamanga, asenzi iqiniso.
  1 kaJohane 1:6 isibi thembeka iqiniso
• Ohamba ngobuqotho uhamba ngokulondeka,
  kepha ohlanekezela izindlela zakhe uyakwaziwa.
  IzAga 10:9 isibi ukuphepha ukuphila
• Ufakazi oqinisileyo akaqambi amanga,
  kepha ufakazi ongaqinisile uyaphafuza amanga.
  IzAga 14:5 iqiniso thembekile
• Nina ningabakayihlo uSathane, nithanda ukwenza izinkanuko zikayihlo. Yena wayengumbulali wabantu kwasekuqaleni, akemi eqinisweni, ngokuba iqiniso lingekho kuye. Nxa ekhuluma amanga, ukhuluma okungokwakhe, lokhu engumqambimanga noyise wawo.
  NgokukaJohane 8:44 usathane izifiso iqiniso
• Umuntu ophambeneyo usakaza ukuxabana,
  nomncethezi wahlukanisa abahlobo.
  IzAga 16:28 thembeka inhlebo ubungani
• Ungabulali, ungaphingi, ungebi, ungafakazi amanga; yazisa uyihlo nonyoko; wothanda umakhelwane wakho njengalokhu uzithanda wena.
  NgokukaMathewu 19:18b-19 umthetho uthando umndeni
• Dedisela kude nami okuyize namanga,
  unganginiki ubumpofu nengcebo,
  kepha ngiphe isinkwa engisimiselweyo.
  IzAga 30:8 ukuthanda izinto ezibambekayo ukudla imali
• Nibusisiwe, nxa benithuka, benizingela, bekhuluma konke okubi ngani, beqamba amanga ngenxa yami.
  NgokukaMathewu 5:11 isibusiso ushushiso okubi
• Ukumesaba uJehova kungukuzonda okubi;
  ukuzidla, nokuzikhukhumeza,
  nendlela embi,
  nomlomo wobuphoxo, ngiyakuzonda.
  IzAga 8:13 mangala ukuziqhenya okubi
• Wayesethi uPetru: “Ananiya, kungani ukuba uSathane agcwalise inhliziyo yakho, uqambe amanga kuMoya oNgcwele, ugodle inxenye yemali yezwe, na? Lisekhona belingesilo elakho na? Selithengisiwe belingekho emandleni akho na? Uyibekeleni leyo nto enhliziyweni yakho na? Awuqambanga amanga kubantu kepha kuNkulunkulu.”
  IzEnzo 5:3-4 imali thembeka usathane
• Ulimi oluthulayo lungumuthi wokuphila,
  kepha ukuphambanisa kwalo kungukuchotshozwa komoya.
  IzAga 15:4 ukukhuluma UMoya inhlebo
• Susa kuwe ukuphambana komlomo,
  nezindebe eziyisigwegwe uzidedisele kude nawe.
  IzAga 4:24 ukukhuluma iqiniso
• Izindebe ezinobungcweti azifanele isiwula;
  kakhulu kangakanani umlomo wamanga isikhulu.
  IzAga 17:7 inhlakanipho ukukhuluma
• Izindebe zolungileyo ziyakwazi okuhle,
  kepha umlomo wababi okuphambeneyo.
  IzAga 10:32 iqiniso ukulunga ukukhuluma
• UNkulunkulu akasiye umuntu ukuba
  aqambe amanga,
  nandodana yomuntu ukuba azisole;
  ushilo, angayikukwenza, na?
  Ukhulumile, angayikukuphelelisa, na?
  UNumeri 23:19 UNkulunkulu thembekile izethembiso
• Ohamba encetheza uyambula izimfihlakalo,
  kepha othembekile emoyeni uyayisibekela indaba.
  IzAga 11:13 thembekile ukukhuluma inhlebo
• Ekwazi lokhu ukuthi umthetho awumiselwe olungileyo, umiselwe abangenamthetho namahlongandlebe, abangamesabi uNkulunkulu nabayizoni abahlazisayo nabadumazayo, nababulali bawonina, nababulala abantu, nezifebe, nabesilisa abalalanayo, nabathumbabantu, nabaqambimanga, nabafungela amanga, noma kungakhona okunye okuphambene nesifundiso esiphilileyo, ngokwevangeli lenkazimulo kaNkulunkulu obongekayo, engaphathiswa lona mina.
  1 kuThimothewu 1:9-11 umthetho isibi ucansi