Andinin-teny ao amin'ny Baiboly momba ny fanajana

«»

• Ny fankahalana ny ratsy no fahatahorana an'i Jehovah.
  Ny fiavonavonana sy ny fireharehana sy ny lalana ratsy
  Ary ny vava fandainga dia samy halako avokoa.
  Ohabolana 8:13 fiavonavonana faharatsiana lainga
• Koa raha manana ireo teny fikasana ireo isika, ry malala, dia aoka isika hanadio ny tenantsika ho afaka amin'ny fahalotoana rehetra, na amin'ny nofo, na amin'ny fanahy, ka hahatanteraka ny fahamasinana amin'ny fahatahorana an'Andriamanitra.
  2 Korintiana 7:1 fanadiovana fahamasinana fampanantenana
• Aza manao anao ho hendry;
  Matahora an'i Jehovah, ka mifadia ny ratsy.
  Dia ho famelombelomana ny nofonao izany
  Sy ho fanamandoana ny taolanao.
  Ohabolana 3:7-8 fitahiana faharatsiana fahasalamana
• Indro, ny mason'i Jehovah mitsinjo izay matahotra Azy,
  dia izay manantena ny famindram-pony.
  Salamo 33:18 fitokisana Andriamanitra
• Ary ankehitriny, ry Isiraely ô, inona moa no ilain'i Jehovah Andriamanitrao aminao, afa-tsy ny hatahotra an'i Jehovah Andriamanitrao sy ny handeha amin'ny lalany rehetra ary ny ho tia Azy sy hanompo an'i Jehovah Andriamanitrao amin'ny fonao rehetra sy ny fanahinao rehetra, hitandrina ny didin'i Jehovah sy ny lalàny izay andidiany anao anio, mba hahita soa ianao?
  Deotoronomia 10:12-13 lalàna fitahiana fanompoana
• Ny valin'ny fanetren-tena sy ny fahatahorana an'i Jehovah
  Dia harena sy voninahitra ary fiainana.
  Ohabolana 22:4 fanetren-tena valisoa
• Sambatra izay rehetra matahotra an'i Jehovah,
  Dia izay mandeha amin'ny lalany.
  Salamo 128:1 fankatoavana fanarahana
• Fitaka ny fahatsaram-bika, ary zava-poana ny fahatsaran-tarehy;
  Fa ny vehivavy matahotra an'i Jehovah ihany no hoderaina.
  Ohabolana 31:30 hatsàra
• Ny fahatahorana an'i Jehovah no fiandoham-pahalalana;
  Fa ny adala manamavo ny fahendrena sy ny famaizana.
  Fananarana tsy hikambana amin'ny mpanao ratsy.
  Ohabolana 1:7 fahendresena mianatra
• Aleo ny kely misy ny fahatahorana an'i Jehovah
  Toy izay harena be misy ahiahy.
  Ohabolana 15:16 vola fitiavan-karena
• Ary rehefa re izany rehetra izany, dia izao no faran'ny teny: Andriamanitra no atahory, ary ny didiny no tandremo, fa izany no tokony hataon'ny olona rehetra.
  Mpitoriteny 12:13 lalàna fiainana
• Manaraha an'i Jehovah Andriamanitrareo, ka aoka Izy no hatahoranareo, ary ny didiny no hotandremanareo, ary ny feony no hohenoinareo, ary aoka Izy no hotompoinareo sy hifikiranareo.
  Deotoronomia 13:5 mihaino fanarahana sampy
• Ary hiposaka aminareo, izay matahotra ny anarako, ny Masoandron'ny fahamarinana, manana fanasitranana ao amin'ny tanany; ary hivoaka ianareo ka hifalihavanja toy ny zanak'omby mifahy.
  Malakia 3:20 fifaliana rariny fahasitranana
• Ary tamin'izany, satria natahotra an'Andriamanitra ny mpampivelona dia nomen'Andriamanitra zanaka izy.
  Eksodosy 1:21 fitahiana
• Ny fahatahorana an'i Jehovah dia fananarana mampahahendry;
  Ary ny fanetren-tena mialoha ny fisandratana.
  Ohabolana 15:33 fanetren-tena fahendresena
• Haleloia. Sambatra ny olona izay matahotra an'i Jehovah
  Sady mankasitraka ny didiny indrindra.
  Salamo 112:1 lalàna fitiavana
• Ny fahatahorana an'i Jehovah no fiandoham-pahendrena;
  Ary ny fahafantarana ny Iray Masina no fahazavan-tsaina.
  Ohabolana 9:10 fahendresena fahamasinana mahatakatra
• Ny fahatahorana an'i Jehovah no fiandoham-pahendrena;
  Fahalalana tsara no ananan'izay rehetra mankatò izany;
  Maharitra mandrakizay ny fiderana Azy.
  Salamo 111:10 fahendresena fiankohofana lalàna
• Enga anie ka mba hanana fo toy izany izy hatahorany Ahy sy hitandremany ny didiko rehetra mandrakariva, mba hahita soa izy sy ny taranany mandrakizay.
  Deotoronomia 5:26 lalàna fankatoavana fitahiana
• Mandoava amin'izy rehetra izay tokony ho azy avy: vola hetra ho an'izay tokony handoavan-ketra, fadin-tseranana ho an'izay tokony handoavana fadin-tseranana'tahotra ho an'izay tokony hatahorana, haja ho an'izay tokony hohajaina.
  Romana 13:7 fanaovana ny marina vola trosa
• Ampianaro ny lalanao aho, Jehovah ô,
  Dia handeha amin'ny fahamarinanao aho;
  Ampiraiso ny foko hatahotra ny anaranao.
  Salamo 86:11 mianatra fahamarinana fitokisana
• Izay efa mivarahontsana dia tokony hiantran'ny sakaizany.
  Fandrao mahafoy ny fahatahorana ny Tsitoha izy.
  Joba 6:14 namana manaraka
• Mitahy antsika Andriamanitra;
  ary hatahotra Azy ny vazan-tany rehetra.
  Salamo 67:7 Andriamanitra fitahiana
• Ary tandremo ny didin'i Jehovah Andriamanitrao, mba handehananao amin'ny lalany sy hatahoranao Azy.
  Deotoronomia 8:6 fankatoavana lalàna fanarahana
• Dia nanam-piadanana ny fiangonana eran'i Jodia sy Galilia ary Samaria rehetra, sady nandroso tsara sy nandeha tamin'ny fahatahorana ny Tompo sy ny famporisihan'ny Fanahy ka nihamaro.
  Asan'ny Apostoly 9:31 fiangonana fiadanana Fanahy Masina