- Vertrou op die Here, en doen wat goed is;
bewoon die aarde en beoefen getrouheid. - En verlustig jou in die Here;
dan sal Hy jou gee die begeertes van jou hart. - Laat jou weg aan die Here oor
en vertrou op Hom, en Hý sal dit uitvoer;
en Hy sal jou geregtigheid laat voortkom soos die lig
en jou reg soos die middag. - Swyg voor die Here en verwag Hom;
wees nie toornig op hom wat voorspoedig in sy weg is nie,
op die man wat listige planne uitvoer nie. - 'n Klein bietjie is vir die regverdige beter
as die rykdom van baie goddelose;
want die arms van die goddelose sal verbreek word,
maar die Here ondersteun die regverdiges. - Die goddelose leen en gee nie terug nie,
maar die regverdige ontferm hom en gee. - Deur die Here word die gange van 'n man bevestig,
en Hy het 'n welbehae in sy weg. - Want die Here het die reg lief
en sal sy gunsgenote nie verlaat nie;
vir ewig word hulle bewaar,
maar die nageslag van die goddelose word uitgeroei.
