- Inhliziyo yenu mayingakhathazeki. Kholwani nguNkulunkulu, nikholwe nayimi.
- Ekhaya likaBaba kukhona izindlu eziningi; uma bekungenjalo, bengiyakunitshela ukuthi ngiya ukunilungisela indawo.
- UJesu wathi kuye: “Mina ngiyindlela, neqiniso, nokuphila; akakho oza kuBaba ngaphandle kwami.”
- Uma beningazi mina, beniyakumazi noBaba; kusukela manje niyamazi, nimbonile.
- UFiliphu wathi kuye: “Nkosi, sikhombise uYihlo, kusanele.”
- Ngiqinisile, ngiqinisile ngithi kini: Okholwa yimi, imisebenzi engiyenzayo mina naye uyakuyenza, nemikhulu kunale uyakuyenza; ngokuba mina ngiya kuBaba.
- Noma yini eniyakukucela egameni lami ngiyakukwenza ukuba uBaba akhazimuliswe eNdodaneni.
- Uma ningithanda, niyakugcina imiyalo yami.
- Ngiyakucela kuBaba aniphe omunye uMduduzi wokuba ahlale kini phakade.
- Angiyikunishiya niyizintandane; ngiyeza kini.
- Onemiyalo yami ayigcine, nguyena ongithandayo; ongithandayo uyakuthandwa nguBaba, nami ngiyakumthanda, ngizibonakalise kuye.
- UJesu waphendula, wathi kuye: “Uma umuntu engithanda, uyakugcina izwi lami; uBaba uyakumthanda; siyakuza kuye, sihlale naye.”
- Kepha uMduduzi, uMoya oNgcwele, uBaba ayakumthumela egameni lami uyakunifundisa konke, anikhumbuze konke enginitshele khona.
- Ukuthula ngikushiya kinina, ukuthula kwami nginipha khona. Akunjengokupha kwezwe ukunipha kwami. Inhliziyo yenu mayingakhathazeki, ingesabi.
Izihloko ezihlobene
UBaba
Njengoyise ehawukela abantwana bakhe...
UJesu
UJesu ebabheka wathi: “Kubantu...
Uthando
Uthando luyabekezela, uthando lumnene...
UMduduzi
Makabongwe uNkulunkulu noYise weNkosi...
Ukukhathazeka
Ningakhathazeki ngalutho, kepha kukho...
Ukwenyuka
Kwathi eseshilo lokho, wakhushulwa...