Khulekela (2/3)

Kalokhu-ke mina Nebukadinesari ngiyatusa, ngiyaphakamisa, ngiyidumisa iNkosi yezulu, ngokuba yonke imisebenzi yayo… UDaniyeli 4:37

ZUL59

Kalokhu-ke mina Nebukadinesari ngiyatusa, ngiyaphakamisa, ngiyidumisa iNkosi yezulu, ngokuba yonke imisebenzi yayo iyiqiniso, nezindlela zayo zingukwahlulela; abahamba ngokuzidla inamandla okubathobisa.
UDaniyeli 4:37 ukulunga ukuthobeka ukuziqhenya
Ngakhala kuye ngomlomo wami;
ukudumisa kwakuphansi kolimi lwami.
AmaHubo 66:17 umkhuleko indumiso ukucula
Kepha yena onamandla okwenza okukhulu kakhulu kunakho konke esikucelayo nesikuqondayo ngokwamandla asebenza kithi, makube kuye udumo ebandleni nakuKristu Jesu ezizukulwaneni zonke zaphakade naphakade. Amen.
Kwabase-Efesu 3:20-21 ukuthobeka amandla UMoya
Mkhulu uJehova, umelwe ukudunyiswa kakhulu;
ubukhulu bakhe abuphenyisiseki.
AmaHubo 145:3 ukuqonda usomandla indumiso
Nakho konke okudaliweyo okusezulwini, nokusemhlabeni, naphansi komhlaba, naselwandle, nakho konke okukukho, ngakuzwa kuthi:
“Kuyena ohlezi esihlalweni sobukhosi nakulo iWundlu makube yisibusiso,
nodumo, nenkazimulo, namandla kuze kube phakade naphakade.”
IsAmbulo 5:13 indalo ukubonga indumiso
Emlonyeni munye kuphuma ukubusisa nokuqalekisa. Akufanele, bazalwane bami, ukuba lokho kube kanjalo.
EkaJakobe 3:10 isibi ukukhuluma isibusiso
Ngiyakumbonga uJehova ngezikhathi zonke;
ukudunyiswa kwakhe kuyakuba semlonyeni wami njalonjalo.
AmaHubo 34:1 isibusiso ukukhuluma indumiso
Ngiyamthanda uJehova,
ngokuba uyezwa izwi lokukhuleka kwami.
Ngokuba ubekile indlebe kimi
ngiyakukhuleka kuye zonke izinsuku zami.
AmaHubo 116:1-2 uthando ukulalela
Kepha ngiwuthembile umusa wakho;
inhliziyo yami izakwethaba ngensindiso yakho;
ngizakuhlabelela kuJehova,
ngokuba ungenzele okuhle.
AmaHubo 13:5-6 ukwethemba inhliziyo ukucula
Amazulu ayalanda ngenkazimulo kaJehova,
nomkhathi ushumayela umsebenzi wezandla zakhe.
Usuku luyalandisa usuku inkulumo,
nobusuku bushumayeza ubusuku ukwazi.
AmaHubo 19:1-2 izulu
Izwi likaKristu alihlale phakathi kwenu, livame, nifundisane ngokuhlakanipha konke, niyalane ngamahubo, nangezihlabelelo, nangamaculo okomoya, nimhubele uNkulunkulu ezinhliziyweni zenu ngokubonga.
KwabaseKolose 3:16 IZwi likaNkulunkulu ukufunda ukubonga
Kepha anazi yini ukuthi umzimba wenu uyithempeli likaMoya oNgcwele okinina, enimamukele kuNkulunkulu, nokuthi anisibo abenu na? Ngokuba nathengwa ngenani elikhulu. Ngakho-ke mbongeni uNkulunkulu emzimbeni wenu.
1 kwabaseKorinte 6:19-20 UMoya ukuphila impilo
Ingubani le Nkosi yenkazimulo na?
UJehova Sebawoti
nguyena oyiNkosi yenkazimulo. Sela
AmaHubo 24:10 umbuso ukuvuma
Ngiyakumbonga uJehova ngayo yonke inhliziyo yami;
ngiyakulanda zonke izimangaliso zakho.
AmaHubo 9:1 ukubonga izimangaliso inhliziyo
Ungasiphi thina, Jehova,
ungasiphi thina,
kepha uliphe igama lakho inkazimulo
ngenxa yomusa wakho nangenxa yeqiniso lakho.
AmaHubo 115:1 uthando ukuthobeka ukwethembeka
Ngizakukubonga phakathi kwabantu, Jehova,
ngikudumise phakathi kwezizwe.
AmaHubo 108:3 umhlaba indumiso ukucula
Ngalokho-ke uNkulunkulu wamphakamisa kakhulu, wamnika igama eliphezu kwamagama onke, ukuze kuthi ngegama likaJesu amadolo onke aguqe, awabasezulwini, nawabasemhlabeni, nawabangaphansi komhlaba.
KwabaseFilipi 2:9-10 UJesu izulu umhlaba
Mayibongwe iNkosi.
Iyasithwala imihla ngemihla;
uNkulunkulu uyinsindiso yethu. Sela
AmaHubo 68:19 ukuncika insindiso
Izindebe zami zizakujabula,
ngokuba ngizakukudumisa wena,
nomphefumulo wami owuhlengileyo.
AmaHubo 71:23 umhlengi umphefumulo ukucula
Ngiyakukuphakamisa wena Nkulunkulu wami, Nkosi,
ngilituse igama lakho phakade naphakade.
AmaHubo 145:1 ukuphila okungunaphakade indumiso
Nginobani ezulwini na?
Uma nginawe, angifuni lutho emhlabeni.
AmaHubo 73:25 ukwethemba UNkulunkulu izulu
Kuyo iNkosi yaphakade engabhubhiyo, engenakubonwa, uNkulunkulu yedwa, makube ludumo nenkazimulo kuze kube phakade naphakade. Amen.
1 kuThimothewu 1:17 usomandla umbuso UNkulunkulu
Emini uJehova uyaleza umusa wakhe;
ebusuku isihlabelelo sakhe sikimi,
ngikhuleke kuNkulunkulu wokuphila kwami.
AmaHubo 42:8 uthando umkhuleko
Niyakusho ngalolo suku ukuthi:
“Bongani uJehova,
nibize igama lakhe,
nizazise izenzo zakhe phakathi kwezizwe,
nimemezele ukuthi igama lakhe liphakeme.”
U-Isaya 12:4 ukukhuluma ukuvangela indumiso
Ngakho-ke noma nidla, noma niphuza, noma nenzani, konke kwenzeleni udumo lukaNkulunkulu.
1 kwabaseKorinte 10:31 ukudla ukuphila