Iivesi zeBhayibhile malunga nokufunda

«»

• Ndokwazisa indlela omawuhambe ngayo,
  utsho uNdikhoyo,
  ndikufundise, ndikujonge.
  INdumiso 32:8ukhuthazoukuqonda
• Zenzeni zonke izinto enazivayo nezo nazibonela kum, amazwi kwanezenzo. Ke uThixo onika uxolo uya kuba nani.
  KWABASEFILIPI 4:9uxoloukuphulaphula
• Ngoko ke, njengoko senenjenjalo kakade, khuthazanani, nakhane omnye nomnye.
  1 KWABASETESALONIKA 5:11ukhuthazoummelwane
• Isiseko sobulumko kukuthobela uNdikhoyo,
  kambe ke zona izityhakala zibujongele phantsi ubulumko nengqeqesho.
  IZAFOBE 1:7ukumoyika uthixoubulumko
• Ndibonise indlela yakho, Ndikhoyo;
  ndifundise iindlela zakho.
  INdumiso 25:4ubomi
• Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
  KWABASEKOLOSE 3:16ILizwi likaThixounquloumbulelo
• Mfo wam, musa ukuyidela ingqeqesho kaNdikhoyo,
  ungasicekisi isiluleko sakhe.
  Kaloku uNdikhoyo uyamluleka umntu amthandayo,
  kwanjengokuba uyise emohlwaya unyana anebhongo ngaye.
  IZAFOBE 3:11-12uthandoUTataisohlwayo
• Umntu oyithandayo ingqeqesho uthanda ulwazi;
  kodwa ke yena ongafuni kululekwa usisityhakala.
  IZAFOBE 12:1ukuqondaukuphulaphula
• Ndikhokelele enyanisweni yakho, undifundise.
  Kaloku nguwe, Thixo, umkhululi wam;
  ndihleli ndikulindele imini yonke.
  INdumiso 25:5inyanisoithembausindiso
• Mna ngokwam ndikufundisile ubulumko,
  ndakukhokelela endleleni ethe ngqo.
  IZAFOBE 4:11ubulumkoubulungisa
• Wena unguThixo wam,
  ngoko ke ndifundise ukuthanda kwakho.
  UMoya wakho wobubele
  makandikhokelele endleleni esisithabazi!
  INdumiso 143:10UmoyaukuthobelauMoya oyiNgcwele
• Ngenani edyokhweni yam, nifunde kum, kuba mna ndilulamile, ndingontliziyo ithobekileyo. Nothi ke nizifumanele ukuphumla iintliziyo zenu, kuba idyokhwe yam ayityabuli, nomthwalo wam ulula.
  UMATEWU 11:29-30ukuthobekaphumla
• UNdikhoyo unobubele, ulungile.
  Yiyo loo nto abafundisayo indlela yakhe aboni.
  Abathobekileyo ubakhokelela kokulungileyo,
  abafundise indlela yakhe abalulamileyo.
  INdumiso 25:8-9ubulungisaukuthobeka
• Kodwa ke nina uKrestu unithambise ngoMoya oyiNgcwele. Ngalo lonke ixesha uMoya wakhe ehleli kuni anidingi kufundiswa mntu. Kaloku uMoya uyanifundisa yonke into, ibe ke imfundiso yakhe ayibobuxoki, yinyani. Ngoko ke yithobeleni imfundiso kaMoya, nize nihlale nimanyene noKrestu.
  1 KAYOHANE 2:27inyanisoukwamkela
• Wena ke, shumayela ngendlela engqinelana nemfundiso ephilileyo.
  KUTITO 2:1ukuthethaukuvangela
• Waza uYesu wawaphendula wathi: “Le mfundiso ndiyifundisayo asiyoyam, koko ivela kulowo undithumileyo.”
  UYOHANE 7:16UYesuILizwi likaThixo
• Ke ngoko hambani niye kuzenza abafundi zonke iintlanga, nibabhaptize egameni loYise, neloNyana, neloMoya oyiNgcwele; nibafundisa ukuba bazenze zonke izinto endiniyalele ngazo. Niyabona, mna ndinani yonke imihla, kude kube sekuphelisweni kwephakade eli.
  UMATEWU 28:19-20ukuvangelaubhaptizouMoya oyiNgcwele
• Khawundifundise iindlela zakho, Ndikhoyo,
  khon' ukuze ndinamathele enyanisweni.
  Ewe, ndifundise ukukuhlonela, Nkosi;
  ndikunqule ndingankwalambisi.
  INdumiso 86:11inyanisoukuthembekaintliziyo
• Bazingisa ke imihla yonke, endlwini kaThixo nasemakhayeni, ukufundisa nokushumayela iindaba ezimnandi ezingoYesu onguKrestu.
  UMSEBENZI WABATHUNYWA 5:42ukuvangelauMesiya
• Imfundiso yam iza kuchaphaza njengemvula,
  itshone njengombeth' emhlabeni,
  amazwi am awe njengomkhumezelo phezu kohlaza,
  abe njengomvimbi phezu kotyani.
  UHLAZIYO-MNQOPHISO 32:2ILizwi likaThixo
• Ebusuku umphefumlo wam ulangazelela wena;
  kusasa umoya wam uyazula ufuna wena.
  Xa ulohlwaya ihlabathi
  abemi balo bafunda ngobulungisa.
  UISAYA 26:9ubulungisaumgwebo
• Qondani kaloku nizikise ukuba uNdikhoyo uThixo wenu uyaniqeqesha njengomzali eqeqesha abantwana bakhe.
  UHLAZIYO-MNQOPHISO 8:5UTataisohlwayo
• Ke uMmeli uMoya oyiNgcwele, lowo uBawo aya kumthuma egameni lam, uya kunifundisa zonke izinto, anikhumbuze ngako konke endithe ndanixelela kona.
  UYOHANE 14:26umthuthuzeliuMoya oyiNgcweleUTata
• Niyazi ukuba andinifihlelanga nto ebinokuba luncedo kuni, xa bendishumayela ndinifundisa esidlangalaleni nasemakhayeni enu.
  UMSEBENZI WABATHUNYWA 20:20ukuvangela
• Ke ngoko othe wajika nokuba mnye kule mithetho mincinane, wakufundisa abantu oko, kothiwa ungoyena mncinane kwabalawulwa nguThixo. Kanti ke othe wawenza umthetho, wawufundisa, woba newonga kwabalawulwa nguThixo.
  UMATEWU 5:19umthethoubukumkaniizulu