Inhlakanipho (2/3)

Nesiwula lapho sithule kuthiwa isihlakaniphi; ovala umlomo wakhe ungoqondileyo. IzAga 17:28

ZUL59

Nesiwula lapho sithule kuthiwa isihlakaniphi;
ovala umlomo wakhe ungoqondileyo.
IzAga 17:28 ukukhuluma ingqondo
Owephuza ukuthukuthela unokuqonda okuningi,
kepha isififane siyaphakamisa ubuwula.
IzAga 14:29 ukubekezela ukuqonda intukuthelo
Ubusisiwe umuntu othola ukuhlakanipha
nomuntu ozuza ingqondo.
IzAga 3:13 ingqondo ukuqonda
Ngokuba ekuhlakanipheni okuningi kukhona ukukhathazeka okuningi; owandisa ukwazi wandisa usizi.
UmShumayeli 1:18 ukudabuka ingqondo ukukhathazeka
Ukumesaba uJehova kungukuqala kokuhlakanipha;
iziwula ziyadelela ukuhlakanipha nokulaywa.
IzAga 1:7 mangala ukufunda
Yazi ukuthi kunjalo ukuhlakanipha emphefumulweni wakho;
uma ukutholile, kuyakuba khona isikhathi esizayo,
nethemba lakho aliyikunqunywa.
IzAga 24:14 ukufuna ngiyethemba
Ukuqala kokuhlakanipha kungukumesaba uJehova,
nokumazi oNgcwele kungukuqonda.
IzAga 9:10 mangala ubungcwele ukuqonda
Ngikufundisa ngendlela yokuhlakanipha;
ngikuhola emikhondweni yobuqotho.
IzAga 4:11 ukufunda ukulunga
Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!
KwabaseRoma 11:33 UNkulunkulu ukuqonda
Ohamba nabahlakaniphileyo uyakuhlakanipha,
kepha umngane weziwula uyakushoshozelwa yizo.
IzAga 13:20 isijeziso
Zuza ukuhlakanipha, zuza ukuqonda;
ungakhohlwa, ungachezuki emazwini omlomo wami.
IzAga 4:5 ukuqonda IZwi likaNkulunkulu ukulalela umthetho
Ukumesaba uJehova kungukuqala kokuhlakanipha;
banengqondo enhle bonke abakwenzayo.
Udumo lwakhe lumi kuze kube phakade.
AmaHubo 111:10 mangala khulekela umthetho
Amazwi omlomo wohlakaniphileyo anomusa,
kepha izindebe zesiwula ziyasigwinya sona.
UmShumayeli 10:12 ukukhuluma
Ukuze izinhliziyo zabo ziduduzwe, behlanganisiwe othandweni babe nengcebo yonke yokwazi okuphelele, bazisise imfihlakalo kaNkulunkulu enguKristu.
KwabaseKolose 2:2 UJesu isikhuthazo uthando
Umthetho kaJehova uphelele,
uvusa umphefumulo;
ukufakaza kukaJehova kuqinisile,
kuhlakaniphisa oyisiwula.
AmaHubo 19:7 umthetho umphefumulo IZwi likaNkulunkulu
Ndodana yami,
uma inhliziyo yakho ihlakanipha,
inhliziyo yami iyakuthokoza,
yebo, eyami.
IzAga 23:15 inhliziyo injabulo umndeni
Omunye wazisa olunye usuku kunolunye, omunye wazisa izinsuku zonke; yilowo nalowo akaqiniseke enhliziyweni yakhe.
KwabaseRoma 14:5 ukulalela umthetho umakhelwane isabatha
Ngomlomo umuntu
ongenaNkulunkulu ubulala umakhelwane wakhe,
kepha abalungileyo bayakhululwa ngokwazi.
IzAga 11:9 ukulunga ukukhuluma inhlebo
Isiwula sikhipha lonke ulaka lwaso,
kepha ohlakaniphileyo uyalugodla ekugcineni.
IzAga 29:11 intukuthelo ukuzithiba
Izindebe zesiwula ziletha ukuxabana,
nomlomo waso ubiza imivimbo.
IzAga 18:6 ukukhuluma
Ukukhathazeka kwesiwula kuyaziwa ngosuku,
kepha oqondileyo uyasibekela ihlazo.
IzAga 12:16 intukuthelo ukuzithiba
Buyani ngokusola kwami;
bhekani, ngiyakuthulula umoya wami phezu kwenu,
nginazise amazwi ami.
IzAga 1:23 ukuguqulwa ukuphenduka UMoya
Abaningi bayakuzihlanza, bazenze mhlophe, bacwengisiswe, kepha ababi bayakwenza kabi, kodwa akayikuqonda noyedwa omubi; nokho abahlakaniphileyo bayakuqonda.
UDaniyeli 12:10 ukuhlanzwa isibi ukuqonda
Indodana ehlakaniphileyo ithokozisa uyise,
kepha indodana eyisiwula ilusizi kunina.
IzAga 10:1 injabulo umndeni ukudabuka
Isiwula siyadelela ukulaya kukayise,
kepha onaka ukusolwa uyathola ukuqonda.
IzAga 15:5 UBaba izingane ingqondo