Ditemana tša Bibele tša go bolela ka Lenyalo

«»

• Ya inyaletseng mosadi wa sebele
  o lehlohonolo,
  ya jwalo Morena o mo hauhetse.
  MAELE 18:22tšhegofatšogo nyaka
• A araba, a re: “Na ha le eso bale hore tshimolohong Mmopi ‘o ile a etsa e motona le e motshehadi?’ Mme a re: ‘Ka baka lena monna o tla tlohela ntatae le mmae, a matahane le mosadi wa hae, mme ba babedi bao ba tla fetoha ntho e le nngwe.’ Kahoo ha ba sa le ba babedi, e se e le ntho e le nngwe. Seo Modimo a se kopantseng se se ke sa arohanngwa ke motho.”
  MATHEU 19:4-6thobalanotlholo
• Lona basadi, ikokobeletseng banna ba lona jwalokaha e le tshwanelo, ka baka la Morena.
  Lona banna, ratang basadi ba lona, mme le se ke la ba hlonamela.
  BAKOLOSE 3:18-19boikokobetšoditswalano
• Bohle ba hlomphe lenyalo, mme dikano tsa lona di bolokwe ka botshepehi. Modimo o tla ahlola dihlola le difebe.
  BAHEBERU 13:4ditumokahlolothobalano
• Mosadi ya kgabane
  a ka fumanwa ke mang?
  Bohlokwa ba hae
  bo feta le mabenyane a bohlokwa!
  MAELE 31:10bohlokwaditswalano
• Le lona banna, ratang basadi ba lona, jwalokaha le Kreste a ratile kereke, mme a e teletse bophelo ba hae. O ratile ho e halaletsa, ka ho e hlwekisa ka tlhatsuo ya metsi, le ka lentswe.
  BAEFESE 5:25-26leratotlhwekišoditswalano
• Motho o itherela tsela ya hae,
  empa ke Morena ya mo tataisang.
  MAELE 16:9peakanyogo ikanya
• Empa ka baka la ho tshaba bohlola, monna ka mong a be le mosadi eo e leng wa hae, le mosadi ka mong a be le monna eo e leng wa hae.
  1 BAKORINTHE 7:2ditumoditswalanothobalano
• Jwale Morena Modimo a re: “Hase hantle hore motho a be inotshi; ke tla mo etsetsa molekane ya mo thusang.”
  TŠIMOLOHO 2:18tlholoditswalano
• Ha monna a qeta ho nyala, a se ke a tswa le bahlabani ha ba futuha; hape a se ke a laelwa ho etsa mosebetsi ofe kapa ofe. O tla lokollwa hore a qete selemo a le lapeng la hae, a ithabise le mosadi wa hae, eo a tswa mo nyala.
  LIPOLELO 24:5
• Ka lehopo leo Morena Modimo a le ntshitseng ho motho, a bopa mosadi, a mo tlisa ho motho.
  Yaba motho o re:
  
  “Enwa ke lesapo la masapo a ka,
  le nama ya nama ya ka;
  o tla bitswa Mosadi,
  hobane a ntshitswe ho Monna.”
  
  Ka baka lena, monna o tla tlohela ntatae le mmae, a matahane le mosadi wa hae, mme ba tla fetoha ntho e le nngwe.
  TŠIMOLOHO 2:22-24tlholommelethobalano
• Moratuwa,
  botle ba hao bo phethehile,
  botle ba hao bo hloka sekodi.
  SEFELA SA LIFELA 4:7bobotseditswalano
• Lona basadi, ikokobeletseng banna ba lona, jwalokaha le ikokobeletsa Morena, hobane monna ke hlooho ya mosadi, jwalokaha le Kreste e le hlooho ya Kereke. Ke yena mopholosi wa mmele, e leng kereke.
  BAEFESE 5:22-23Jesuphološoditswalano
• Monna a phethe tshwanelo ya hae ho mosadi wa hae, mme le mosadi a etse jwalo ho monna wa hae. Mosadi ha a na matla hodima mmele wa hae; ya nang le matla hodima wona ke monna wa hae. Ka mokgwa o jwalo, le monna ha a na matla hodima mmele wa hae; ya nang le matla hodima wona ke mosadi wa hae.
  1 BAKORINTHE 7:3-4mmelethobalano
• Le lona banna, le phedisane le basadi ba lona, le ntse le tseba hore ba fokola ho le feta. Le ba hlomphe hobane le bona, hammoho le lona, ke majalefa a bophelo boo Modimo a le neang bona. Etsang hona e le hore dithapelo tsa lona di tle di se ke tsa sitiswa.
  1 PETROSE 3:7thapelokgaugelothobalano
• Ka baka lena, monna o tla tlohela ntatae le mmae, a matahane le mosadi wa hae, mme ba babedi bao ba tla fetoha ntho e le nngwe.
  BAEFESE 5:31mmelethobalano
• Le banna ba tshwanetse ho rata basadi ba bona jwalo, jwaloka mmele ya bona hantle. Ya ratang mosadi wa hae o a ithata.
  BAEFESE 5:28ditswalanommele
• Le se ke la timana, haese ka tumellano, ka nakwana, e le hore le iphe nako ya ho rapela. Kamora moo le boele le kopane, esere Satane a le leka ka baka la ho hloka boitshwaro ha lona.
  1 BAKORINTHE 7:5diaboloboitshwarothobalano
• Ha ho le jwalo, e mong le e mong wa lona a rate mosadi wa hae jwalokaha a ithata; mosadi le yena a homphe monna wa hae.
  BAEFESE 5:33ditswalano
• Le utlwile hore ho ile ha thwe: ‘O se ke wa feba.’ Empa nna ke re ho lona: Mang kapa mang ya tadimang mosadi ka ho mo lakatsa o se a mo febile pelong ya hae.
  MATHEU 5:27-28ditumopelosebe
• Ke tla thabela Morena
  ka pelo ya ka yohle,
  moya wa ka
  o thabele Modimo wa ka haholo,
  hobane o nkapesitse kobo
  ya ho pholoswa,
  a nkwahela ka seaparo sa ho loka,
  jwalokaha monyadi
  a ikgabisa ka moqhaka,
  a ikgabisa
  jwaloka moprista a ikgabisa,
  monyaduwa a tlatlapela
  mabenyane a hae.
  ESAEA 61:10bolokilethabomolopolodi
• Empa ho tloha tshimolohong ya tlholeho Modimo o ile a etsa e motona le e motshehadi; ka baka lena monna o tla tlohela ntatae le mmae a matahane le mosadi wa hae, mme ba babedi bao ba tla fetoha ntho e le nngwe; kahoo ha ba sa le babedi, empa e se e le ntho e le nngwe. Seo Modimo a se kopantseng se se ke sa arohanngwa ke motho.
  MAREKA 10:6-9mmelethobalano