- Want ons almal struikel dikwels. As iemand in woorde nie struikel nie, is hy 'n volmaakte man, in staat om ook die hele liggaam in toom te hou.
- Uit dieselfde mond kom seën en vervloeking. Dit, my broeders, behoort nie so te wees nie.
- WIE is wys en verstandig onder julle? Laat hom uit sy goeie lewenswandel sy werke in sagmoedige wysheid toon.
- Want waar afguns en selfsug is, daar is wanorde en allerhande gemene dade.
- Maar die wysheid van bo is ten eerste rein, dan vredeliewend, vriendelik, geseglik, vol barmhartigheid en goeie vrugte, onpartydig en ongeveins.
- En die vrug van die geregtigheid word gesaai in vrede vir die wat vrede maak.
