Intliziyo (2/3)

Banoyolo abo bayithobelayo imfundiso kaNdikhoyo, abayilulamelayo ngomxhelo wabo wonke. INdumiso 119:2

Banoyolo abo bayithobelayo imfundiso kaNdikhoyo,
abayilulamelayo ngomxhelo wabo wonke.
INdumiso 119:2 intsikelelo ukufuna
Othe kule ntaba: ‘Funquka, uphoseke elwandle;’ abe ke esitsho engathandabuzi entliziyweni yakhe, kodwa ekholwa ukuba oko akuthethayo kuya kwenzeka, wokwenzelwa.
UMARKO 11:23 thembela ukholo
Ndakusazi isigwebo sakho esingenagobe,
ndiya kukuncoma ngenene nangenyaniso.
INdumiso 119:7 umthetho unqulo dumisani
Amaxhala ayamtyhafisa umntu;
ke wona amazwi enkuthazo ayahlaziya.
IZAFOBE 12:25 ukuthetha ukukhathazeka
Mayibe ndim kuphela osentliziywemi yakho oku komsesane wokutywina;
ewe, mandibe ngumsesane wokutywina engalweni yakho.
Lent' uthando lunamandla nqwa nokufa;
ikhwele lalo aliqheliseli oku kwengcwaba.
Ludangazela ngathi lidangatye,
luvuthe ngathi ngumlilokazi.
UNCUTHU LWENGOMA 8:6 uthando ukufa
Niyabona ke, mawethu, lumkani kungabikho bani kuni ukhohlakeleyo, ungakholwayo, ongumkreqi kuThixo ophilayo.
KUMAHEBHERE 3:12 umsindo ububi ummelwane
Umnqweno ongafezekiyo uyamngcungcuthekisa umntu;
kanti ke wakufezeka umnqweno ufana nomthi onika ubomi.
IZAFOBE 13:12 ithemba ubomi ukugula
Kambe maze ninyaniseke ngokupheleleyo ekuwuthobeleni umyalelo nomthetho eniwuwiselwe nguMosis isicaka sikaNdikhoyo, othi: ‘Mthande uNdikhoyo uThixo wakho; mthobele ezintweni zonke, uyigcine imiyalelo yakhe, unamathele kuye, umkhonze ngomxhelo wonke nangomoya wakho wonke.’
UYOSHUWA 22:5 umthetho umphefumlo ukukhonza
Ndihamba ngokomlomo wakho,
khon' ukuze ndingoni.
INdumiso 119:11 ILizwi likaThixo isono
Kodwa ndithembe uthando lwakho olungajikiyo;
ndochulumacha kuba uyandihlangula.
Ndombonga uNdikhoyo, kuba endiphethe ngobubele.
INdumiso 13:5-6 thembela unqulo ukucula
Ithemba ke lona alidanisi, kuba uthando lukaThixo luthululelwe ezintliziyweni zethu ngoMoya oyiNgcwele esamnikwayo.
KWABASEROMA 5:5 ithemba Umoya uthando
Hayi ke, yitya isonka sakho wonwabile, usele iwayini yakho uchwayitile entliziyweni, kuba ngoku lithuba elikholekileyo kuThixo lokuba wenze oko.
AMAVA ENGQONDI 9:7 uvuyo ukutya ubomi
Imfundiso yakho lilifa lam nanini na;
ewe, iluyolo entliziyweni.
INdumiso 119:111 umthetho uvuyo
Ndithi sanukuzikrazula izinxibo,
koko zisoleni kukrazuk' iintliziyo.
Buyelani kuNdikhoyo uThixo wenu;
kaloku yena unesisa kwanemfobe,
uza kade umsindo,
yimvuze-mvuze ngobubele;
ewe, unebuyambo, akananqala.
UJOWELI 2:13 ubabalo uthando ukuthembeka
Khawundifundise iindlela zakho, Ndikhoyo,
khon' ukuze ndinamathele enyanisweni.
Ewe, ndifundise ukukuhlonela, Nkosi;
ndikunqule ndingankwalambisi.
INdumiso 86:11 ukufunda inyaniso ukuthembeka
Ke wena, mfo wam, wagqale amazwi am,
uyibazele iindlebe into endikuxelela yona.
Amazwi am makangacimi emehlweni akho,
koko wamilisele phakathi entliziyweni yakho.
IZAFOBE 4:20-21 ukuphulaphula ILizwi likaThixo ukuthobela
Mfo wam, ndingonwaba kakhulu
xa ingqondo yakho idlamkile.
IZAFOBE 23:15 ubulumko uvuyo usapho
Wathi kubo: “Nikwanje nani na ukungaqondi? Aniqondi na ukuba konke akutyayo umntu, akunako ukumngcolisa? Kaloku akungeni entliziyweni yakhe, kungena esiswini, kuze kuphume xa aye ngasese.” Ngala mazwi uYesu wayesithi zonke izidlo zihlambulukile.
UMARKO 7:18-19 ukutya umzimba
Ewe kaloku, utsho uNdikhoyo,
yena uthi: “Qalisani kwangoku.
Buyelani kum ngamxhelo mnye
ngokuzila, ngeenyembezi, nangesingqala.”
UJOWELI 2:12 uguqulo ukuzila ukutya usizi
Nokuba ndingade ndingqongwe ngumkhosi,
andiyi kuba naluvalo konke.
Nokuba ndirhawulwe yimfazwe,
ndiya kuthembela ngoNdikhoyo.
INdumiso 27:3 uloyiko thembela ukhuseleko
Intliziyo yam mayinxanele imfundiso yakho
ndaweni yokusukelana nenzuzo yobuqhophololo.
INdumiso 119:36 umthetho ukubawa ukuzingca
Mandikubonge ngomxhelo wam wonke, Ndikhoyo,
ndibalise ngayo yonke imimangaliso oyenzileyo.
INdumiso 9:1 unqulo umbulelo imimangaliso
Nivile ukuba kwathiwa: ‘Uze ungakrexezi.’ Ke mna ndithi kuni, wonke umntu okhangela umntu obhinqileyo embawela, uselekrexezile entliziyweni yakhe.
UMATEWU 5:27-28 umtshato iminqweno isono
Ndizimela ngaye, nguye ondisindisayo.
Yinqaba yam, soze ndichukunyiswe.
INdumiso 62:6 thembela ukukhuselwa
Ngoku ke sendiza kufa. Nazi mhlophe ezintliziyweni zenu nasemiphefumlweni yenu ukuba akukho nanye into ayithembisileyo angayenzanga uNdikhoyo; ewe, akukho nanye into ayithethileyo angayiphumelelisanga.
UYOSHUWA 23:14 ukuthembeka umphefumlo ukufa

Nokuthi umthande yena ngentliziyo iphela, nangengqiqo iphela, nangamandla ephela, nokuthi umthande ummelwane wakho kanye ngale ndlela uzithanda ngayo, kungaphezulu lee kunayo yonke imibingelelo namadini atshiswayo.

Funda ngokugqithisileyo...