Iivesi zeBhayibhile malunga nomnqophiso

«»

• Khumbulani kaloku ukuba uNdikhoyo uThixo wenu lo nguThixo ekukuphela kwakhe, kungekho wumbi ngaphaya; futhi ke uthembekile. Uyawugcina umnqophiso wakhe, futhi izibele zakhe ziphuphumela kwâbo bamthandayo beyigcina imiyalelo yakhe kuse kumawaka ezizukulwana.
  UHLAZIYO-MNQOPHISO 7:9ukuthembekaumthethouThixo
• Umqondiso walo mnqophiso endikwenzela wona kunye nazo zonke izinto eziphilayo, ngumnyama oya kubakho esibhakabhakeni. Nguwo lowo umqondiso womnqophiso ongasoze ujike endiwenzela abantu nalo lonke elimiweyo.
  EYEZIQALO 9:12-13izithembiso
• NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.
  UHLAZIYO-MNQOPHISO 31:8ukulandelauloyikoukhuthazo
• Ke zon' izibele zikaNdikhoyo zivelela abamhloneleyo;
  uhlala enobubele kwizizukulwana ngezizukulwana,
  kwabanyanisekileyo kumnqophiso wakhe
  nabathobela imithetho yakhe.
  INdumiso 103:17-18ukuthembekaumthethousapho
• Ngoko ke yena uKrestu ungunozakuzaku womnqophiso omtsha, ukuze abantu ababiziweyo nguThixo balizuze ilifa laphakade ababelithenjisiwe. Kaloku ngokufa kwakhe uzicimile izono ababezenzile ngexesha lomnqophiso wokuqala.
  KUMAHEBHERE 9:15umthethoUMsindisiumlamli
• Ngoku ke, ukuba niyandithobela, nenze ngokomnqophiso wam, niya kuba ngabantu bam ncakasana. Kaloku lelam ihlabathi liphela.
  EYEMFUDUKO 19:5ukuthobelaixabisekileumhlaba
• UThixo onika uxolo, owayivusa ekufeni iNkosi yethu uYesu Krestu, waba nguyena malusi womhlambi, ngokuphalala kwegazi lomnqophiso ongasoze utshitshe, wanga anganomeleza ekwenzeni okulungileyo, khon' ukuze niyifeze intando yakhe. Wanga angasenza loo nto athanda ukuba sibe yiyo ngoYesu Krestu. Makadunyiswe uYesu Krestu ngonaphakade kanaphakade! Amen.
  KUMAHEBHERE 13:20-21uxolouvukointsikelelo
• “Ewe, iintaba zingadilika,
  ke zona iinduli zinyamalale,
  kodwa izibele zothando lwam soze zinqamke kuwe,
  nomnqophiso wam woxolo soze ushukume.”
  Utsho ke yena uNdikhoyo okukhathaleleyo.
  UISAYA 54:10uthandouxoloukuthembeka
• Ke yena uYesu unikwe ububingeleli obuphakamileyo kunobabo. Kanti ke nomnqophiso awuzakuzelayo phakathi koThixo nabantu ukwamkhulu, ngenxa yokubaluleka kwezithembiso osekelwe phezu kwazo.
  KUMAHEBHERE 8:6UYesuumlamliizithembiso
• Wawubhengeza kuni umnqophiso wakhe emaniwuthobele, nditsho imithetho elishumi ayibhale kumacwecwe amabini amatye.
  UHLAZIYO-MNQOPHISO 4:13umthethoukulandela
• Bakugqiba ukutya wayithatha kwangokunjalo nendebe, wathi: “Le ndebe ingumnqophiso omtsha osungulwa kukuphalala kwegazi lam.”
  ULUKA 22:20isiselo somdiliyaigazi
• Ke mna ke sendazimisela ngomxhelo wam wonke
  ukuba kungáze kubekho ntombi ndiyincwasayo.
  UYOBI 31:1iminqwenoukuzibambaiingcamango
• Ndithi andisobe ndizitshabalalise ngemvula kwakhona izinto eziphilayo. Ilizwe alisobe liphinde lipheliswe ngemvula. Ngumnqophiso wam lowo.
  EYEZIQALO 9:11ukhuselekoizithembiso
• Ke kaloku uMosis wahlala apho iintsuku ezingamashumi amane engatyi engaseli. Amazwi omnqophiso wawabhala apho emacwecweni, oko kukuthi imithetho elishumi.
  EYEMFUDUKO 34:28ukuzila ukutyaukusondelaumthetho
• Wathatha nendebe, wabulela, wabanika, wathi: “Selani kuyo nonke; kuba ligazi lam eli elisisiqinisekiso somnqophiso, eliphalazelwa abaninzi, ukuze baxolelwe izono.”
  UMATEWU 26:27-28isiselo somdiliyaigaziuxolelo