Khulekela (3/3)

Kuyo iNkosi yaphakade engabhubhiyo, engenakubonwa, uNkulunkulu yedwa, makube ludumo nenkazimulo kuze kube… 1 kuThimothewu 1:17

ZUL59

Kuyo iNkosi yaphakade engabhubhiyo, engenakubonwa, uNkulunkulu yedwa, makube ludumo nenkazimulo kuze kube phakade naphakade. Amen.
1 kuThimothewu 1:17 usomandla umbuso UNkulunkulu
Niyakusho ngalolo suku ukuthi:
“Bongani uJehova,
nibize igama lakhe,
nizazise izenzo zakhe phakathi kwezizwe,
nimemezele ukuthi igama lakhe liphakeme.”
U-Isaya 12:4 ukukhuluma ukuvangela indumiso
Ngiyakukubonga ngobuqotho benhliziyo,
lapho ngifunda izahlulelo zakho ezilungileyo.
AmaHubo 119:7 umthetho inhliziyo indumiso
Kepha khulani emseni nasekwazini iNkosi noMsindisi wethu uJesu Kristu. Inkazimulo mayibe kuye namanje nakuze kube lusuku lwaphakade.
2 kaPetru 3:18 umusa ukuqonda
Kuyakuthi yilowo nalowo
obiza igama leNkosi uyakusindiswa.
IzEnzo 2:21 insindiso umkhuleko
Ngiyakujabula, ngethabe kuwe;
ngiyakudumisa igama lakho wena oPhezukonke.
AmaHubo 9:2 injabulo UNkulunkulu ukucula
Imihla ngemihla baqinisela nganhliziyonye ethempelini, bahlephula isinkwa ekhaya, badla ukudla kwabo ngentokozo nangobumhlophe benhliziyo, bemdumisa uNkulunkulu, bethandeka kubantu bonke. INkosi yenezela ebandleni imihla ngemihla abasindiswayo.
IzEnzo 2:46-47 ukudla umphakathi indumiso
KuNkulunkulu noBaba wethu makube ludumo kuze kube phakade naphakade. Amen.
KwabaseFilipi 4:20 ukuthobeka UBaba
Izixuku ezazihamba phambili nezazimlandela zamemeza zathi:
“Hosiyana kuyo iNdodana kaDavide!
Ubusisiwe ozayo egameni leNkosi.
Hosiyana kweliphezulu!”
NgokukaMathewu 21:9 UJesu iphasika
Nomuntu kasokheli isibani, asibeke phansi kwesitsha, kodwa usifaka othini; khona siyabakhanyisela bonke abasendlini. Kanjalo makukhanye ukukhanya kwenu phambi kwabantu ukuba babone imisebenzi yenu emihle, badumise uYihlo osezulwini.
NgokukaMathewu 5:15-16 ukuvangela okuhle inkazimulo
Ngokuba “bonke abayakukhuleka egameni leNkosi bayakusindiswa.”
KwabaseRoma 10:13 UNkulunkulu insindiso
Ngalokho yamukelanani, njengalokho noKristu wasamukela, ukuze kudunyiswe uNkulunkulu.
KwabaseRoma 15:7 UJesu umakhelwane
INkosi iyakungikhulula kuyo yonke imisebenzi emibi, ingisindise, ngize ngifike embusweni wayo osezulwini; makube kuyo inkazimulo kuze kube phakade naphakade. Amen.
2 kuThimothewu 4:18 ukuvikela okubi izulu
Ukumesaba uJehova kungukuqala kokuhlakanipha;
banengqondo enhle bonke abakwenzayo.
Udumo lwakhe lumi kuze kube phakade.
AmaHubo 111:10 mangala inhlakanipho umthetho
Ngiyakumhubela uJehova kukho konke ukuphila kwami;
ngiyakuhlabelela kuNkulunkulu wami ngisekhona.
AmaHubo 104:33 ukucula ukuphila
Ngiyakubonga, ngikudumise wena Nkulunkulu wawobaba
ongiphile ukuhlakanipha namandla,
wangazisa esasikucela kuwe,
ngokuba usazisile indaba yenkosi.
UDaniyeli 2:23 inhlakanipho umkhuleko indumiso
Hlabelelani kuJehova,
ngokuba wenzile izinto ezinkulu;
lokhu makwazeke emhlabeni wonke.
U-Isaya 12:5 ukucula umhlaba
Wayesesukuma uJobe, waklebhula ingubo yakhe, waphucula ikhanda lakhe, wawela emhlabathini, wakhuleka, wathi:
“Ngaphuma ngize esizalweni sikamame;
ngiyakubuyela khona ngize;
uJehova wapha, uJehova uthathile;
malibongwe igama likaJehova.”
UJobe 1:20-21 inhlupheko ukudabuka ukukhathazeka
Udumo kuNkulunkulu kweliphezulu,
nokuthula emhlabeni kubantu abathokozelwa nguye.
NgokukaLuka 2:14 ukhisimusi ukuthula izingelosi
Babuya-ke abelusi bemdumisa, bembonga uNkulunkulu ngakho konke abakuzwileyo nabakubonileyo, njengalokho kwakukhulunyiwe kubo.
NgokukaLuka 2:20 ukhisimusi indumiso
Phakama, Nkulunkulu,
phezu kwezulu,
inkazimulo ibe phezu komhlaba wonke.
AmaHubo 57:5 izulu umhlaba
Sisize, Nkulunkulu wensindiso yethu,
ngenxa yenkazimulo yegama lakho;
usikhulule, usithethelele izono zethu
ngenxa yegama lakho.
AmaHubo 79:9 insindiso isibi umhlengi
Kwathi bekhonza iNkosi, bezila, uMoya oNgcwele wathi: “Ngahlukaniseleni oBarnaba noSawulu ukuba baye emsebenzini engibabizele wona.”
IzEnzo 13:2 ukuzila ukudla UMoya umkhuleko
Ngokunjalo nabesifazane mabagqoke izingubo ezifaneleyo, bazihlobise ngokuhlonipha nokuqonda, kungabi ngezinwele ezalukiweyo, nangegolide, nangamaparele, nangezambatho ezinemali eningi, kepha njengokufanele abesifazane abashoyo ukuthi besaba uNkulunkulu bahlobe ngemisebenzi emihle.
1 kuThimothewu 2:9-10 ubuhle ukuthanda izinto ezibambekayo okuhle
UJesu esezelwe eBetlehema laseJudiya emihleni kaHerode inkosi, bheka, kwafika izazi eJerusalema, zivela empumalanga, zithi: “Uphi lowo ozelwe eyinkosi yabaJuda na? Ngokuba sibonile inkanyezi yakhe kwelasempumalanga, size ukukhuleka kuye.”
NgokukaMathewu 2:1-2 ukhisimusi