- Die goed van die ryke is sy sterk stad
en soos 'n steil muur in sy verbeelding. - Ek weet om verneder te word, ek weet ook om oorvloed te hê; in elke opsig en in alle dinge is ek onderrig: om versadig te word sowel as om honger te ly, om oorvloed te hê sowel as om gebrek te ly.
- Goed bring geen voordeel op die dag van die grimmigheid nie,
maar geregtigheid red van die dood. - Skatte deur goddeloosheid verwerf, bring geen voordeel nie,
maar geregtigheid red van die dood. - Ek is vrolik in die weg van u getuienisse
soos oor allerhande rykdom. - Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!
- En die rykdom en die eer kom van U, en U heers oor alles; en in u hand is krag en mag, en in u hand is dit om alles groot en sterk te maak.
- Maar wie die goed van die wêreld het en sy broeder sien gebrek ly en sy hart vir hom toesluit, hoe bly die liefde van God in hom?
- Huis en goed is 'n erfenis van die vaders,
maar 'n verstandige vrou is van die Here. - Die Here maak arm en maak ryk;
Hy verneder, ook verhoog Hy. - As bedroefdes, maar altyd opgeruimd; as armes, maar wat baie ander ryk maak; as mense wat niks het nie en tog alles besit.
- Liewer 'n bietjie met geregtigheid,
as 'n menigte van inkomste met onreg. - En die Here het die lot van Job verander toe hy vir sy vriende gebid het; en die Here het Job se besittings vermeerder tot dubbel soveel as voorheen.
- As die goed baie word, word die eters baie; watter voordeel het die besitter dan daarvan, behalwe dat sy oë dit aanskou?
- Die goddelose leen en gee nie terug nie,
maar die regverdige ontferm hom en gee. - Die ryke heers oor die armes,
en hy wat leen, is 'n slaaf van die man wat uitleen. - Toe sê Petrus: Ananías, waarom het die Satan jou hart vervul om vir die Heilige Gees te lieg en van die prys van die grond agter te hou? As dit nie verkoop was nie, het dit nie joue gebly nie? En toe dit verkoop is, was dit nie in jou mag nie? Waarom is dit dat jy hierdie saak in jou hart voorgeneem het? Jy het nie vir mense gelieg nie, maar vir God.
- En by wie in die dorings gesaai is — dit is hy wat die woord hoor, maar die sorg van hierdie wêreld en die verleiding van die rykdom verstik die woord, en hy word onvrugbaar.
- Die losprys vir die lewe van 'n man is sy rykdom,
maar die arme hoor geen dreigement nie. - Maar laat die broeder wat gering is, roem in sy hoogheid, en die ryke in sy geringheid, want soos 'n blom van die gras sal hy verbygaan.
- Julle mag naas My geen silwergode maak en geen goue gode vir julle maak nie.
Bybelvers van die dag
Soek wat goed is, en nie wat sleg is nie,sodat julle kan lewe
en die Here, die God van die leërskare,
só met julle kan wees soos julle sê.