DailyVerses.netDihlogotabaTemana ya go se kgethwe ka maikemišetšoIngwadiše

Ditemana tša Bibele tša go bolela ka Kwelobohloko

  • Rekolohelanang, le hauhelane, le tshwarelane, jwalokaha le Modimo a le tshwaretse ka Kreste.
  • Ka baka la lerato la Morena,
    rato le sa feleng,
    ha re a ka ra ba ra timela,
    mehauhelo ya hae
    ha e eso ka e kgaotsa;
    hoseng ho hong le ho hong
    e a ntjhafala,
    botshepehi ba hae
    bo boholo haholo!
  • Ke qetella ka ho re lona bohle le be pelonngwe, le utlwelane bohloko, le ratane jwaloka bana ba motho, le be mosa, le ikokobetse.
  • Ho bokwe Modimo, Ntata Morena wa rona Jesu Kreste, Ntata mehauhelo le Modimo wa matshediso wohle. O re tshedisa matshwenyehong wohle a rona, e le hore le rona re tle re tsebe ho tshedisa bohle ba matshwenyehong, ka matshediso ao le rona re tshediswang ka wona ke Modimo.
  • Kaha le le bakgethwa ba Modimo, ba halaleditsweng, ba ratwang ke yena, ebang le kutlwelobohloko, le mosa, le boikokobetso, le bonolo, le boiphapanyo.
  • Thabang le ba thabileng, llang le ba llang.
  • Morena wa mabotho o bua tjena: ‘Ahlolelanang ka toka, le be mosa, mme le utlwelane bohloko. Le se ke la hatella mohlolohadi, leha e le kgutsana, moditjhaba kapa mofutsana. Motho a se ke a rerela ngwanabo bokgopo.’
  • Ha motho a ena le maruo a lefatshe lena, mme a bona ngwanabo a hloka, empa a mo thatafaletsa pelo ya hae, lerato la Modimo le ka ba teng jwang pelong ya hae?
  • “Na mosadi a ka lebala lesea
    leo a le anyesang,
    a se ka hauhela ngwana
    wa popelo ya hae?
    Leha yena a ka lebala,
    nna ha nka ke ka o lebala!”
    Bona! ke ngotse bitso la hao
    kahara diatla tsa ka,
    marako a hao
    ke ntse ke a bona kamehla.
  • Jwalokaha ntata bana
    a ba utlwela bohloko,
    ka mokgwa o jwalo le Morena
    o utlwela ba mo tshabang bohloko.
  • Empa Morena o rata ho le hauhela,
    o labalabela ho tla le rekolohela,
    hobane Morena
    ke Modimo wa toka,
    ho lehlohonolo bohle
    ba mo lebeletseng.
  • Moprista wa rona e Moholo hase ya ka sitwang ho re utlwela bohloko mefokolong ya rona, hobane ke ya ileng a lekwa ka ditsela tsohle jwaloka rona, empa a se ke a etsa sebe.
  • “Leha dithaba di ka sisinngwa
    le maralla a suthiswa,
    lerato la ka le matla ho wena
    le ke ke la sisinyeha,
    kapa selekane sa ka sa kgotso
    sa fediswa,”
    ho rialo Morena, yena ya o utlwelang bohloko.
  • Ke tla matlafatsa ba ntlo ya Juda,
    ba ntlo ya Josefa ke ba pholose.
    Ke tla ba kgutlisetsa ha habo bona,
    hobane ke ba utlwela bohloko.
    Ba tla ka bao ke ne ke eso ba lahle,
    hobane nna ke Morena,
    Morena Modimo wa bona,
    ke tla amohela thapelo tsa bona.
  • O tla boela o re utlwela bohloko,
    makgopo a rona o a hatakella fatshe,
    dibe tsa rona
    o di lahlela botebong ba lewatle.

Temana ya Bibele ya lehono

Ha ba se ba jele, a etsa jwalo le ka senwelo, a re: “Senwelo sena ke selekane se setjha se tiisitsweng ka madi a ka, a tshollelwang lona.”

Amogela Temana ya Bibele ya Letšatši ka Letšatši:

Tsebišo ya letšatši ka letšatšiEmeileFacebookAndroid-appWeposaeteng ya gago

Temana ya Bibele ya go se kgethwe ka maikemišetšo

Mahlapa a se ke a tswa melomong ya lona, ho mpe ho tswe dipolelo tse molemo, tse ka thusang ho matlafatsa ba di utlwang, le ho ba tlisetsa lehlohonolo.Temana ya go latela!

Thekga DailyVerses.net

Nthuse ho phatlalatsa Lentsoe la Molimo:
Neela