Amavesi EBhayibheli ngenhlupheko

«»

• Kepha uNkulunkulu womusa wonke owanibizela enkazimulweni yakhe yaphakade ngoKristu, senihluphekile isikhashana, yena uqobo uyakuniphelelisa, aniqinise, aninike amandla, anisekele.
  1 kaPetru 5:10 umusa ukuphila okungunaphakade izethembiso
• Kepha akusikho lokho kuphela, kodwa sizibonga nangezinhlupheko ngokwazi ukuthi ukuhlupheka kuveza ukukhuthazela, ukukhuthazela kuveza ukuqiniseka, ukuqiniseka kuveza ithemba.
  KwabaseRoma 5:3-4 ngiyethemba injabulo
• Makabongwe uNkulunkulu noYise weNkosi yethu uJesu Kristu, uYise wobubele, uNkulunkulu wenduduzo yonke, osiduduza osizini lwethu lonke, ukuze nathi sibe namandla okududuza abasosizini, nolunjani, ngenduduzo esiduduzwa ngayo nathi nguNkulunkulu.
  2 kwabaseKorinte 1:3-4 khulekela isikhuthazo umduduzi
• Ngokuba ngithi izinhlupheko zesikhathi samanje azinakulinganiswa nenkazimulo eyakwambulwa kithina.
  KwabaseRoma 8:18 ukuphila okungunaphakade insindiso
• Ziningi izinhlupheko zolungileyo,
  kepha uJehova uyamkhulula kuzo zonke.
  AmaHubo 34:19 ukulunga umhlengi inkululeko
• Ngokuba usizi lwethu olululana olungolomzuzwana luyasisebenzela isilinganiso esikhulu kakhulu senkazimulo emiyo phakade.
  2 kwabaseKorinte 4:17 ukuphila okungunaphakade isikhuthazo umvuzo
• Ngubani ozakusahlukanisa nothando lukaKristu na? Noma ukuhlupheka, noma ukubandezeka, noma ukuzingelwa, noma indlala, noma ukuhamba ze, noma ingozi, noma inkemba, na?
  KwabaseRoma 8:35 uthando ushushiso ukuhlupheka
• Njengokuba uKristu wahlupheka enyameni, hlomani nani ukuqonda okunjalo, ngokuba ohluphekile enyameni uyekile ukona.
  1 kaPetru 4:1 isibi
• Kepha noma nihlupheka ngenxa yokulunga, nibusisiwe. Ningesabi ukwesabisa kwabo, ningakhathazeki.
  1 kaPetru 3:14 ukulunga uvalo
• Ngokuba ngenxa kaKristu nina nabelwa ngomusa, angisho ukukholwa kuye kuphela kepha nokuhlupheka ngenxa yakhe.
  KwabaseFilipi 1:29 umusa inkolo isihe
• Thwalisanani imithwalo yenu, nigcwalise kanjalo umthetho kaKristu.
  KwabaseGalathiya 6:2 umthetho umakhelwane
• Yayideleliwe, yashiywa ngabantu,
  umuntu wobuhlungu owazi ukugula;
  yeyiswa injengosithezelwa ubuso ngabantu,
  asiyishayanga nto yalutho.
  U-Isaya 53:3 UJesu ukugula
• Nongathabathi isiphambano sakhe, angilandele, kangifanele.
  NgokukaMathewu 10:38 UJesu ukulandela ukubethelwa
• Ngokuba njengalokho izinhlupheko zikaKristu zivamile kithi, kanjalo nokududuzeka kwethu kuvamile ngoKristu.
  2 kwabaseKorinte 1:5 umduduzi UJesu isikhuthazo
• Kepha yazithwala izifo zethu,
  yabetshatha ubuhlungu bethu,
  kodwa thina sathi ijezisiwe,
  ishaywe nguNkulunkulu, ihlushiwe.
  U-Isaya 53:4 UJesu ukugula ukubethelwa
• Ngokuba nabizelwa khona lokho, ngokuba uKristu wahlushwa ngenxa yenu, enishiyela isibonelo sokuba nilandele ezinyathelweni zakhe.
  1 kaPetru 2:21 ukulandela ubizo ukulalela umthetho
• Ukuze ngimazi yena, namandla okuvuka kwakhe, nokuhlanganyela ezinhluphekweni zakhe, ngimfuze ngokufa kwakhe.
  KwabaseFilipi 3:10 UJesu ukuvuka
• Wayesesukuma uJobe, waklebhula ingubo yakhe, waphucula ikhanda lakhe, wawela emhlabathini, wakhuleka, wathi:
  “Ngaphuma ngize esizalweni sikamame;
  ngiyakubuyela khona ngize;
  uJehova wapha, uJehova uthathile;
  malibongwe igama likaJehova.”
  UJobe 1:20-21 khulekela ukudabuka ukukhathazeka
• Ofumana ukuphila kwakhe uyakulahlekelwa yikho; olahlekelwa ngukuphila kwakhe ngenxa yami uyakukufumana.
  NgokukaMathewu 10:39 ukuphila okungunaphakade ukuphila
• Wakuthobisa-ke, wakulambisa, wakupha ukuba udle imana obungalazi, bebengalazi futhi oyihlo, ukuba akwazise ukuthi umuntu akaphili ngesinkwa sodwa; kepha ngakho konke okuphuma emlonyeni kaJehova, yikho umuntu aphila ngakho.
  UDuteronomi 8:3 IZwi likaNkulunkulu ukuphila ukudla
• Amhlubula, amembathisa ingubo ebomvu, aluka umqhele wameva, awufaka ekhanda lakhe, nomhlanga esandleni sakhe sokunene, aguqa ngamadolo phambi kwakhe, ambhinqa athi: “Bayede, nkosi yabaJuda!”
  NgokukaMathewu 27:28-29 umhlatshelo iphasika
• Noma ngabela abampofu konke enginakho, noma nginikela umzimba wami ukuba ushiswe, kepha ngingenalo uthando, akungisizi ngalutho.
  1 kwabaseKorinte 13:3 uthando ukupha ukuziqhenya
• Bheka, ubusisiwe lowo muntu uNkulunkulu amlayayo;
  ngalokho ungadeleli ukukhuzwa nguSomandla.
  UJobe 5:17 isijeziso isibusiso
• SesiseHayidese saphakamisa amehlo aso, sisebuhlungwini, sambona u-Abrahama ekude, noLazaru esesifubeni sakhe. Samemeza sathi: ‘Baba Abrahama, ngihawukele, uthume uLazaru, agcobhoze isihloko somunwe wakhe emanzini, aphozise ulimi lwami, ngokuba ngiyahlushwa kuleli langabi.’
  NgokukaLuka 16:23-24 isihogo ukufa izulu
• Ngitholile usizo kuNkulunkulu ngimi kuze kube kulolu suku ngifakaza kwabancane nakwabakhulu, angikhulumi lutho ngaphandle kwalokho abakukhulumile abaprofethi noMose ukuthi kuzakwenzeka, ukuthi uKristu nga ehlupheka nokuthi engowokuqala ekuvukeni kwabafileyo uzakumemezela ukukhanya kuso isizwe nakwabezizwe.
  IzEnzo 26:22-23 ukuvangela ukuvuka UMsindisi