Andinin-teny ao amin'ny Baiboly momba ny fankatoavana

«»

• Jesosy namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy.
  Jaona 14:23fitiavanaRay
• Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.
  Deotoronomia 28:1lalànafitahiana
• Anaka, tandremo ny didin-drainao,
  Ary aza mahafoy ny lalàn-dreninao.
  Ohabolana 6:20ankohonanamihaino
• Fa ny lalana rehetra izay nandidian'i Jehovah Andriamanitrareo anareo no halehanareo, mba ho velona ianareo ka hahita soa, ary ho maro andro any amin'ny tany izay holovanareo.
  Deotoronomia 5:30valisoafanarahana
• Fa aoka ho mpankatò ny teny ianareo, fa aza mpihaino fotsiny ihany ka mamitaka ny tenanareo.
  Jakoba 1:22Tenin'Andriamanitramihaino
• Izay mino anatra dia ho tonga eo amin'ny lalan'ny fiainana;
  Fa mivily izay mandà anatra.
  Ohabolana 10:17fiainanamihaino
• Koa amin'izany, ry rahalahy malalako, dia miorena tsara, aza miova, ary mahefà be mandrakariva amin'ny asan'ny Tompo, satria fantatrareo fa tsy foana tsy akory ny fikelezanareo aina ao amin'ny Tompo.
  1 Korintiana 15:58valisoafankaherezanaasa
• Tsy ianareo no nifidy Ahy, fa Izaho no nifidy anareo ka nanendry anareo mba handeha sy hamoa, ary mba haharetan'ny vokatrareo, mba homen'ny Ray anareo izay rehetra hangatahinareo amin'ny anarako na inona na inona.
  Jaona 15:16fivavahanafiantsoanamamoa
• Ary aza manaraka ny fanaon'izao tontolo izao; fa miovà amin'ny fanavaozana ny saina, hamantaranareo ny sitrapon'Andriamanitra, dia izay tsara sady ankasitrahana no marina.
  Romana 12:2lafatrafiainanaizao tontolo izao
• Ary tandremo izay asain'i Jehovah Andriamanitrao hotandremana handehananao amin'ny lalany hitandremanao ny lalàny sy ny didiny sy ny fitsipiny ary ny teni-vavolombelony, araka ny voasoratra ao amin'ny lalan'i Mosesy, mba hataonao lavorary avokoa izay rehetra hataonao sy izay rehetra halehanao.
  1 Mpanjaka 2:3lalànafitahiana
• Fa tahaka ny nanaovana ny maro ho mpanota noho ny tsi-fanarahan'ny olona iray, no hanaovana ny maro ho marina kosa noho ny fanarahan'ny Anankiray.
  Romana 5:19rarinyfamonjena
• Ry malala, raha tsy mba manameloka antsika ny fontsika, dia manana fahasahiana eo anatrehan'Andriamanitra isika. Ary na inona na inona no angatahintsika dia raisintsika aminy, satria mitandrina ny didiny sy manao izay ankasitrahana eo imasony isika.
  1 Jaona 3:21-22fahatokisanalalàna
• Kanefa hoy Izaho aminareo izay mihaino: Tiava ny fahavalonareo; manaova soa amin'izay mankahala anareo; misaora izay manozona anareo, ary mivavaha ho an'izay manisy ratsy anareo.
  Lioka 6:27-28fitahianafivavahana
• Ka dia maneke an Andriamanitra ianareo; ary manohera ny devoly, dia handositra anareo izy.
  Jakoba 4:7filaminanampidorokasatana
• Aoka tsy hiala amin'ny vavanao ity bokin'ny lalàna ity, fa saintsaino andro aman'alina, hitandremanao hanao araka izay rehetra voasoratra eo; ary amin'izany dia hahalavorary ny lalanao ianao sady hambinina.
  Josoa 1:8lalànafitahiana
• Raha tsy hihaino na handatsaka am-po ka hanome voninahitra ny anarako ianareo, hoy Jehovah, Tompon'ny maro, dia halefako hamely anareo ny ozona, ka hozoniko ny tso-drano ataonareo; eny, efa voaozoko sahady izany, satria tsy nandatsaka am-po ianareo.
  Malakia 2:2fitahianamihaino
• Aoka ny olona rehetra samy hanaiky ny fahefana lehibe. Fa tsy misy fahefana afa-tsy izay avy amin'Andriamanitra; fa izay misy dia voatendrin'Andriamanitra.
  Romana 13:1fahatokisanaAndriamanitra
• Sambatra izay rehetra matahotra an'i Jehovah,
  Dia izay mandeha amin'ny lalany.
  Salamo 128:1fanajanafanarahana
• Mazotoa, fa aza malaina, ary aoka hafana fo amin'ny fanompoana ny Tompo.
  Romana 12:11Fanahyfanompoana
• Ary izy namaly ka nanao hoe: Tiava an'i Jehovah Andriamanitrao amin'ny fonao rehetra sy ny fanahinao rehetra sy ny herinao rehetra ary ny sainao rehetra; ary, Tiava ny namanao tahaka ny tenanao.
  Lioka 10:27lalànafitiavana
• Fa izay tarihin'ny Fanahin'Andriamanitra no zanak'Andriamanitra.
  Romana 8:14Fanahyzaza
• Ary hoy koa Jesosy tamin'izy rehetra: Raha misy ta-hanaraka Ahy, aoka izy handà ny tenany, dia hitondra ny hazo fijaliany isan'andro ka hanaraka Ahy.
  Lioka 9:23fanomboana
• Ampianaro hanao ny sitraponao aho;
  Fa Hianao no Andriamanitro;
  Aoka ny Fanahinao tsara
  no hitarihanao ahy amin'izay tany marina.
  Salamo 143:10mianatraFanahyFanahy Masina
• Ary izahay dia vavolombelon'izany zavatra izany, ary ny Fanahy Masina koa, Izay efa nomen'Andriamanitra ny manaiky Azy.
  Asan'ny Apostoly 5:32FanahyfahazoanaFanahy Masina
• Koa amin'izany mangataka aminareo aho, ry rahalahy, noho ny famindram-pon'Andriamanitra, mba hatolotrareo ny tenanareo ho fanatitra velona, masina, sitrak'Andriamanitra, dia fanompoam-panahy mety hataonareo izany.
  Romana 12:1famindram-pofahamasinana